Хона блог саҳифа 516

Аз дафъи “фоҷеа” то ғасби ҳокимият

Аз ҷониби
amrullokhi
-
0

Дирӯз, субҳи барвақти рӯзи душанбе ва оғози ҳафтаи сеюми феврали соли 2022 Сарвазири Тоҷикистон Қоҳир Расулзода бо амри Президент Эмомалӣ Раҳмон дар малаи ом салоҳиятҳои ҳокимияти қонунгузорро ғасб не, таҷовуз кард.

Қисса аз он ҷо шурӯъ шуд, ки Эмомалӣ Раҳмон ҳамчун президент ва раиси Ҳукумати Тоҷикистон дар ин рӯз 4 Амр 18 Қарор ва 7 Фармонеро имзо карда, қисмеро дар вазифаҳои болотару қисмеро дар мансабҳои пойинтар ба курсӣ шинонд ва чанд нафареро ҳам бинобар ба синни нафақа расидани умрашон аз вазифа озод кард. Дар байни касоне, ки дар ин рӯз вазифаи нав гирифтанд, вазири тозатаъйини маориф ҳам буд.

Хабаргузории

Ин таҳқиқ нишон медиҳад, ки дирӯз баъди имзо ва нашри фармонҳои раиси ҷумҳури Тоҷикистон парлумони кишвар на даъвати ҷаласаи якҷоя додаву ва на дар хусуси тасдиқи фармоҳои Эмомалӣ Раҳмоне ҳарф зада шудааст. Сомонаи Маҷлиси миллӣ охирин матлаби худро 12-уми феврал ва сомонаи Садои Мардум охири матлабашро 19-уми феврали соли 2022 нашр кардаанд.

Аз сӯи дигар вақте субҳи барвақт пеш аз нашри хабар дар бораи имзои фармонҳои ҷадид дидаву дониста Президент Эмомалӣ Раҳмон Сарвазир Қоҳир Расулзодаро барои барканории вазири собиқ ва муаррифии вазири тозатаъйин ба бинои Вазорати маориф ва илм фиристод, ҳокимияти қонунгузорро ғасб намуда, 63 вакил, аз ҷумла ба рӯи писараш Рустами Эмомалӣ дар мақоми Маҷлиси миллӣ туф кард.

Амруллоҳи Низом, махсус барои Аздо тв

Туркманистон аз Тоҷикистон 10 ҳазор тонна олуминиюм мехарад

Аз ҷониби
AZDA TV
-
0

Қарор аст кишвари Туркманистон аз Тоҷикистон 10 ҳазор тонна филиззи олуминиюм харидорӣ кунад. Дар ин бора сомонаи турмании (

Бино ба гузориши манбаъ, рӯзи душанбе масъалаи хариди 10 ҳазор тонна олумениюм аз Тоҷикистон дар ҳузури раисҷумҳури ин кишвар Қурбонқулӣ Бердимуҳаммадов баррасӣ шудааст.

“Дар ҷаласаи кории рӯзи душанбе муовини раиси Девони вазирони Туркманистон Чаримурат Пурчеков ба Раисиҷумҳур Қурбонқулӣ Бердимуҳаммадов дар бораи корҳои марбут ба хариди 10 ҳазор тонна олуминиюм аз Вазорати саноат ва технологияҳои нави Тоҷикистон маълумот дод.”, омадааст дар хабар.

Гуфта мешавад, хариди ин миқдор олуминиюм дар чаҳорчӯби созишномаи ҳамкории иқтисодӣ бо ҷониби Тоҷикистон сурат гирифта ва ин ашёи хом бояд дар корхонаи давлатии “Небитмаш”-и Туркманистон истифода шавад.

Аммо бо чӣ миқдор маблағ харидорӣ шудани олуминюми Тоҷикистон гуфта нашудааст. Ва вазорати саноат ва технологияҳои нави Тоҷикистон низ дар ин бора маълумоте нашр накардааст.

Солҳои ахир ҳамкориҳои иқтисодӣ ва тиҷоратӣ байни Тоҷикистон ва Туркманистон нисбатан афзоиш ёфтааст.

