Хона блог саҳифа 471

Норасоии вакили дифоъ дар Бадахшон

Аз ҷониби
amrullokhi
-
0

Дар як моҳи ахир дар шаҳру ноҳияҳои Бадахшон даҳҳо нафар боздошт шудаанд, вале аксари онҳо вакили мудофеъ надоранд.

Радиои Озодӣ дар Тоҷикистон ба иттилооте даст пайдо карда, ки дар 8 шаҳру ноҳияи Вилояти Мухтори Кӯҳистони Бадахшон ҳамагӣ 4 вакили мудофеъ амалан фаъолият доранд.

Ба иттилои манбаъ, “тибқи рӯйхати Иттифоқи адвокатҳои Тоҷикистон, дар Вилояти Мухтори Кӯҳистони Бадахшон ҳамагӣ 7 вакили дифоъ иҷозати кор доранд. Ба иттилои дарёфтии мо, аз инҳо фақат 4 нафар амалан дар ВМКБ ҳастанд. ” Ва аз ин ҳисоб “як вакили дифоъ дар Ванҷ, як нафар дар Мурғоб ва ду нафар дар шаҳри Хоруғ ҳастанд”.

Вилояти Мухтори Кӯҳистони Бадахшон дорои шаҳри Хоруғ ва 7 ноҳияи дигар аст. Тибқи оморҳои то соли 2019 дар ҳудуди ин вилоят 226,900 нафар аҳолӣ зиндагӣ мекунад ва ба ҳисоб барои ҳар 57 ҳазор нафар як адвокат рост меояд.

Гуфта мешавад, теъдоди адвокатҳо дар ин вилоят бозгӯкунандаи он аст, ки чун талабот ба адвокат камтар аст, амалан сатҳи ҷинояткорӣ низ дар шаҳру ноҳияҳои он ба маротиб камтар аз дигар шаҳру ноҳияҳои Тоҷикистон аст.

Иттиҳоди Аврупо дар Тоҷикистон сафири нав таъйин кард

Аз ҷониби
ofis
-
0

Иттиҳоди Аврупо сиёсатмадори литвонӣ Раймундас Кароблис (Raimundas KAROBLIS)-ро сафири нави худ дар Тоҷикистон таъйин кард.

Раймундас Кароблис, сафири нави ИА дар Тоҷикистон

Ҷозеф Боррелл, масъули сиёсати хориҷии Иттиҳоди Аврупо рӯзи 8-уми июн зимни фармоне 31 сафири нави ин иттиҳодия дар кишварҳои гуногунро муарифи кард.

Масъули сиёсати хориҷии Аврупо дар ин фармон, Раймундас Кароблис (Raimundas KAROBLIS), сиёсатмадор ва дипломати машҳури литвониро ба унвони раиси Намояндагии Иттиҳоди Аврупо дар Тоҷикистон муаррифӣ кард.

Гуфта мешавад, ҷаноби Кароблис айни ҳол ҳамчун муовини вазири умури хориҷии Литва фаъолият дорад ва дар гузашта ӯ вазифаи вазири дифои Литваро ба муддати 4 сол бар дӯш доштааст.

Ба гузориши расонаҳои Литва, ҷаноби Раймундас Кароблис тоза моҳи марти соли ҷорӣ ба курсии муовини вазири умури хориҷии Литва нишаста буд ва имрӯз баъд аз 3 моҳи муовини вазир шудан ӯро ҳамчун раҳбари Намояндагии Иттиоҳоди Аврупо дар Тоҷикистон муаррифӣ карданд.

Дар мансаби раиси Намояндагии Иттиҳоди Аврупо дар Тоҷикистон Кароблис хонум Мэрилин Йосефсонро иваз хоҳад кард. Хонум Мэрилин Йосефсон дипломати Шведӣ (Шветсиягӣ) буда, соли 2018 сафири Иттиҳоди Аврупо дар Тоҷикистон таъйин шуда буд.

Дар тарҷумаи ҳоли ҷаноби Кароблис гуфта мешавад, ки ӯ 14 апрели 1968 дар шаҳракаи Вашкайи Литва ба дунё омада ва солҳои 1986 -1992 донишкадаи Ҳуқуқи Донишгоҳи Вилнюсро хатм намудааст. Аз соли 2016 то 2020 ҳамчун вазири дифои Литва кор кардааст ва аз марти соли 2022 то июни 2022 ҳамчун муовини вазири умури хориҷии Литва фаъолият доштааст.

