27.9 C
Dushanbe

Байни Арманистону Озарбойҷон оташбас эълон шуд

Владимир Путин раисҷумҳури Русия дар бораи қатъи амалиёти низомӣ байни Озарбойҷону Арманистон ва дар бораи ташкили низоми мусолиҳа дар Қарабоғи Кӯҳӣ изҳорот дод, менависад шабакаи телевизионии “Россия 24”.

Эъломияи оташбасро 9 ноябр президенти Озарбойҷон Алиев, сарвазири Арманистон Пашинян ва президенти Русия Путин имзо карданд.

Дар ин санад дар бораи қатъи пурраи ҳама ҷангҳо дар минтақаи ҷангӣ гуфта шудааст.

“Мо тахмин мезанем, ки созишномаҳои бадастомада барои ҳалли дарозмуддат ва ҳамаҷонибаи бӯҳрон атрофи Қарабоғи Кӯҳӣ одилона ва ба манфиати халқҳои арману озарбойҷон шароити зарурӣ фароҳам меоранд.”

Инчунин дар эъломия омадааст, ки ҷонибҳо асирони ҳарбӣ ва ҷасадҳоро ба якдигар бар мегардонанд.

Дар шабакаи Фейсбукии худ сарвазири Арманистон Никол Пашинян низ дар бораи имзои оташбас чунин менависад:

“Шаҳрвандон, бародарон ва хоҳарони азиз, барои худам ва барои ҳамаи мо як қарори бениҳоят душворро қабул кардам. Якҷоя бо президентҳои Русия ва Озарбойҷон, ман изҳоротро барои қатъ кардани ҷанги Қарабоғ аз соати 01.00 шаб имзо намудам.”

Президенти Озарбойҷон Илҳом Алиев низ дар саҳифаи твитерии худ аз ба анҷом расидани муноқиша байни Арманистону Озарйбоҷон хабар дод ва ин рӯзро рӯзи таърихӣ номид.

Ба назари ӯ, ин изҳорот маънои таслим шудани Арманистонро дорад ва ба ишғоле, ки солҳои зиёд идома дошт, хотима медиҳад. Ин хотимаи ҷанг ғалабаи пуршарафи мост!

Ёдовар мешавем, ки аксарияти сокинони минтақаи Қарабоғи Кӯҳиро арманиҳо ташкил медиҳанд. Ин минтақа, пас аз фурӯпошии Иттиҳоди Шӯравӣ истиқлолияти худро аз Озарбойҷон эълом кард. Ин сабаб шуд, ки аввали солҳои 90 дар ин минтақа даргириҳои низомӣ сурат гирифт, ки то ба имрӯз 30 ҳазор кушта ба ҷой гузоштааст.

Пас аз оташбаси соли 1994 байни ин ду кишвари даргир, давраи нави даргириҳо дар Қарабоғи Кӯҳӣ аз 27 сентябри соли ҷорӣ оғоз ёфт, ки ба гуфтаи коршиносон ин масъала яке аз буҳронҳои ҷиддитарин дар минтақа ба ҳисоб меравад. Арманистон ва Озарбойҷон якдигарро ба оғози ҷанг муттаҳам карда буданд. Роҳбарони Русия, Иёлоти Муттаҳида ва Фаронса тарафҳои муқобилро даъват карданд, ки даргириҳоро хотима диҳанд ва бидуни шарти пешакӣ музокиротро оғоз кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.