Эъломи омодагии Байден барои мулоқот бо Путин

Аз ҷониби
amrullokhi
-
0

Вазири умури хориҷаи Иёлоти Муттаҳидаи Амрико эълон карда, ки президинети он кишвар тамоюл дорад, ки дар бораи танишҳои Маскав ва Киев бо Президенти Русия

Аз ҷониби дигар Сухангӯи раисиҷумҳури Русия Дмитрий Песков рӯзи душанбе ба хабарнигорон гуфт, “дар сурати зарурат раҳбарони ду кишвар метавонанд ба зудӣ дар ин бора ба мувофиқа бирасанд.”

Ҳамзамон ба қавли расонаҳо Иттиҳиди Аврупо аз ин тамоюли Ҷо Байден, раиси ҷумҳури Амрико истиқбол карда, Ҷозеф Борл, масъули сиёсати хориҷии Иттиҳоди Аврупо гуфтааст, ки “Аврупо аз ҳар гуна мулоқоти сарони ду кишвар ва дар ҳар сатҳ ва ба ҳар шакле, ки бошад ҳимоят мекунад.”

Гуфтанист, раҳбарони кишварҳои Олмону Фаронса, Амрикову Бритониё ва дар маҷмӯъ аксар кишварҳои таъсиргузор дар НАТО бар ин боваранд, ки эҳтимол дар рӯзҳои наздик Русия ба Укроина ҳамла мекунад, аммо сафири Русия дар Амрико ба расонаҳо гуфтааст: ” Русия ошкор омодагии худро барои ҳалли мавзуъҳо аз роҳҳои дипломатӣ баён кардааст ва мо ҳеч гуна талоше барои тасарруфи сарзамине аз кишварҳои дигар надорем.”

Аз ҷониби дигар вазири дифои Укроина ҳам гуфтааст, ки бар асоси иттилооти мо дар рӯзҳои наздик Русия ҳеч гурӯҳе аз нерӯҳои ҳамлавари худро ба марзҳои Укроин наздик накардааст, аммо ин маънои онро надорад, ки агар Русия бихоҳад ин корро дар зарфи як ду ҳафта анҷом дода наметавонад.

Ҷопон ба Тоҷикистон 500 ҳазор воя ваксини зидди COVID-19 дод

Аз ҷониби
AZDA TV
-
0

Кишвари Ҷопон дар чорчӯбаи барномаи ҷаҳонии COVAX ба Тоҷикистон 501,2 ҳазор воя ваксини зидди коронавируси AstraZenika ворид кард. Дар ин бора Вазорати тандурустӣ ва ҳифзи иҷтимоии аҳолии Тоҷикистон 21-уми феврал хабар дод.

Маросими бахшидани ним миллион воя ваксин бар зидди коронавирус дар сафорати Ҷопон дар Душанбе бо ҳузури муовини вазири тандурустӣ Абдухолиқ Амирзода ва дигар намояндагони вазорат сурат гирифт.

“Муовини вазири тандурустӣ ва ҳифзи иҷтимоии аҳолии Тоҷикистон Абдухолиқ Амирзода ба ҷониби Ҷопон барои дастгирии доимии соҳаи тандурустии кишвар, аз ҷумла бо ваксинаҳои зидди коронавирус изҳори сипос намуд.”, омадааст дар хабари вазорат.

Дар ҳамин ҳол, ба гуфтаи сафорати Ҷопон дар Душанбе, Тоҷикистон нахустин кишвари Осиёи Марказӣ аст, ки аз кишвари Ҷопон ваксинаи зидди COVID-19 дарёфт кард.

Ба гуфтаи сафорати Ҷопон дар Тоҷикистон ин кишвар то ин имрӯз ба Тоҷикистон ҳудуди 8 миллион доллари амрикоӣ кумакҳои башардӯстона кардааст.

Тибқи омори Вазорати тандурустии Тоҷикистон аз оғози пандемия то имрӯз, шумори умумии мубталоён ба COVID-19 17388 нафарро ташкил дода, аз ин шумор 17252 бемор шифо ёфтаанд.

Аммо вазорат теъдоди фавтидагонро 124 нафар эълон кардааст, ки ба ин омор аксари корбарон ва фаъолон бовар надоранд.

