27.9 C
Dushanbe

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки “Ҷумъа муборак”-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Рӯзи 19-уми сентябри соли ҷорӣ ба дасти Azda tv чанд сабти садоие расид, ки шаҳрвандон аз вилояти Хатлон ба наздиконашон ҳушдор медиҳанд, ки рӯзҳои ҷумъа ба онҳо паёмаки “Ҷумъа муборак” нафиристанд, зеро имкон дорад бо баҳонаи ин паёмак онҳо зиндонӣ шаванд.

Дар як сабти садо гуфта мешавад, кормандони амниятӣ ва интизомии кишвар дар вилояти Хатлон хона ба хона гашта, шаҳрвандонро ҳушдор додаанд, ки рӯзҳои ҷумъа ба ҳамдигар фиристодани паёмакҳои “Ҷумъа муборак” ва ё дигар навъи табрикоти исломӣ ва саловат фиристодан ба Паёмбари ислом мамнуъ эълон шудааст.

Имрӯз эълон карданд, овардан коғазҳоро имзо кардем, қонун бароварданд, ки ба ҳамдигаратон “Ҷумъаи саид муборак” ва дигар чизҳои мусалмонӣ фиристодан манъ шудааст. Дигар нафиристед ин паёмакҳоро, ки мушкиламон мешавад“, гуфта мешавад дар як сабти садо.

То ҳол Azda tv натавонист ин хабарро аз манобеи дигар тасдиқ кунад, таҳқиқи он идома дорад. Вале маълум нест ин навъи паёмак мутобиқи кадом қонуни ҷиноии кишвар ҷурм дониста шуда, фиристонандаи он ҳатто ба ду соли ҳабс муҷозот мешавад.

Ҳамчунин аз бинандагон ва мухотабони гиромӣ хоҳиш мешавад, ки агар дар ин бора чизе медонад ва ё мақомот онҳоро низ таҳдид карда бошад, метавонад маълумотро ба рақами Azda tv (+48571608008) дар вотсап ирсол кунанд. Ҳувияти ирсолкунанда пурра махфӣ мемонад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзиши интиқоли маводи мухаддир аз Афғонистон ба Тоҷикистон

Мақомоти Тоҷикистон мегӯянд, ки интиқоли маводи мухаддир дар ду соли гузашта тавассути марзҳои Афғонистон бесобиқа афзоиш ёфтааст.

Эмомалӣ Раҳмон Қуръонсӯзиро маҳкум кард

Президенти Тоҷикистон дар Созмони Милали Муттаҳид амалҳои қуръонсӯзӣ ва таҳқир ба муқаддасоти динию мазҳабиро маҳкум кард.

Мулоқоти сарони кишварҳои С5+1 дар Амрико

Иёлоти Муттаҳидаи Амрико дар нахустин мулоқоти сарони кишварҳои С5+1 ба конҳои азими маъданҳо ва сарватҳои зеризаминии Осиёи Марказӣ чашм ало кардааст.

Кумитаи дин: фиристодани паёмаки “Ҷумъа муборак” мамнуъ нашудааст

Кумитаи дин, танзими анъана ва ҷашну маросимҳои Тоҷикистон хабари мамнуъ шудани фиристодани паёмакҳои "Ҷумъа муборак"-ро рад кард.