Гурӯҳи Толибон бо нашри эъломияе аз мақомоти Тоҷикистон ва Қирғизистон хост, ки дар масъалаи мушкилоти марзӣ талош кунанд нофаҳмиҳоро аз роҳи гуфтугӯ ҳал намоянд. Дар ин бора эъломияи Толибон рӯзи 5 июн дар саҳифаи Ин гурӯҳ, ки солҳост дар Афғонистон бо ҳукуматдорон ҷанги мусаллаҳона дорад, мегӯяд, барои ҳифзи манофеъ ва оромишу суботи ду кишвари ҳамсоя аз роҳи тафоҳум ва гуфтугӯ ҳал намудани мушкилот мантиқитар аст.
Толибон аз Тоҷикистону Қирғизистон хост мушкилоташонро аз роҳи тафоҳум ҳал кунанд
Дар Тоҷикистон насби ҳисобкунанкҳои барқии нав оғоз шуд
Амалисозии лоиҳаи озмоишии насби ҳисобкунакҳои барқии бо усули биллинг коркунанда оғоз шуд. Дар ин бора “Asia-Plus” хабар дод.
Ин барнома дар доираи Созишномаи сармоягузорӣ байни ҳукумати ҷумҳурӣ ва консорсиуми сармоягузорон дар ҳайати ҶДММ “Авеста Групп”, ҶСК “Тоҷикгидроэлектромонтаж” ва ҶДММ “Душанбе Сити”, ки ҳанӯз моҳи декабри соли 2019 ба имзо расида буд, амалӣ мешавад.
Гуфта мешавад аввалан озмоиш дар маҳаллаи Зарафшони шаҳри Душанбе гузаронида мешавад.
ҶДММ “Авеста Групп”, ҶСК “Тоҷикгидроэлектромонтаж” ва ҶДММ “Душанбе Сити” дар муддати панҷ сол лоиҳаи насби ҳисобкунакҳои барқиро дар қаламрави шаҳри Душанбе татбиқ мекунанд.
Бино ба иттилои “Asia-Plus”, лоиҳа дар умум 88 млн доллар арзиш дошта, дар доираи он зиёда аз 250 ҳазор адад ҳисобкунакҳои нави барқӣ харида ва насб мешаванд.
“Низоми биллингӣ – низоми автоматишудаи баҳисобгирии хизматрасонӣ, тарофабандии он ва пешниҳоди ҳисоб барои пардохт аст. Ҳисобкунакҳои барқии бо усусли билнг коркунанда ҳамаи маълумоти марбут ба интиқол ва тақсимоти барқро ҷамъоварӣ ва ба ширкати таҳвилгар пешниҳод мекунанд.”
Амалисозии лоиҳа соли ҷорӣ дар ноҳияи Синои пойтахт оғоз шуда, 95 ҳазор адад ҳисобкунакҳои нави барқ насб хоҳанд шуд.
Ҳисобкунакҳои нави барқ дар манзилҳои сокинони Душанбе бепул насб карда мешавад!
Ба гуфтаи кормандони соҳаи барқ пас аз амалисозии лоиҳа талафоти техникии нерӯи барқ дар шабакаҳои шаҳр аз 19%-и ҳозира то ба 12% поин меравад.
Ҳамзамон ҷамъоварии маблағи истифодаи нерӯи барқ аз 81%-и ҳозира то ба сатҳи 99% боло меравад.
Барои татбиқи ин лоиҳа, ҳукумати Тоҷикистон сармоягузоронро аз пардохти андоз аз арзиши иловашуда ва фоида, инчунин боҷҳои гумрукӣ дар давраи амалисозии лоиҳа озод мекунад.
Зане бо иттиҳоми қаллобӣ ва фиреби муҳоҷирон боздошт шуд
Агентии мубориза бо коррупсия аз боздошти зане бо иттиҳоми қаллобӣ хабар дод. Бино бар иттилои Агентӣ Минбоева Саодат Иззатовна, ки ба фурӯши чиптаҳои ҳавопаймо машғул будааст ба боварии чанд шаҳрванди Тоҷикистон даромада, даст ба қаллобӣ задааст.
Дар хабар гуфта мешавад, ки Минбоева шаҳрвандонро бовар мекунонад, ки бо дастрас намудани даъватнома барои табобат ворид шудани онҳоро ба ҳудуди Федератсияи Россия таъмин менамояд ва бар ивази ҳар як даъватнома маблағи 4000 сомонӣ муайян намуд.