Темур Раҳимов бо медали биринҷӣ ба Ватан бармегардад

Аз ҷониби
firuzihait
-
0

Варзишгари тоҷик Темур Раҳимов дар мусобиқаи ҷудои “Tel Aviv Grand Slam 2022”  медали биринҷӣ ба даст овард.

Паҳлавони шинохтаи тоҷик Темур Раҳимов дар вазни +100 кг мусобиқаро аз даври дуюм оғоз карда, Серафим Компаниез аз Исроил ва Стефан Ҳегйӣ аз Австрияро шикаст дод ва ба даври нимфинал роҳ ёфт. Вале ӯ дар нимфинал аз Гурам Тушишвилӣ (Гурҷистон), ки баъдан барандаи медали тиллоӣ дар ин вазн гардид, мағлуб шуд. Темур Раҳимов дар қувваозмоӣ барои ҷои сеюм Энди Грандаи кубагиро шикаст дода, сазовори медали биринҷӣ ва 1500 евро гардид.

Темур Раҳимов соли 2019 дар Гран Прии Марокаш медали биринҷӣ, соли гузашта дар мусобиқаи Grand Slam дар Боку медали нуқра ва дар Абу Дабӣ медали биринҷӣ гирифтааст.

Ба иттилои сомонаи расмии Федератсияи байналмилалии ҷудо (IJF), дар мусобиқаи байналмилали “Tel Aviv Grand Slam 2022”, ки аз 17 то 19-уми феврал дар пойтахти Исроил баргузор гардид, 298 варзишгар (165 мард ва 133 зан) аз 34 кишвар ширкат доштанд. Дар байни 34 кишвар Фаронса ҷои аввал, Тоҷикистон бошад ҷойи 23-юмро ишғол кардаанд.

Дар ин мусобиқа аз варзишгарони тоҷик Сомон Маҳмадбеков (-73 кг), Шодмон Ризоев (-81 кг) ва Ҷаҳонгир Маҷидов (-90 кг) низ ширкат карданд.

Сомон Маҳмадбеков дар ин мусобиқа қувваозмоиро аз даври дуюм оғоз карда, варзишгари бразилягӣ Ҷеферсон Сантос Юниор мағлуб кард. Вале дар даври чорякфинал аз Тоҳар Бутбул (Исроил) ва дар даври тассалобахш аз Игор Вандтке (Олмон) шикаст хӯрда, дар натиҷа мақоми ҳафтумро ишғол кард.

Ду паҳлавони дигари тоҷик, Шодмон Ризоев ва Ҷаҳонгир Маҷидов дар даври аввал аз рақибони худ шикаст хӯрданд.

Бародари Рамазон Раҳимзода вазифаи нав гирифт

Аз ҷониби
amrullokhi
-
0

Имрӯз бо Фармони Президенти Тоҷикистон Раҳмоналӣ Раҳимзода, бародари вазири корҳои дохилӣ Рамазон Раҳимзода вазифаи нав гирифтааст.

Акс аз саҳфаи фейсбукии ХМП

Дар Фармони нави Эмомалӣ Раҳмон чунин омада: “Раҳимзода Раҳмоналӣ Ҳамро муовини директори Агентии назорати маводи нашъаовари назди Президенти Ҷумҳурии Тоҷикистон таъин карда шавад.”

Раҳмоналӣ Раҳимзода, қудои хоҳари Эмомалӣ Раҳмон дар гузашта корманди гумрук буд ва дар чанд соли ахир Сардори Раёсати ташкилоти мубориза бо ҳуқуқвайронкунии гумрукиро бар уҳда дошт.

Пеш аз ин бархе расонаҳои мансуб ба мухолифин, аз ҷумла “Ислоҳ.нет” бо нашри як гузориши муфассал Раҳмоналӣ Раҳмизодаро ҳамчун миёнарави бародараш Рамазон Раҳимзода дар фурӯши мансабҳо дар Вазорати корҳои дохилӣ муттаҳам карда буд.

