Домоди Раисҷумҳури дарозумри Тоҷикистон мехоҳад қад-қади роҳ аз Душанбе то Хӯҷанд нуқтаҳои барқ “шорждиҳӣ” (барқпуркунӣ) барои мошинҳои барқӣ бисозад.
Бино ба иттилои Авесто, филиали ширкати Innovative Road Solutions (IRS) дар Тоҷикистон тасмим гирифтааст, ки аз Душанбе то Хуҷанд камаш 7 адад нуқтаҳои барқ “шорждиҳӣ” (барқпуркунӣ) барои мошинҳои барқӣ таъсис диҳад.
Ба қавли манбаъ, ин нуқтаҳо дар километри 11-ум ва 15-уми ноҳияи Варзоб, дар километри 107 ва 130-уми ноҳияи Айнӣ, 284-уми ноҳияи Ҷаббор Расулов, километри 300-уми Хуҷанд ва 322-юми ноҳияи Бобоҷон Ғафуров ҷойгир хоҳанд шуд.
Барои татбиқи лоиҳа ин ширкат аз Чин алакай 60 нерӯгоҳ бо иқтидори ҳар кадомаш 180 киловатт интиқол дода аст. Бо насб кардани онҳо ҳар як истгоҳ имкон пайдо мекунад, ки дар як вақт то ба 20 мошини барқӣ хидматрасонӣ кунад.
Innovative Road Solutions (IRS) як ширкати оффшории мутаалиқ ба Ҷамолиддин Нуралиев, домоди Эмомалӣ Раҳмон аст, ки шуд, ки 14 сол боз аз мардуми кишвар барои убур аз роҳи Душанбе-Чиноқ пул меситонад. Роҳи Душанбе Чин бо сармоягузории Чин таъмиру навсозӣ шуда буд.
Дар ҳамин ҳол Хадамоти гумруки Тоҷикитсон дар нишасти мутбуъотиаш хабар дода буд, ки воридоти мошинҳои сабукрав ба Тоҷикистон дар нимаи аввали соли 2024 дар муқойиса ба ҳамин давраи соли гузашта 22 ҳазор адад ё 58% коҳиш ёфтааст. Дар ҳаминҳол дар Тоҷикистон ба таври чашмрас мошинҳои барқӣ аз Хитой зиёд шудааст.