Дар умум ӯ аз шаҳрвандон 16000 сомониро гирифта, даъватномаҳоро низ ба онҳо додааст. Вақте шаҳрвандони Тоҷикистон вориди фурудгоҳи байналмиллалии шаҳри Красноярски Федератсияи Русия мешаванд, ҳангоми санҷиши ҳуҷҷатҳо муайян мегардад, ки даъватномаҳо барои табобат қалбакӣ будаанд. Онҳоро ба Русия роҳ надода ба Ҷумҳурии Тоҷикистон бозпас мегардонанд.
Дар натиҷа Агентии назорати молиявӣ ва мубориза бо коррупсия нисбати Минбоева С.И. бо моддаҳои 247 қисми 2 бандҳои “б,в” ва 340 қисми 2 бандҳои “б,в” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда, тафтиши пешакии он идома дорад.
Ёдовар мешавем, ки моҳи марти соли гузашта парвозҳо аз Тоҷикистон ба Русия ба хотири ҷилавгирӣ аз паҳншавии коронавирус маҳдуд шуда буд. Бо гузашти беш аз як сол пас аз 1-уми апрел дубора иҷозаи парвоз ба Русия дода шуд.
Баъд аз кушода шудани марзҳо ва иҷозаи парвозҳо, шаҳрвандони Тоҷикистон аз бонкҳо қарз намуда, барои муҳоҷирати корӣ рафтан ба Русия чипта хариданд. Ҳамчунин сокинон аз нархи гарони чиптаҳо шикоят карда буданд.
Дар натиҷа Агентии авиатсияи гражданӣ парвози чанд ширкати русиро барои гуарон будани нархи чиптаҳо манъ карда буд ва аз сокинон хоста буд ба фиреби қаллобон наафтанд. Аммо дида мешавад, ки баъзе нафароне ҳастанд аз ин ҳолат истифода бурда, даст ба қаллобӣ мезананд.
Ҳушдори КҲФ аз 45 дараҷа гарм шудани ҳаво дар кишвар
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон сокинон ва меҳмонони кишварро аз гарму хушк шудани ҳаво ҳушдор додааст.
Бино ба маълумоти Агентии ҳавосанҷии Тоҷикистон дамои ҳаво дар пойтахт 37 + 42 ва дар водиҳо ба 42+45 дараҷа мерасад. Ҳавои ноҳияҳои кӯҳӣ то ба 36 дараҷа гарм хоҳад шуд.
Гуфта мешавад 5-7 – уми июн дар баъзе ноҳияҳо шиддати бод ба 15-20 метр дар як сония мерасад ва хокбориш дар назар дошта шудааст.
Кумита мегӯяд, ки аз сабаби гармии ҳаво интизор меравад барфҳо дар кӯҳҳо об шаванд ва ин метавонад сабабгори болоравии сатҳи об дар рӯдхонаҳо гардад ва боиси омадани сел низ дар маҳалҳои ҷудогонаи кӯҳӣ ва наздикӯҳии ноҳияҳои тобеи ҷумҳурӣ, вилоятҳои Хатлон, Суғд ва навоҳии ғарбии ВМБК шавад.
Ҳамчунин Кумитаи ҳолатҳои фақуллода аз сокинон барои пешгирӣ аз сел хоҳиш кардааст, ки пайваста селроҳаҳо, каналу ҷӯйборҳои назди манзили истиқоматии худро аз ҳар гуна партову хасрӯбаҳо тоза кунанд.
Дар охири хабар аз сокинон даъват карда шудааст, ки ҳамеша ба хабарҳои расмӣ, ки аз тариқи КҲФ, ВКД ва Вазорати нақлиёти ҷумҳурӣ ироа мешаванд, таваҷҷуҳ кунанд.
Як зодаи Точикистон дар Маскав ба 13,6 сол равонаи зиндон шуд
Шаҳрванди Тоҷикистон барои ташкили гурӯҳи ҷиноӣ ба 13 солу 6 моҳи зиндон маҳкум гардид.
Хабаргузории “ТАСС” бо истинод ба Хадамоти матбуотии прокуратураи пойтахти Русия иттилоъ дод, ки додгоҳи Маскав нисбати як шаҳрванди Тоҷикистон айбнома содир намуд.