21 кушта ва 50 захмӣ дар садамаи маргбори қатори мусофирбар дар Эрон

Аз ҷониби
amrullokhi
-
0

Субҳи имрӯз дар Эрон чанд вагони як қатори мусофирбар аз хатти роҳи оҳан хориҷ шуд ва дар натиҷа даҳҳо нафар кушта ва захмӣ гардид.

Акс аз ИРНА

Бино ба иттилои расонаҳои эронӣ, тибқи охирин омори расмӣ дар ин ҳодиса 21 нафар кушта ва ба гуфтаи

Расонаҳои эронӣ иллати хурӯҷи ин вагонҳоро дар бархӯрд бо бели яке “кран”, ки дар шафти роҳ кор мекардааст, гуфтаанд, аммо мудири кулли роҳи оҳани Язд гуфтааст, ки “иллати ҳодисаи Табас дар дасти баррасӣ аст.”

Ин бори аввал нест, ки дар кишвари Эрон қаторҳои мусофирбар аз хатти роҳи оҳан хориҷ мешаванд ва ба садамаҳои мухталиф дучор мегарданд, балки тибқи иттилои расонаҳо танҳо дар соли гузашта беш аз 7 садамаи вагонҳо дар ин кишвар сабт шудааст, ки аксари онҳо талафоти инсонӣ доштаанд.

То замони таҳияи ин матлаб кишварҳои Покистону Озарбойҷон нисбат ба ин ҳодиса ба наздикону пайвандони қурбон ва мардуми Эрон ибрози ҳамдардӣ кардаанд.

Гуфта мешавад, ин қатор, ки дучори садама шудааст, дар маҷмуъ дорои 11 вагон буда ва 348 нафар (мусофир ва хадама) дошт. Пас аз расонаӣ шудани ин ҳодиса, масъулин ва созмонҳои кумакрасон ба ҷои ҳодиса ҳозир шуда, ҳама захмиҳо ва мусофиронро аз ҷои ҳодиса ба макони амн интиқол додаанд.

Вакили қирғиз Тоҷикистонро ба нооромиҳо дар марз муттаҳам кард

Аз ҷониби
firuzihait
-
0

Вакили парлумони Қирғизистон Султонбой Айҷигитов дар ҷаласаи навбатии “Жогорку Кенеш” хостааст, ки Тоҷикистон техникаи вазнини ҷангиро аз “анклавҳо” дар қаламрави Қирғизистон берун барад. Дар ин бора сомонаи қирғизии

Султонбой Айҷигитов гуфтааст, ки “тибқи меъёрҳои байналмилалӣ таҷҳизоти вазнин дар қаламрави анклавҳо ҷойгир шуда наметавонанд”.

“Се рӯз пеш Тоҷикистон як иғвои ҳадафнокро оғоз кард. Мавзеъҳои моро аз миномётхо тирборон карда, техникаи вазнинро оварданд. Дар онҷо “Кик” ва деҳаи “Булок-Бошӣ” мавҷуд аст. Онҳо намехоҳанд, ки сокинони Боткен дар деҳа зиндагӣ кунанд. Аз анклави Ворух техникаи вазнинро бояд берун баранд” – мегӯяд ин вакили қирғиз.

Дар ҳоле ин вакили қирғиз ҷониби Тоҷикистонро ба иғво ва шуруи ҳодисаҳои ахир дар марзи ду кишвар муттаҳам мекунад, ки Вазорати корҳои хориҷии Тоҷикистон бо нашри изҳороте онро “амали иғвоангезонаву ҳадафноки ҷониби Қирғизистон” хонда, аз ҷониби Қирғистон даъват карда буд, ки барои пешгирии чунин муноқишаҳо ҳамаи мувофиқаҳои бадастомадаро қатъиян риоя кунанд.

Дар изҳороти ВКХ гуфта мешуд, ки 3-юми июни соли ҷорӣ задухӯрди мусаллаҳона баъди убури ҳадафмандонаи марзбонони қирғиз ба қаламрави таҳти назорати марзбонони тоҷик оғоз шудааст.

Ба иттилои манбаъ, сарҳадбонони қирғиз ҳушдори марзбони тоҷикро барои тарки ҳудуди Тоҷикистон нодида гирифта, ба тарафи дидбонгоҳи сарҳадии “Кех” воқеъ дар ҷамоати Ворухи ш.Исфараи Тоҷикистон оташ кушодаанд.  Гуфта мешавад, ки вазъият пас аз ҷалби қувва ва техникаи иловагӣ аз ҷониби ҳарбиёни Қирғизистон мураккаб гардидааст.

То ҳол омори дақиқи захмиён дастраси расонаҳо нест. Расонаҳои қирғизӣ аз захмӣ шудани ду тан аз сарҳадбононашон хабар дода буданд.

