Русия 12 нафар аз иштирокчиёни задухӯрди оммавии ахир дар Митиши Маскавро депорт кард.

Додгоҳи шаҳри Митишии вилояти Маскав дар бораи ихроҷи 12 муҳоҷири корӣ аз Русия, ки дар задухӯрди густурда ва тирандозӣ ширкат доштанд, ҳукм содир кард. Дар ин бора Суди шаҳри Митиши ба ТАСС хабар дод.

“Бо қарори суди Митишии вилояти Маскав Каримов Х., Дундиев Д., Кранов Э., Дундиев М., Юсупов Д., Самандари М., Ҳоҷимуродов Ю., Ядгоров С., Раҳмонов А., Қурбонов М., Ятимов Ш. ва Қурбонов К. тибқи моддаи 18.8 Кодекси маъмурии Федератсияи Русия (аз ҷониби шаҳрванди хориҷӣ вайрон кардани низоми будубош дар Федератсияи Русия) гунаҳкор дониста шуданд. Ба Онҳо ба маблағи 6 ҳазор рубл ҷаримаи маъмурӣ ва ихроҷ аз Федератсияи Русия пешбинӣ шудааст. Онҳо пас аз ҳодиса боздошт шудаанд” – омдааст дар қарори Суди Митиши.

Гуфта мешавад, Суди шаҳри Митиши тасдиқ кард, ки 12 протоколи ҳуқуқвайронкунии маъмуриро нисбати шахсони дар боло зикршуда тафтиш кардаанд. Аммо дар бораи натиҷа ва ҷузъиёти он чизе гуфта намешавад.

Ёдовар мешавем, рӯзи 6-август як гурӯҳ муҳоҷирон бо теъдоди 40-60 нафар дар кучаи Пограничнии шаҳри Митишии Маскав бо ҳам занозанӣ карданд, ки дар натиҷа он ба тирпаронӣ анҷомид. Ба қавли шоҳидони ин ҳодисаи хунин 3 тан аз зодагони Чеченистон захмӣ шудаанд.

Ба навиштаи расонаҳои русӣ, қисми зиёди иштирокчиёни муноқиша муҳоҷирони кишварҳои Осиёи Марказӣ, аз ҷумла шаҳрвандони Тоҷикистон, Ӯбекистон ва Чеченистони Русия будаанд.

Ҳамзамон хабар дода мешавад, ки Вазорати корҳои дохили Русия алайҳи иштирокчиёни ин ҳодиса аз рӯи моддаи 213 (Авбошӣ) Кодекси ҷиноятии Федератсияи Русия парвандаи ҷиноятӣ боз карда, тафтишот идома дорад.

Дар натиҷаи задухурди гурӯҳӣ ва мусаллаҳонаи муҳоҷирони тоҷик бо қафқозиҳо дар Маскав дасти кам се нафар аз чеченитаборҳо захмӣ шудааст.

Манобеи Аздо тв аз Маскав хабар медиҳанд, ки ҳодисаи хунин шаби ҷумъаи 6-уми август сурат гирифтааст. Ба гуфтаи шоҳидон, мақомот пас аз ин муноқиша ба маҳалли ҳодиса расида, афродеро ки аз ин макон боздошт намуданд, бо ҳукми суд онҳо ихроҷ ва вуруди ишонро ба Русия то 40 сол манъ карданд.

Ба қавли расонаҳои русӣ, пеш аз ин ҳодиса як задухурди дигаре ҳам дар ҳамин рӯз ва дар ҳамин минтақа байни муҳоҷирони кишварҳои пасошӯравӣ низ рух дода буд, ки иштирокчиёни онро байни 40 то 60 нафар арзёбӣ мекунанд.

Бино ба иттилои расонаҳои русӣ, иштирокчиёни ин задухӯрдҳо зодагони ҷумҳуриҳои Осиёи Марказӣ, аз ҷумла шаҳрвандони Тоҷикистон ва Чеченистони Русия буданд, ки муноқишаи онҳо бо тирпаронӣ анҷом ёфт.

Пештар чанде аз муҳоҷирони тоҷик ба Аздо тв наворҳое фиристода буданд, ки дар назди метрои Теплий Стани шаҳри Маскав полис даҳҳо муҳоҷиронро боздошт ва савори Автобусҳо карда бо худ мебурданд.

Ҳамсуҳбатони мо мегуфтанд, дар миёни муҳоҷирон бештар шаҳрвандони Тоҷикистону Узбекистон ҳастанд. “Қариб 10-12 рӯз мешавад, ки дар назди бозор ва метрои Теплий Стан нерӯҳои ОМОН бо 6 – 7 автобус омада муҳоҷиронро савор карда бо худ мебаранд ва то соати 22:00 шаб ҳамин кор идома меёбад.”

Ёдовар мешавем, ки рӯзи 6-август дар шаҳри Одинсово ва Митишии назди Маскав ду задухӯрди оммавӣ сурат гирифт, ки дар онҳо аз 40 то 60 нафар аз муҳоҷирон иштирок карданд.

14-уми август дар Маскав барои тафтиши муҳоҷирон ду рейди бузург аз ҷониби мақомоти корҳои дохилӣ, Бозрасии давлатии бехатрии ҳаракат дар роҳ ва Горди миллии ин кишвар оғоз мешавад.

Ин тафтишот дар Маскав ва вилоятҳои пойтахт дар якҷоягӣ бо афсарони полис, Бозрасии давлатии бехатарии ҳаракат дар роҳ ва Гвардияи Русия барои тафтишоти муҳоҷирон гузаронида мешавад. Дар ин бора “Pravda.ru” 8-уми июл хабар дод.

Тафтишот аз ду бахш рейди таксиронҳо (Рейд Таксист) ва рейди муҳоҷирон (Рейд Мигрант) иборат буда, рейдҳо аз 14-уми август оғоз меёбад. Гуфта мешавад, муҳоҷирони корие, ки дар бахши хизматрасонии таксиҳои Маскав кор мекунанд, бояд дар системаи “КИС” ва “ART” (системаи иттилоотии корпоративӣ ва назорати таксӣ) сабти ном дошта бошанд.

Дар ин рейд аз технологияҳои “Smart City” истифода мешаванд. Вазифаи асосии кормандони мақомоти ҳифзи ҳуқуқ дарёфт ва татбиқи ҷазои ҳуқуқӣ ба ронандагоне мебошад, ки дар системаи “ART” сабти ном нашудаанд.

Дар робита ба бахши дуввуми санҷиш рейди муҳоҷирон (Рейд Мигрант) мақомоти Русия ният доранд, аз ҷойҳои сершумори муҳоҷирони меҳнатӣ дидан карда ҷойҳои истиқоматии онҳоро тафтиш кунанд. Ҳамчунин хабар дода мешавад, ки назорати шадид барои риояи тартибот аз тарафи Гвардияи миллии Русия амалӣ хоҳад шуд.

Гуфта мешавад, яке аз сабабҳои баргузории чунин рейдҳо ва назорати шадид болои муҳоҷирон ин ҳодисаҳои охир дар ҷанубу шарқии пойтахт мебошад, ки он боиси боздоштҳои сершумор шуда, даҳҳо нафар муҳоҷирон аз Қирғизистон, Тоҷикистон ва Узбекистон аз тарафи мақомот дастгир ва аз Русия ихроҷ шудаанд.