Радиои Озодӣ аз манобеи худ дар ниҳодҳои интизомӣ ва наздик ба тафтишот хабар дод, ки собиқ афсарон “ҳамроҳ бо ҷинояткорони собиқадор ин одамрабоиро анҷом додаанд”.
Ба иттилои манбаъ, яке аз боздоштшудагон афсари собиқи Вазорати корҳои дохилӣ ва Ожонси мубориза бо фасод будааст. “Ва як манбаи наздик ба хонаводаи Шуҳрат Исматуллоев мегӯяд, бо гумони ширкат дар ин ҷиноят як додситони собиқ низ боздошт шудааст.”
Ҳамзамон гуфта мешавад, нафароне, ки даст ба ин ҷиноят задаанд, дар мошини худ аз рақамҳои давлатии махсус истифода кардаанд, ки чунин рақамҳо хоси ниҳодҳои қудратии кишвар буда ва “метавонанд ба талаби пулиси роҳ итоат накунанд ва бо суръати аз меъёр зиёд ҳаракат намоянд.”
Шаби 23 ба 24-уми июни соли ҷорӣ нерӯҳои ширкати “Вагнер” бо сардории Евгений Пригожин минтақаи Ростови лаби Дон, Варонеж, чандин пойгоҳҳои низомӣ ва фурӯдгрҳҳоро дар Русия зери тасарруфи худ даровард.
Сабаби қиёмии гурӯҳи низомии “Вагнер” алайҳи артиши Русияро худи Пригожен дар “хиёнат”-и Вазорати дифои Русия алайҳи ин гурӯҳи хусусии низомӣ унвон кард. Пештар аз ин Пригожен артиши Русияро муттаҳам кард, ки ба мавзеъҳои шибҳи низомиёнаш мушак партоб кардааст. Ӯ дар хитоб ба вазири дифои Русия Сергей Шойгу гуфт: “Бояд пеши роҳи нерҳои аҳримании фармондеҳи аршади артиши Русия” гирифта шавад ва аз ҳаракат ба сӯи Маскав барои “барқарории адолат” хабар дод.
Вале ҳукумати Русия ин ҳаракатро “шӯриши мусаллаҳона” ва мухолиф ба тамоми қавонини ин кишвар хонд. Худи имрӯз Додситонии кулли Русия аз боз кардани парвандаи ҷиноятӣ бар зидди ширкати “Вагнер” бо иттиҳоми “Ошӯби мусаллаҳона” иттилоъ дод.
Бархе таҳлилгарон мегӯянд, ширкати “Вагнер”, ки пештар муҳоҷирон ва маҳбусонро боздошт ва ба ҷанг мебурд, дар ин қиёми худ танҳо нест ва шахсиятҳои зиёде аз фармондеҳони аршади дар байни низомиёни Русия вуҷуд дорад, ки ҳукумати Путинро қабул надоранд ва дар ояндаи наздик аз ҳамроҳшавии худ бо пригожен хабар хоҳанд дод.
Аз чанд шаҳру вилоятҳои Русия бархе муҳоҷирони кории тоҷик бо ирсолу аксу наворҳо ба Azda tv хабар доданд, ки дар кӯчаву роҳҳо низомиёни зиёде дида мешавад ва тақрибан ташдидҳои амниятӣ дар тамоми минтақаҳои Русия ба чашм мехӯрад.
Аксари коршиносони ғарбӣ қиёми Пригоженро вуҷуди халалҳои идорӣ ва фасод дар байни артиши Русия дониста, мегӯянд, эҳтимол ин қиём ба табаддулоти давлатӣ дар Русия меанҷомад. Лаҳзае пеш НАТО низ иттилоъ дод, ки ҳаводиси Русияро назорат дорад.
Дар ҳамин ҳол сафорати Тоҷикистон дар Маскав аз тамоми шаҳрвандони кишвар хост, ки Русияро хатари вазъияти амниятӣ таҳдид мекунад ва аз ин лиҳоз аз сафар ба минтақаҳои наздимарзии Русия бо Украина худдорӣ кунанд.
“Ҳамчунин аз шаҳрвандон хоҳиш карда мешавад, ки ба ҷойҳои ҷамъиятии серодам ва чорабиниҳои оммавӣ, хусусан бо истифода аз нақлиёти шахсии худ, нараванд.”, омадааст дар изҳороти сафорат.