SIGAR: Ашраф Ғанӣ пулҳои Афғонистонро надуздидааст

Аз ҷониби
AZDA TV
-
0

Ниҳоди Бозраси вежаи Амрико барои бозсозии Афғонистон “SIGAR” дар гузориши ахираш гуфта, ки Ашраф Ғанӣ ҳангоми фирораш аз Афғонистон маблағҳои ҳангуфтаеро бо худ набурдааст.

Бино ба иттилои ин ниҳоди амрикоӣ, гузориши мазкур бар мабнои посухҳое, ки аз худи Ашраф Ғанӣ, президенти собиқи Афғонистон пурсида шуда ва инчунин масъулоне, ки дар дохили чархболҳо ӯро ҳамроҳӣ мекарданд ва дигар шоҳидони айнӣ омода шудааст.

Ашраф Ғанӣ ва ҳамроҳанаш ба он муттаҳам мешаванд, ки ҳангоми фирор аз Афғонистон 169 миллион долларро бо худ бурдаанд. Аммо ин ниҳоди таҳқиқотӣ мегӯяд, бино ба гуфтаи шоҳидон, Ашраф Ғанӣ ва ҳамроҳонаш ҷомадонҳои зиёде ҳамроҳашон набуд ва дар се чархбол ба эҳтимоли зиёд аз 500 ҳазор доллар бештар надоштаанд.

Яке аз мақомоҳои собиқи “SIGAR” таъйид мекунад, ки яке аз масъулон ҳамроҳ бо худ 200 ҳазор доллар ва яке дигар 240 ҳазор доллар ва боқӣ аз 5 то 10 ҳазор долларӣ бо худ доштанд. Ва ҳеч кадоме то 1 миллион доллар ҳамроҳаш надоштааст.

Бар пояи гузориши ин ниҳод, дар фосилаи парвози чархболҳо ва расидани Толибон ба Арки Раёсатҷумҳур 5 миллон доллар байни кормандон ва муҳофизон тақсим шудааст.

Аз ин пештар худи Ашраф Ғанӣ низ борҳо гуфта буд, ки маблағҳои миллюнии кишварашро надуздидааст, аммо мардум ва мухолифон ӯро ба дуздидани маблғҳои ҳангуфти кишвараш муттаҳам мекунанд.

Зеленский: Ҷанги Украина танҳо аз роҳи набард поён меёбад

Аз ҷониби
amrullokhi
-
0

Президенти Украина гуфтааст, ки ҷанг дар майдони набард Русияро водор мекунад, ки аз идомаи ишғоли кишвараш даст бикашад.

7-уми июни соли 2022 Владимир Зеленский дар мусоҳабае бо рӯзномаи “FINANCIAL TIMES” гуфтааст, “мо аз назари доштани таҷҳизоти низомӣ нисбат ба Русия дар сатҳи пойинтаре қарор дорем ва ба ин хотир тавоноии мо барои пешрафт камтар аст.“

Президенти Укараин меафзояд, ки “мардум дар авлавияти мо қарор доранд, вале ба хотири вуҷуди таҷҳизоти камтар дар майдони набард ба мо зарарҳои зиёдтаре ворид хоҳад шуд.”

Рабаҳри Украина дар ин мусоҳибаи худ бори дигар таъкид кардааст, ки ба ҳеч ваҷҳ розӣ нест, ки як гӯшаи хоки ватанаш зери ишғоли Русия бошад, бинобар ин аз кишварҳои ғарбӣ ва ҳампаймонони кишвараш хостааст, ки дар ихтиёри онҳо таҷҳизоти низомии бештаре қарор диҳанд, то тавонанд пеши роҳи ишғолгариҳои Русияро бигиранд ва Маскавро маҷбур намоянд, ки ҷангро қатъ кунад.

Гуфта мешавад, субҳи 24-уми феврали соли ҷорӣ Русия бо баҳонаи мубориза ба он чи гурӯҳҳои “фошистӣ” аз онҳо ёд мекунад, ҳамлаҳои худ ба Украинаро оғоз кард ва бо гузашти беш аз 100 рӯз то ҳол натавонистааст, ки ба аҳдофи худ даст пайдо карда, ҷангро қатъ кунад.

Чаро Далери Имомалиро писари вазиру домоди судя зад?

Аз ҷониби
amrullokhi
-
0

Прокуроре, ки журналист ва блогери тоҷик Далери Имомалиро задааст, писари Вазири адлия ва домоди раиси Суди олӣ мебошад, мегӯянд, корбарони шабакаҳои иҷтимоӣ.

