Бонки миллии Тоҷикистон дар давоми 24 соати гузашта қурби пули миллӣ-сомониро дар баробари рубли русӣ 9 дарсад коҳиш дод, аммо бонкҳои тиҷоратӣ на!
Имрӯз, 30-уми марти соли 2022 Бонки миллии Тоҷикистон, ки муайянкунандаи қурби пули миллӣ-сомонӣ дар баробари дигар арзҳои хориҷӣ дониста мешавад, қурби 1000 (як ҳазор) рубли русиро баробар ба 151 сомонию 60 дирам таъйин кард.
Бонки миллии Тоҷикистон дирӯз, 29 марти соли ҷорӣ қурби 1000 рубли русиро баробар ба 139 сомонию 30 дигар эълон карда буд.
Аммо бонкҳои тиҷоратии амалкунанда дар Тоҷикистон, дар мисоли Ориёнбонк, Алифбонк, Амонатбонк ва Бонки Эсхата, ки нисбатан муштариёни зиёдтаре доранд, ҳеч кудоме аз онҳо қурби хариди рубли русиро тавре Бонки миллӣ 151 сомонӣ ва 60 дирам муайян кардааст, таъйин накардаанд.
Бо ин вуҷуд, Алифбонк қурби 1000 рубли русиро 125 сомонӣ ва фурӯши онро 147 сомониву 50 дирам таъйин карду Ориёнбонк бошад, хариди 1000 рубли русиро 130 сомонӣ ва фурӯши онро 152 сомонӣ.
Инчунин Бонки Эсхата хариди 1000 рубли русиро 140 сомонӣ ва фурӯши онро 146 сомонӣ эълон кардаву Амонатбонк ҳам хариди 1000 рубли русиро барои шахсони воқеӣ 130 сомонӣ ва фурӯши онро 131 сомонӣ, вале барои шахсони ҳуқуқӣ қурбри 1000 рубли русиро баробар ба 144 сомониву фурӯши онро 150 сомонӣ таъйин кардааст.
