Олим Очилзода, мудири Шуъбаи нақлиёт ва коммуникатсияи ҳукумати Суғд, дар суҳбат ба Sputnik Тоҷикистон гуфт, “Фармони вазири нақлиёт дар бораи тағйирёбии нархи роҳқиро аз 21 июли тасдиқ гардидааст. Бар асоси ин фармон арзиши мусофиркашонӣ барои ҳар як километр 24 дирам муқаррар шудааст. Мо шароити иқтисодии мардумро ба назар гирифта арзиши роҳкирои дохилишаҳрӣ 2 сомонӣ ва ҳаминтавр наздишаҳрӣ ва байнишаҳрӣ аз 14 то 22 сомонӣ муқаррар карда шудааст”.
Ин нархнома ба вилояти Суғд марбут аст, аммо нархномаи шаҳри Душанбе ва навоҳии атрофи он то ҳол мушаххас нест.
Аз ин пеш аксар ронандагони нақлиёти мусофиркашонӣ дар шаҳри Душанбе ва вилояти Хатлон аз гарон шудани нархи сӯзишворӣ ва даромади ночизшон шикоят намуда, аз ширкатҳои мусофиркашонӣ ва идораҳои дахлдор талаб карда буданд, ки нархи роҳкироро гаронтар кунанд. Аммо сокинон аз гароншавии роҳкиро сахт нигаронанд.
Баъд аз моҳи майи соли ҷорӣ нархи сӯзишворӣ дар кишвар рӯз ба рӯз гарон шудан гирифт. Давоми 4 моҳ қариб дар тамоми кишвар нархи сӯзишвории бензин ва дизел 45-50 дарсад ва гази моеъ то 60 дарсад ҳам гарон шуд. Айни замон як литр бензини навъи АИ 95 дар нуқтаҳои фурӯши сӯзишворӣ 10,5 сомонӣ, АИ 92 – 10 сомонӣ, сӯзишвории дизелӣ 9, 3 сомонӣ ва гази моеъ аз 3 сомонии 4 моҳ пеш ба 8 – 9 сомонӣ расидааст.
Мусофиркашони хатсайрҳои дохили Душанбе ва навоҳии тобеъу вилояти Хатлон пеш аз оне, ки Вазорати нақлиёти кишвар нархро муайян кунад, роҳкироро худашон то 35-45 дарсад гарон кардаанд.
23-уми август баъзе ронандагони таксӣ ба Радиои Озодӣ гуфта буданд, ки роҳкиро байни Душанбе ва Роғун агар то чанд моҳ пеш барои як мусофир 25 сомонӣ буд, дар пайи болоравии нархи гази моеъ арзиши он то 40 сомонӣ гарон шудааст.
Гуфтанист, дар Тоҷикистон 29 воридкунандаи сӯзишворӣ сабти ном шудааст. Яке аз воридкунандаҳои асосӣ ширкати “Газпромнефт Тоҷикистон”-у ширкатҳои фаръии он, ки бо номҳои мухталиф сабти ном шудаанд ва воридкунанда ва фурӯшандаи аслии дигари сӯзишворӣ дар кишвар ширкати “Фароз” мебошад, ки ба Шамсулло Соҳибов домоди Эмомамалӣ Раҳмонов тааллуқ дорад.
Коршиносон яке аз сабабҳои аслии болоравии нархи сӯзишвориро дар Тоҷикистон дар инҳисор шудани ин бозор аз тарафи шахсони наздик ба хонавдаи Расиҷумҳур рабт медиҳанд.
То поёни муҳлати ҳузури нерӯҳои Амрико ва шарикони асосии он аз кишварҳои узви НАТО дар Афғонистон як рӯз боқӣ мондааст.
Имрӯз нишасти Шӯрои амнияти Созмони Миллали Муттаҳид дар бораи Афғонистон ва иқдомҳои минбаъдаи ҷомеаи ҷаҳонӣ бо ин кишвар сурат мегирад.
Дирӯз, Департаменти давлатии ИМА дар як изҳорот аз баргузории ин нишаст эълон карда гуфт, дар он “равиши ҳамоҳангшуда барои рӯзҳо ва ҳафтаҳои оянда” баррасӣ мешавад.
Дар ин нишаст намояндагони кишварҳои Фаронса, Канада, Олмон, Италия, Ҷопон, Британияи Кабир ва Русия ҳузур пайдо хоҳанд кард. Ҳамчунинин намояндагони кишвари Туркия, Қатар, Иттиҳодяи Аврупо ва Паймони Атлантикаи Шимолӣ низ ширкат мекунанд.
Дар изҳорот ишора шудааст, ки котиби давлатии ИМА Энтони Блинкен пас аз мулоқот барои арзёбии иқдомҳои ахири ИМА дар Афғонистон суханронӣ хоҳад кард.
Ин бархурд ва мавзеъгирии Гулбиддин Ҳикматёр бо вокунишҳои тунде дар Душанбе рӯ ба рӯ шуд. Мубаллиғон ва ҷонибдорони режими Раҳмон дар Душанбе ва хориҷ аз Тоҷикистон на танҳо аз Ҳикматёр интиқод, балки дар хеле мавридҳо таҳқиру тавҳинҳоеро низ аз тариқи шабакаҳои иҷтимоӣ нисори ӯ карданд.
Латиф Пидром, адиб, сиёсатмадор ва раҳбари Ҳизби Кунгураи миллии Афғонистон, ки дар Душанбе ба сар мебарад низ бо камоли тавозӯъ аз мавзеъгирии Эмомалӣ Раҳмон дар пуштибонӣ аз тоҷикони Афғонистон ҳимоят ва аз Гулбиддин Ҳикматёр интиқод кард.
Пидром бо нашри як навори видеоӣ Эмомалӣ Раҳмонро “пешвои миллат” хонда, мавзеъгириҳои президенти Тоҷикистон аз ҳусни нияти ҳамсоядорӣ ва дар чорчӯби санадҳо ва меъёрҳои инсондӯстонаи байналмилалӣ арзёбӣ карда Гулбуддин Ҳикматёрро шахсе “намак ношинос” гуфт. Зеро дар соли 1996, замони суқути Кобул ба дасти Толибон Ҳикматёр аз тарс ба Тоҷикистон муҳоҷир шуда, аз он ҷо сипас ба Эрон ҳиҷрат кардааст.
Мақомот мегӯяд, дар байни ин 10 нафари боздошт шуда, 3 сокини маҳаллӣ низ ҳузур дорад. Дар бораи ҳуввияти иштирокчиёни муноқиша, таърих ва замони ин ҳодиса маълумот дода нашудааст. Аммо ВКД-и Русия меафзояд, ҳамаи иштирокчиёни ин ҷангро ба ҷазои маъмурӣ дар намуди ҷарима аз 500 то 1000 рубли русӣ маҳкум кардааст.
Аммо дар навори видеоие, ки аз дурбини назди бино сабтшуда дида мешавад, ҳодиса шабона рух додааст ва иштирокчиёни он бештар аз 10 нафарро ташкил медиҳанд.
Қаблан дафтари матбуоти ВКД Русия дар Маскав хабар дода буд, ки дар яке аз хобгоҳҳои Маскав дар кӯчаи Адмирал Корнилов муноқишаи дигаре ба вуқуъ пайваста буд, ки он дар дурбини биноҳои маҳаллӣ сабт шуда, 20 муҳоҷир боздошт, дасти кам нисбати 5 нафар ҳукми ихроҷ (депортатсия) аз Русия содир шуд.