Абдурасул Маматхонови 27 сола барои ташкили гурӯҳи ҷиноӣ 13,6 сол зиндонӣ шуд. Тавре, ки дар ҷараёни бозҷӯйи маълум гардид ин гурӯҳ, ки таҳти роҳбарии як зодаи Тоҷикистон амал мекард, ба интиқолдиҳандагони пул дар Маскав ҳамла карда ғоратгарӣ ва гардиши ғайриқонунии силоҳро анҷом дода аст.
Додгоҳ ӯро ба адои ҷазо дар калонияи ислоҳи бо режими шадид ба 13 солу 6 моҳ зиндон маҳкум намуд, – омадааст дар изҳороти мақомоти ҳифзи ҳуқуқ.
Ҳамчунон, ки дар маводи тафтишотӣ ишора шудааст банда аз моҳи сентябри соли 2018 амал мекунад.
Шарикон силоҳи оташфишон ва силоҳи ҳастаӣ доштанд, ки бо ёрии онҳо ҳадди ақал ду маротиба ба интиқолдиҳандагони пул дар минтақаи маҷмааи ярмаркаи Маскав ҳамла карда ва пас аз содир намудани ин ғоратгарӣ роҳзанон 59 ҳазор доллар ва 13 миллион рублро рабудаанд.
Қаблан як узви дигари гурӯҳ Воҳид Субҳонқулов ба 11 сол зиндон маҳкум шуда буд.
Қирғизистон аз нохуб шудани вазъ дар марз хабар дод, Тоҷикистон онро беасос хонд
Субҳи имрӯз, 4 июн Хадамоти марзбонии Кумитаи давлатии амнияти миллии Қирғизистон хабар дод, ки ҷониби Тоҷикистон дар минтақаи марзии то ҳол муайяннашудаи Унҷу-Булаки минтақаи Чон-Олой контейнерҳои посбонӣ насб кардааст.
Ба иддаои Қирғизистон ҷониби Тоҷикистон то 1000 метр вориди қаламрави Қирғизистон шудааст.
Дар ҳамин ҳол имрӯз 4 июн дар шарҳи қазияи мазкур Қӯшунҳои сарҳадии КДАМ ҶТ гуфт, ки изҳороти ҷониби Қирғизистон дар мавриди гузошта шудани нуқтаи марзбонӣ дар марзи ноҳияи Лахш бо Қирғизистон дар “Ағбаи Шатти”, ки гӯё марзбонони тоҷик 1000 метр ба қаламрави Қирғизистон дарун рафтаанд, дуруст нест ва он минтақае, ки контейнер гузошта шудааст, сарҳади Тоҷикистон аст.
“Мутобиқи мувофиқаи протоколӣ дастаи сарҳадӣ дар ҳудуди мувофиқашуда гузошта шудааст.”, – омадасст дар хабари КДАМ Тоҷикистон.
Дар идома зикр гардида, ки “бо ҳамин сабаб, ҷиҳати ҳарчи зудтар ба итмом расонидани раванди делимитатсия дар ин мавзеъ, пешниҳод карда шуд, ки ба гурӯҳҳои кории топографии тарафҳо супориш дода шавад, ки корҳои вобаста ба ташреҳи хатти убури сарҳади давлатиро дар ин мавзеъ идома диҳанд”.
Муҳоҷирон метавонанд ба Русия ба воситаи қатора биёянд
Барои муҳоҷирони меҳнатӣ роҳи нав ба сӯи Русия боз мешавад. Муовини сарвазири Русия Марат Хуснуллин изҳор дошт, ки муҳоҷирони меҳнатӣ метавонанд на танҳо тавассути ҳавопаймо, балки ба воситаи роҳи оҳан ба Русия биёянд.
Ба гузориши хабаргузории “Спутник” Марат Хуснуллин, ки дар Форуми байналмилалии иқтисодии Санкт-Петербург (СПИФ) сухан мегуфт, баён дошт, ки “Мо кушиш мекунем, ки тавозуни манфиатҳоро пайдо кунем ва ба тавофуқ расидем, ки механизми ҳамоҳангсозӣ ва ворид кардани нерӯи кориро аз ҷониби ширкатҳои калон содда кунем. Ба низомнома тағйирот ворид карда шуд.”
