12.9 C
Dushanbe

Иди рамазон дар Тоҷикистон 2-уми май эълон шуд

Шӯрои уламои Маркази исломии Тоҷикистон 2-уми майи соли ҷориро рӯзи Иди Рамазамон эълон карда гуфт, ки намози Ид дар масҷидҳои кишвар соати 06:00 субҳ хонда мешавад.

Имрӯз, 27-уми апрели соли 2022 Шӯрои уламои Маркази исломии Тоҷикистон бо раҳбарии Саидмукаррам Абдуқодирзода ҷаласаи навбатии худро барои муайян кардани рӯзи Иди саиди Фитр баргузор кард.

Саидмукаррам Абдуқодирзода, раиси Шӯрои уламои Марказии исломии Тоҷикистон гуфт, “мувофиқи далелҳои илмӣ ва дар асоси хулосаи Институти астрофизикаи Академияи миллии илмҳои Ҷумҳурии Тоҷикистон рӯзи Иди саиди Рамазон дар кишвар ба рӯзи душанбеи 2-юми май рост меояд.”

Дар ин ҷаласа “пас аз баррасии масъалаҳо Шӯрои уламо чунин қарор намуд:

  1. Мувофиқи ҳисоби илмӣ Иди саиди Рамазон дар тамоми қаламрави ҷумҳурии Тоҷикистон рӯзи душанбе 2-юми майи соли 2022 таҷлил карда шавад.
  2. Вақти баргузории намози Иди саиди Рамазон соати 6-00 дақиқа муайян карда шавад.
  3. Имомхатибон вазифадор карда шаванд, ки барои расонидани кӯмаки моддӣ ба мӯҳтоҷону ниёзмандон, инчунин пешгирии исрофкориҳо дар рӯзҳои ид ва сарфаю сариштакорӣ мардумро ҷалб намуда, худашон намунаи ибрати дигарон бошанд.”

Тоҷикистон ягона кишвари исломии нест, ки ҳанӯз қабл аз дидани моҳи нав 2-уми майи соли ҷориро Иди саиди Рамазон эълон карда бошад, балки хеле аз кишварҳои исломӣ низ рамазони имсолро 30 рӯзи пурра гуфта, 2-уми майро рӯзи аввали Иди саиди Фитр эълон кардаанд. Мусалмонони кишварҳои аврупоӣ низ Иди Фитрро душанбеи 2-уми май таҷлил мекунанд.

Гуфтанист, рӯзаи моҳи мубораки Рамазон яке аз рукнҳои панҷгонаи дини мубини ислом буда, мусалмонон пас аз анҷоми ин фаризаи илоҳӣ ҳамасола рӯзҳои аввали моҳи шавволро ҳамчун Иди саиди Рамазон таҷлил мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳабси пешакии чор нафари дигар дар робита ба ҳодисаи хунини Русия

Дар пайи ҳодисаи хунини “Крокус Сити Ҳолл”-и Маскав боз чор анфари дигар, ки се нафари онҳо шаҳрвандони Тоҷикистон ҳастанд, боздошт шуданд.

СММ Қатъномаи оташбаси фаврӣ дар Ғаззаро қабул кард

Рӯзи 25-уми марти соли ҷорӣ Шӯрои амнияти Созмони Милали Муттаҳид пешнависи Қатъномаи оташбаси фаврӣ дар Ғаззаро тасвиб кард.

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.