Кашфи беш аз $9 млн Қосим Роҳбар аз Бонки Швейтсария

Аз ҷониби
firuzihait
-
0

Маркази пажӯҳиши фасод ва ҷиноятҳои созмонёфта (

Ба иттилои таҳқиқгарони ин созмон, ки онро Радиои Озодӣ низ нашр кардааст, ҳисоби бонкӣ соли 2004 кушода шуда, то соли 2011 фаъол будааст. Дар он 8 миллиону 883 ҳазору 230 франки швейтсарӣ, ба ҳисоби ҳозира, баробар ба 9 миллиону 641 ҳазору 458 доллари амрикоиро нигоҳ доштаанд. Аммо гуфта нашудааст, ки ин миқдори пули зиёд чӣ гуна ва аз кадом сарчашмаҳо ба даст омадааст.

Дар гузориш гуфта мешавад, ки Қосим Роҳбар дар замони раиси вилояти Суғд ва вазири кишоварзии Тоҷикистон буданаш тиҷорати пахта, як маҳсулоти асосии содиротии Тоҷикистонро дар даст доштааст. Инчунин дар мукотибаҳои сафорати Амрико, ки чанд сол пеш як қисмаш расонаӣ шуд, ӯро ҳатто “саркардаи мафия” ҳам ном бурдаанд.

Бар асоси қонунҳои Тоҷикистон мансабдорони давлатӣ ҳаққи тиҷорат ва кушодани суратҳисобҳои бонкӣ дар хориҷ аз кишвару кучондани маблағ ба хориҷро надоранд.

Дар хусуси ин суратҳисоб бо доштани маблағи зиёд худи Қосим Роҳбар то ҳол ба расонаҳо чизе нагуфтааст.

Қосим Роҳбар, ки дар гузашта бо Қосим Қосимов машҳур буд, 3-юми октябри соли 1964 дар шаҳри Хуҷанд дар оилаи Роҳбар Қосимов, як мансабдори баландпояи он даврон, ба дунё омадаааст. Ӯ моҳи январи соли ҷорӣ бо фармони Президент ба мақоми иҷрокунандаи вазифаи раиси шаҳри Ҳисор таъйин шуд.

Қосим Роҳбар соли 1994, дар 30-солагияш раиси собиқ ноҳияи Хуҷанд (ҳоло ноҳияи Бобоҷон Ғафуров) ва соли 1996 раиси вилояти Суғд таъйин шуда, то соли 2006 дар ин мақом кор кардааст. Баъди тарки ин мақом ӯ то соли 2008 роҳбарии ҳизби ҳокими халқии демократӣ дар вилояти Суғдро бар уҳда дошт. Ӯ аз соли 2008 то 2015 ҳамчун вазири кишоварзӣ ва аз соли 2015 то 2022 раиси Кумитаи рушди маҳали назди Президенти Тоҷикистон кор кардааст.

Шуморе аз мансабдорони тоҷик дар ҷустуҷӯ қарор доранд

Аз ҷониби
AZDA TV
-
0

Дар вилояти Суғд ҳудуди з0 мансабдори собиқ бо иттиҳоми даст доштан дар фасоди молӣ ва порагирӣ дар ҷустуҷӯи мақомоти кишвар қарор доранд.

Акс аз “Sputnik”

Раҳбари Агентии назорати молиявӣ ва мубориза бо коррупсия дар вилояти Суғд Шараф Аваззода 18-уми феврал дар нишасти матбуотӣ ба хабарнигорон гуфт, аз соли 2007 то ин ҷониб аз ҷониби Раёсати Агентӣ дар вилояти Суғд 28 нафар дар кофтукоби ҷиноӣ қарор доранд, ки ҳамаи онҳо мансабдорони собиқанд.

Аз ҷумлаи мансабдорони собиқе, ки дар пайгарди мақомоти кишвар қарор доранд, номи раиси пешини ноҳияи Бобоҷон Ғафуров Абдусамад Маннонзода ва собиқ раиси додгоҳи ин ноҳия Акбар Холиқзода зикр шудааст.

Ба навиштаи “Sputnik Тоҷикистон”, Аваззода дар ин нишаст  гуфтааст, рӯйхати мансабдороне, ки дар кофтуков қарор доранд, баъд аз исботи даст доштанашон дар фасод ба мақомот даъват шудаанд, аммо онҳо ба додгоҳ ҳозир нашуда, фирор кардаанд.