Ҳамзамон вай афзуд, ки ба хотири пешгирӣ аз паҳншавии сирояти коронавирус муҳоҷирони меҳнатӣ ҳатман барои мавҷудияти COVID-19 озмоиш хоҳанд шуд. Ҳоло онҳо метавонанд бо ҳавопаймо биёянд, мо имкони омаданро тавассути роҳи оҳан баррасӣ кардем, яъне ин илова хоҳад шуд”, – шарҳ дод ӯ.
Ба гуфтаи ӯ, ҳоло дар Русия норасоии нерӯи корӣ дар сохтмонҳо тақрибан миллион нафарро ташкил медиҳад ва ин вазъро фалокатбор намуд. Бар ин асос нархи захираҳои меҳнатӣ дар Русия 50-100 дарсад афзуда аст.
Дар ҳамин ҳол роҳбари Департаменти сиёсати иқтисодӣ ва рушди шаҳрҳои Маскав Кирилл Пуртов гуфт, ки тақрибан 7 ҳазор муҳоҷири корӣ бо дархости 13 ширкат ба зуди ба Маскав хоҳанд омад.
Ба гуфтаи ӯ, инҳо асосан шаҳрвандони Узбекистон мебошанд. Вай ёдовар шуд, ки Маркази муҳоҷирати Маскав чанде пеш дар Узбекистон намояндагии худро боз кард. Таъсиси намояндагӣ пеш аз ҳама ба талаботи зиёди нерӯи кори хориҷӣ вобаста буд. Пуртов дар идомаи суҳбаташ гуфт:
“Ҳоло мо дархостҳо барои воридоти 6800 муҳоҷирро бо дархости 13 ширкат, ки аксарашон шаҳрвандони Узбекистон ҳастанд тасдик кардем”.
Муовини шаҳрдори Маскав оид ба сиёсати иқтисодӣ-моликият ва муносиботи заминӣ Владимир Ефимов маҳдудиятҳои мавҷуда барои вуруди муҳоҷирони меҳнатӣ ба Русияро аз ҳад зиёд номид.
Фармони нави ҳукумати Русия барои шаҳрвандони хориҷӣ
Муҳоҷирони меҳнатӣ аз ин пас муваззафанд, ки қоидаҳои навро риоя намоянд. Муҳоҷирони меҳнатӣ бояд дар мавзӯҳои иҷтимоӣ ба забони русӣ муошират кунанд, руйдодҳои асосии таърих ва шаҳрҳои Русияро донанд ҳамчунин дар бахши ҳуқуқӣ истифода баранд.
Тибқи гузориши хабаргузории “Спутник” ҳукумати Русия талаботи ба сатҳи ҳадди ақали донишро, ки шаҳрвандони хориҷӣ бояд барои кор дар Федератсияи Русия ниёз доранд, тасдиқ кард.
Бар асоси ин талаботи нав муҳоҷирони меҳнатӣ бояд имтиҳони ягонаи давлатиро бо забони русӣ ҳамчун забони хориҷӣ, инчунин таърихи Русия ва асосҳои қонунгузории Русия супоранд.
Тибқи қарори ҳукумати Русия барои гирифтани патент ё иҷозатномаи кор шаҳрвандони дигар кишварҳо бо забони русӣ ҳам дар мавзӯҳои иҷтимоӣ ва ҳам хонагӣ ва ҳам дар баъзе мавзӯҳои махсус муошират кунанд.
Пас муҳоҷирони меҳнатӣ бояд дуруст дар бораи шуғл маълумот диҳанд, ба пулис ва клиника муроҷиат кунанд. Ғайр аз он, донистани забони русӣ бояд барои гирифтани ариза ва хуҷҷатҳои зарурӣ кофӣ бошад.
Дар қарори ҳукумати Русия омада аст, ки муҳоҷирони меҳнатӣ вазифадор ҳастанд, ки муҳимтарин далелҳо ва руйдодҳои таърихи Русияро донанд. Ҳамзамон шаҳрвандони хориҷӣ бояд шаҳрҳои калонтарини кишвар ва ҳамчунин таътилоти давлатиро дақиқ номбар намоянд.
Ҳангоми омодагӣ ба имтиҳон оиди донистани қонунгузории Русия бояд диққати асосӣ ба ҳуқуқҳо, озодиҳо, ӯҳдадориҳои барои шаҳрвандони хориҷи дахлдошошта дода шавад. Фармонро сарвазири кишвари Русия Михаил Мишустин имзо кард.