Далери Имомалӣ

Бо гузашти 4 рӯз аз лату кӯби журналист ва блогери тоҷик Далери Имомалӣ дар ноҳияи Шоҳмансури пойтахт ҳамоно ин қазия дар сархати расаҳонаҳои тоҷикистонӣ қарор дорад ва бо мурури вақт гардишҳои наверо дар худ ба вуҷуд меорад. Аммо то ҳол расман номи касоне, ки ин хушунатро раво дидаанд, расман ошкор нашудааст.

Аз сӯи дигар асли ҳамроҳ шудани Рӯзномаи “Садои мардум”, нашрияи расмии парлумони Тоҷикистон ва ҳафтаномаи “Минбари халқ”, нашрияи расмии Ҳизби Халқӣ-Демократии Тоҷикистон ба ҷамъи созмонҳо ва расонаҳое, ки аз Далери Имомалӣ ҳимоят кардаанд, бесабаб набуд.

Шермуҳаммад Шоҳиён, Раиси Суди олии Тоҷикистон

Ба иборати дигар, дар раъси ҳукумат хуб медонанд, ки “даст ба гиребон шудан” бо прокурори “муштзӯр”-е, ки писари Вазири адлия ва домоди Раиси Суди олӣ аст, дар шароити ҳозираи Тоҷикистон кори осоне нест. Шояд ба ҳамин хотир дар мақомот касоне, ки мехоҳанд аз ин қазия ба нафъи худ сӯиистифода ва бардоштҳои сиёсӣ кунанд, домани эътирозҳо ва додхоҳиҳоро рӯз то рӯз васеътар мекунанд.

Барои мисол, тамоми ҳизбҳои кисагӣ ва ба ном сиёсии Тоҷикистон то дирӯз ҳама хомӯш буданд, аммо пас аз изҳороти созмонҳо ва расонаҳои Тоҷикистон

Музаффар Ашӯриён, Вазири адлияи Тоҷикистон

Аммо имрӯз, 7-уми июни соли 2022 дар Вазорати адлияи Тоҷикистон ба Аздо тв гуфтанд, ки иттилоъ дар хусуси он ки писари Музаффар Ашӯриён, Вазири адлияи Тоҷикистон ва домоди Шермуҳаммад Шоҳиён, Раиси Суди олии Тоҷикистон Далери Имомалиро задааст, “асоси воқеӣ надорад.”

Бо ин вуҷуд, агар қазияи Далери Имомалӣ аз як сӯ барои дур задани афроки ҷомеа аз қатлу куштори оммавии сокинони осоишта дар шаҳри Хоруғ ва ноҳияи Рӯшони Вилояти Мухтори Кӯҳистони Бадахшон тарҳрезӣ шуда бошад, аз сӯи дигар ба хотири латма задан ба кариераи сиёсии Вазири адиля ва Раиси Суди олӣ роҳандозӣ шудааст.

Акнун суоли матраҳ ин аст, ки кӣ ҷуръат карда, ин прокурори “муштзӯр”-и ноҳияи Шоҳмансури пойтахтро ба бозӣ дарорад, то аз ин тариқ тавонад кариераи сиёсии Музаффар Ашӯриён, Вазири адлия ва Шермуҳаммад Шоҳиён, Раиси Суди олии Тоҷикистонро “хадшадор” кунад?

Амруллоҳи Низом, махсус барои Аздо тв

Интиқоди намояндаи СММ дар Душанбе аз ҳамлаи Русия ба Украина

Аз ҷониби
amrullokhi
-
0

Муоивини Дабири кулли Созмони Миллали Муттаҳид (СММ) дар шаҳри Душанбе аз ҳамлаҳои бесабаби Русия ба Украина интиқод карда, гуфтааст, Маскав бо ин иқдомҳои худ алайҳи Киев хатари гуруснагӣ дар ҷаҳонро афзудааст.

7-уми майи соли 2022 хонум Амина Муҳаммад Муовини Дабири кулли СММ дар нишасти ҷаҳонии “Об барои рушди устувор, солҳои 2018-2028” дар шаҳри Душанбе гуфт, ки ҷанги Русия алайҳи Украина норасоии ғизоӣ дар ҷаҳонро афзоиш додааст.

Хонум Амина Муҳаммад, ки дар раъси як ҳайъати баландпоя аз СММ вориду Душанбе шуда буд, пас аз ин нишасти Конфронси дуюми байналмилалии амал “Об барои рушди устувор, солҳои 2018-2028” бо Президенти Тоҷикистон Эмомалӣ Раҳмон мулоқот кард.