Гуфта мешавад, Абдусамад Маннонзода давоми солҳои 2013-2015 раиси ноҳияи Бобоҷон Ғафуров буд ва ба гуфтаи масъулони Агентии зидди фасод дар вилояти Суғд ӯ ҳангоми дар ин мансаб буданаш барои ҷудо намудани замин ба хоҷагии ёрирасони кишоварзӣ дар маҷмӯъ 140 ҳазор доллари амрикоӣ пора гирифтааст. Аз ин рӯ, нисбати ӯ бар асоси моддаи 319 қисми 4 банди “г” (гирифтани пора дар ҳаҷми калон)-и Кодекси ҷиноятии Тоҷикистон парванда боз шудааст ва айни ҳол дар пайгарди қонунӣ қарор дорад.

Вазири маорифи кишвар аз вазифааш барканор шуд

Аз ҷониби
AZDA TV
-
0

Вазири маориф ва илми Тоҷикстон Муҳаммадюсуф Имомзода аз мақомаш барканор шуд ва дар пайи ӯ ҳарсе муовинонш низ аз мақомоҳояшон сабукдӯш шуданд. Дар ин бора маркази матбуоти Президент хабар дод.

Акс аз “Asia-Plus”

Гуфта мешавад, имрӯз, 21-уми феврал бо фармонҳои Эмомалӣ Раҳмон вазири маориф ва илм, муовини аввал ва муовинони вазири маориф ва илми Ҷумҳурии Тоҷикистон бо сабаби ба кори дигар гузаштан аз вазифа озод гардиданд. Ва мақоми онҳо “Саидзода Раҳим Ҳамро — вазири маориф ва илм, Ҷуразода Ҷамшед — муовини якум, Хайрзода Шукрулло ва Абдухолиқзода Лутфия — муовинони вазири маориф ва илми ҷумҳурӣ таъйин гардиданд.”

Вазири тозатаъйини маориф ва илми кишвар Саидзода Раҳимҷон Ҳамро то ин дам дар вазифаи ректори филиали Донишгоҳи миллии тадқиқоти технологии Маскав дар Душанбе кор мекард.

Дар ин тағйироти кадрии имрӯза ҳамчунин Шоҳин Саидзода, писари вазири пешини маорифи кишвар Нуриддин Сайидзода низ аз вазифаи директори Оҷонси назорат дар соҳаи маорифи Тоҷикистон барканор шудааст.

Муҳаммадюсуф Имомзода ба ҳайси вазири маориф ва илми Тоҷикистон аз соли 2020 аз ҷониби Эмомалӣ Раҳмон таъин шуда буд. Ахиран номи ӯ дар авоили моҳи феврал зимни нишасти матбуотии ниҳодаш бо ҷумлаи “Аз рафтани омӯзгорон фоҷеа насозед!” сархати расонаҳо қарор гирифта буд.

Коронавирус дигар дар Тоҷикистон нест?

Аз ҷониби
firuzihait
-
0

Рӯзи дуюм аст, ки дар Тоҷикистон ягон ҳолати нави гирифтор шудан ба коронавирус ба қайд гирифта нашудааст.

Бино ба иттилои “портали ягонаи миллӣ оид ба коронавирус” аз 17-уми феврал то ҳол ягон ҳолати нави сирояти COVID-19 ошкор нашуда, бори охир 16-уми феврал 3 ҳолати сироятёбӣ ба коронавирус ба қайд гирифта шудааст.

Ҳамин тариқ, тибқи омори Вазорати тандурустии кишвар шумори умумии мубталоён ба COVID-19 аз оғози ин беморӣ дар кишвар 17385 нафарро ташкил додааст.

Шумораи умумии шахсони аз ин беморӣ шифоёфта ба 17249 нафар ё 99,2% расид.

Теъдоди фавтидагон бетағйир монда, 124 нафарро ташкил медиҳад.

Аммо ба омори овардаи мақомот коршиносон ба шубҳа менигаранд.

1...515516517...802саҳифаи 516 аз 802