Мақомоти Тоҷикистон ва Ироқ дар бораи бозпас овардани шаҳрвандони кишварамон дар Бағдод гуфтугӯ карданд.
Бино ба иттилои расмӣ, Зубайдулло Зубайдзода, сафири Тоҷикистон дар Ироқ бо Муҳаммад Шиёъ ас-Судонӣ, нахуствазири Ироқ дар Бағдод мулоқот кардааст.
Ба қавли манбаъ, дар рафти мулоқоти расмӣ, ҳамнгоми баррасии масоили дуҷониба ва бисёрҷониба низ “сафир масъалаи ба Ватан баргардонидани шаҳрвандони боқимондаи тоҷик аз Ироқро матраҳ сохт.”
Пеш аз ин Тоҷикистон дар чанд давра аз мулоқотҳои расмӣ масъалаи бозпас овардани шаҳрвандони боқимондаи кишварамонро, ки аз замони сарнагун шудани ДИИШ дар зиндонҳои ин кишвар ба сар мебаранд, матраҳ карда буд.
Гуфта мешавад, солҳои 2014-2017 дар замони ҳузури густурдаи ДИИШ дар давлатҳои Ироқу Сурия, ки бахшҳое аз минтақаҳои ин ду кишварҳоро тасарруф карда, давлати худхондаашро карда буд, ҷавонони зиёде аз тамоми кишварҳои дунё, аз ҷумла хеле аз давлатҳои узви Иттиҳоди Аврупо, Амрико, Бритониё, кишварҳои арабӣ, кишварҳои африқоӣ ва Осиёи Марказӣ, ва бахусус Тоҷикистон ба ин гурӯҳ пайваста буданд.
Аммо вақте ин гурӯҳ саркӯб ва давлати худхондаи он сарангун карда шуд, ҳазорҳо нафар аз занони кӯдакони аъзои ин гурӯҳ дар Ироқ ва Сурия боздошт ва зиндонӣ шуданд. Мақомоти Бағдод ва Димишқ аз тамоми давлатҳо хостанд, ки шаҳрвандони худро бозпас ба давлатҳои худ бибаранд. Тоҷикистон яке аз аввалин давлатҳое буд, ки бозпас овардани бархе шаҳрвандони худро оғоз карда буд ва ин бо гузашти чанд сол ҳанӯз ҳам ин раванд идома дорад.
