Расонаҳо аз вуруди нахустин маҳмулаи содироти моҳии Афғонистон ба Тоҷикистон хабар доданд.
Бино ба иттилои расонаҳо, бархе ширкатҳои хусусӣ дар шимоли Афғонистон нахустин маҳмулаи содироти маводи хӯрокаи аз моҳӣ таёршудаи худро ба Тоҷикистон содир кардаанд.
Масъулини ширкат ин содиротро як қадами муҳим барои соҳаи истеҳсолии кишвар арзёбӣ кардаанд, ки аз як тараф бозори истеҳсолкунандагони афғонро васеъ мекунад ва аз тарафи дигар дарҳои нави ҳамкориҳои иқтисодиро бо кишварҳои минтақа боз менамояд.
Тоҷикистон бо вуҷуди доштани имкониятҳои зиёд дар бахши моҳидорӣ ва омода кардани маҳсулоти хӯрока аз гӯшти моҳӣ то ҳол натавонистааст, ки бозори дохилии худро таъмин намояд. Ин кишвар, ки муддати беш аз 33 сол инҷониб зери раҳбарии Эмомалӣ Раҳмон қарор дорад, ҳамоно ҳамчун як кишвари истеъмолкунандаи тамоми намуди хӯрока боқӣ мондааст. Ва аксари маҳсулоти хӯрокаи худро аз кишварҳои Афғонистону Покистон, Эрону Русия ва Қазоқистону Узбакистон ворид мекунад.
Гуфтанист, Толибон баъди дубора сари қудрат омадан дар Афғонистон дар соли 2021 то ҳол ба сурати расмӣ ба ҷуз Русия аз ҷониби ҳеч кишвари дигаре эътироф нашудаанд ва ҳамоно зери таҳримҳои зиёде қарор доранд. Ба ин хотир, то онҳо тавонистаанд, ки бозори истеҳсолот дар дохили онро тақвият ва тавсеа бахшиданд ва инак дар муддати камтар аз чор сол тавонистаанд, ки қисман барҳои кишварҳои ҳамсояи Афғонистон, аз ҷумла бозори маҳсулоти хӯрока дар Тоҷикистон аз они худ кунанд.