Дар рафти суҳбат бо Эмомалӣ Раҳмон “ҷонибҳо алоқамандии худро барои идомаи ҳамкориҳо дар самти дастрасӣ ба ҳадафҳои рушди устувор, инчунин барқароршавии пас аз ҳамагирии КОВИД-19 изҳор намуданд.”

Мақомоти расмии Тоҷикистон то кунун талош карданд, ки бо гузашти беш аз 100 рӯз аз оғози ҳамлаҳои Русия ба Украина дар ин бора изҳори назар накунанд, аммо дар ин муддат борҳо шудааст, ки мақомоти расмии кишварҳои ғарбӣ ва созмонҳои байналмилалӣ, ки барои дидору мулоқот ба Тоҷикистон рафтаанд, аз шаҳри Душанбе истода қабл ва ё баъд аз дидор бо Эмомалӣ Раҳмон Маскавро ба хотири ин ҷанг интиқод кардаанд.

Варзишгарони тоҷик аз Тбилиси бе медал ба Ватан бармегарданд

Аз ҷониби
firuzihait
-
0

Варзишгарони тоҷик, ки дар мусобиқаи байналмилалии ҷудои “Tbilisi Grand Slam 2022” иштирок доштанд, бе медал ба Ватан бармегарданд.

Мусобиқаи байналмилалии ҷудо “Tbilisi Grand Slam 2022” рӯзҳои 3-5 июни соли ҷорӣ дар пойтахти Гурҷистон шаҳри Тбилиси баргузор шуда, ҳамагӣ 278 варзишгар (173 мард ва 105 зан) аз 36 кишвар ширкат доштанд.

Дар ин мусобиқа Тоҷикистонро 9 варзишгар: Нуралӣ Эмомалӣ, Шаҳбоз Саидаброров (ҳар ду дар вазни -66 кг), Маҳмадшариф Наҷмуддинов, Муҳаммадраҳим Сарахонов (ҳар ду дар вазни -73 кг), Шодмон Ризоев, Муҳаммадҷон Абдуҷалилов (ҳар ду дар вазни -81 кг), Кароматулло Ҳакимов (дар вазни -90 кг), Мансур Раҳмон ва Абубакри Акобир (ҳар ду дар вазни -100 кг) намояндагӣ карданд.

Танҳо се варзишгари тоҷик – Шаҳбоз Саидаброров, Муҳаммадраҳим Сарахонов ва Шодмон Ризоев – натиҷаҳои хубтар нишон дода, дар вазнҳои худ ҷои ҳафтумро соҳиб шуданд. Бо се ҷои ҳафтум Тоҷикистон дар миёни дигар кишварҳо мақоми 21-умро ишғол кард.

Гурҷистон бо касби 14 медал (5 тилло, 4 нуқра ва 5 биринҷӣ) дар ҷойи якум, Фаронса бо 2 медали тилло ва 4 биринҷӣ дар ҷойи дуюм ва Кореяи Ҷанубӣ бо 2 тилло дар мақоми сеюм қарор гирифтанд.

Душанбе: Оғози нишасти ҷаҳонии “об барои рушди устувор”

Аз ҷониби
amrullokhi
-
0

Нишасти ҷаҳонии “Об барои рушди устувор, солҳои 2018 – 2028” бо ҳузури даҳҳо тан аз мақомҳои баландпояи кишварҳо ва созмонҳои хориҷӣ ба кори худ оғоз кард.

Субҳи имрӯз, 7-уми июни соли 2022 дар шаҳри Душанбе Конфронси дуюми байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018 – 2028” бо ҳузури Президент Эмомалӣ Раҳмон оғоз шуд.

Ин конфронс бо ташаббуси ҷониби Тоҷикистон ва дастгирии Созмони Милали Муттаҳид дар пойтахти Тоҷикистон – шаҳри Душанбе баргузор гардид.

Дар кори конфронс муовини якуми Дабири кулли Созмони Милали Муттаҳид хонум Амина Муҳаммад, Президенти Шӯрои иқтисодӣ ва иҷтимоии Созмони Милали Муттаҳид (ECOSOC), Дабири кулли Созмони Амният ва Ҳамкории Аврупо хонум Ҳелга Шмид ва дигарон иштрок ва суханронӣ карданд.

Гуфта мешавад, Тоҷикистон пеш аз ин нишастҳое чун “Соли байналмилалии оби тоза – 2003”, Даҳсолаи байналмилалии амал “Об барои ҳаёт, 2005 – 2010” ва “Соли байналмилалии ҳамкорӣ дар соҳаи об – 2013”-ро низ дар шаҳри Душанбе мизбонӣ карда буд.

1...470471472...802саҳифаи 471 аз 802