Чанде пеш маълум шуд, ки муддати эътибори шаҳодатномаи донистани забони русӣ ба муҳоҷирон иваз карда шуда аст. Агар қаблан шаҳрвандони хориҷӣ ҳар панҷ сол имтиҳон месупориданд, аз ин пас ҳар се сол имтиҳон хоҳанд супорид.
Боздошти 5 шаҳрванди Тоҷикситон дар марзи Лаҳистон бо Литвонӣ
Бино бар гузориши “bialystok.se.pl” нерӯҳои марзбонии Лаҳистон дар гузаргоҳи марзии Августов 5 шаҳрванди Тоҷикистонро ба хотири убури ғайриқонунии марзи ин кишвар боздошт ва таҳвили нерӯҳои марзбонии Литвонӣ карданд.
Гуфта мешавад дар байни боздоштшудаҳо як падар бо 2 писари ноболиғ қарор доштааст.
Бино ба иттилои ин расона ҳодиса дар охири моҳи май рух додааст. Ба гуфтаи Катаржина Зданович, сухангӯи нерӯҳои марзбонии минтақаи Подласкаи Лаҳистон, нерӯҳои марзбонии Лаҳистон як худравро бо рақамҳои олмонӣ барои тафтиш нигаҳ доштанд. Дар натиҷаи тафтиш мушаххас шуд, ки мусофирони хориҷии ин худрав санадҳои зарурӣ барои убур ва таваққуф дар Лаҳистонро надоштаанд.
“Ду сарнишини худрав санади иқомати Олмонро доштанд ва 3 нафари дигар (як падар бо 2 фаразандаш) ҳеҷ санаде барои убури марз ҳамроҳ надоштанд”, – омадааст дар хабар.
Дар идома гуфта мешавад, ки мардони 44, 29, ва 27-сола ба гуноҳи худ эътироф карданд. Тибқи моддаи 264 бахши 2-и Кодекси ҷиноии Лаҳистон барои ин афрод то 3 соли зиндон таҳдид мекунад.
Баъд аз дидани чораҳои лозим шаҳрванди 44-солаи тоҷик ҳамроҳи фарзандони 17 ва 14-солааш ба нерӯҳои марзбонии Литвонӣ таҳвил дода шуданд.
Ронандаи 29-сола ва сарнишини дигари 27-солаи ин худрав ҳидоят шуданд то ҳарчи зудтар хоки Лаҳистонро ба мақсади ба тарафи кишваре, ки дар онҷо ҳақи иқомат доранд, тарк кунанд.
Раҳимзода дар Эрон гуфт: “Мо ба тавофуқи хубе расидем”
Тоҷикистон ва Эрон дар нишасти муштараки вазирони корҳои дохилии ду кишвар ба имзои санади ёддошти ҳамкорӣ даст ёфтанд. Дар ин бора хабаргузории “ИРНА” иттилоъ дод.
Рамазон Раҳимзода, вазири корҳои дохилии Тоҷикистон дар рӯзи дуюми ҷаласаи муштараки вазирони корҳои дохилии Эрон ва Тоҷикистон дар мавриди ин тафоҳумнома гуфт:
“Мо дар заминаи мубориза бо терроризм ва экстремизм, гардиши ғайриқонунии маводи мухаддир ва ҷинояткориҳои созмонёфта ба созишномаҳои хуб даст ёфтем.”
Вазири корҳои дохилии Тоҷикистон ба таҳкими ҳамкории ду кишвар дар соҳаҳои амният, сиёсӣ, иқтисодӣ ва фарҳангӣ ишора намуда, афзуд, ки “байни ду кишвари ҳамсоя, дӯст ва форсизабон, яъне Эрон – Тоҷикистон равобит руш намуда ва бо санаде, ки имрӯз ба имзо расид, ҳамкории Эрон Ва Тоҷикистон дар ҳама соҳаҳо тақвият меёбад”.
Раҳимзода дар ин сафари худ ба Эрон аз ҷойҳои фарҳангӣ ва таърихӣ, аз ҷумла оромгоҳи Саъдӣ Шерозӣ, Ҳофизи Шерозӣ, Тахти Ҷамшед ва дигар маконҳо боздид кардааст.