Нооромиҳои ахир ва тазоҳуроти мардуми ноҳияи Рӯшон баъди иштироки Ёдгор Файзов, раиси Вилояти Мухтори Кӯҳистони  Бадахшон  ором шудааст.

Раиси вилоят баъди сӯхбати рӯбарӯ бо мардум дар рӯзи 1 июн гуфтааст,ки  ҳалли мушкили феълӣ миёни онҳо бо мақомоти интизомиро бар ӯҳда мегирад.  .

  Ёдгор Файзов, раиси ин вилоят, ки то чанд рӯзи пеш ба иллати гирифторӣ бо коронавирус бистарӣ буд, баъди шифоёбӣ дар ҳол назди муътаризин омадааст.

  Баъд аз гуфтугӯ бо намояндагони ноҳияи Рӯшон, раиси ВМКБ Ёдгор Файзов гуфтааст:«Ман шахсан ин мушкилиро бар дӯши худ мегирам. Аз ин ба баъд, ин проблемаи ману Ёдгор аст. Ваъда медиҳам, ки ин корро то охир пайгирӣ мекунам. Шумо ташвиш накашед».

  Таҷаммӯи сокинон ва сафари раиси вилоят дар пасманзари рӯёрӯӣ ё ихтилофи миёни сокинони деҳаи Барӯшони ноҳия ва кормандони амниятӣ иттифоқ афтод. Бузургтарин ҷамъомади сокинон ба гуфтаи онҳо дар рӯзи 25 май будааст. Аммо қазия 22 май аз  боздошти сокини 44- солаи  деҳаи Барӯшон Шароф Қобилов сар шудааст. Хабаргузории «Ховар» иттилоъ дода буд, ки «ҳангоми амалиёти боздошт Ш.Қобилов бо корд ҳуҷум карда,сардори шӯъбаи ноҳиявии КДАМ Чуянов Самариддинро захмӣ кардааст.» Ба нақл аз мақомоти расмӣ, Қобилов раҳбари гурӯҳи созмонёфтаи қочоқи маводи мухаддир дониста шудааст.

  Баъд аз ҳабси Шароф Қобилов, ба гуфтаи як шоҳиди воқеа, кормандони амниятӣ барои дастгир кардани афроди дигаре омаданд, ки гуфта мешавад, ба ин амалиёти онҳо халал расондаанд. 

  Ҳангоми боздошти ин гумонбарон Ёдгор Ғуломҳайдаров нагузоштааст, ки  маъмурони амниятӣ ду наврасро бо худ баранд. Бо дахолати ӯ наврасон боздошт нашудаанд, вале рӯзи дигар «дар пеши «Пули сафед”-и ноҳияи Рӯшон, вақти баргаштан аз тарафи Хоруғ мошини Ёдгор Ғуломҳайдаровро пулис манъ намуда, ӯву ҳамсафаронашро ҳабс кард. Ҳамин хабар сабаби гирдиҳамоии сокинон мегардад, ки ҷамъ шуда, ҳангоми интиқоли ин боздоштшудаҳо аз раёсати КДАМ-и ноҳия ба заставаи марзбонӣ, онҳоро аз дасти амниятиҳо раҳо мекунанд.»

   Як сокини дигари ноҳияи Рӯшон гуфт, ки рӯзи 27 май гумонбари дигар Фирдавс Гадомамадовроба дасти мақомоти қудратии Вилояти Мухтори Кӯҳистони Бадахшон (ВМКБ) супурданд, вале он вақтӣ аз онҳо талаб шуд, 4 нафари дигарро низ ба мақомот таслим кунанд. Сокинон мегӯянд, дар сурате ин талабро иҷро мекунанд, ки зидди ин чаҳор нафар танҳо парвандаи маъмурӣ боз шавад, на ҷиноӣ.

   Раиси Вилояти Мухтори Кӯҳистони Бадахшон Ёдгор Файзов рӯзи28 май ба Радиои Озодӣ гуфта буд, ки Фирдавс Гадомамадов шахсест, ки бо Қобилов дар қочоқи маводи мухаддир ҳамдастӣкардааст ва боздошт шуд, аммо сухан аз бачаҳоемеравад, ки ба мошини хидматии маъмурони амниятӣ осеб расонданд. Сокинон мехоҳанд,ба онҳокафолат дода шавад, ки ин навҷавонон ҷазои маъмурӣ гиранд. Сокинони Рӯшон мегуянд, ба онҳохабар расидааст, ки Шароф Қобилов дар боздоштгоҳи Шуъбаи корҳоидохилии Рӯшонлатукуб шуда, ҳатто овозаи даргузашти ӯ паҳнгаштаасти. Амм онавбатдори ШКД ноҳияиРӯшон рӯзи 1 июн ба Радиои Озодӣ гуфт, «Шароф Қобилов латукуб нашудааст ва саломатияш хуб аст.»

Раҳмон, раисҷумҳури Тоҷикистон барои ширкат дар ҷашни бахшида ба 75-умин солгарди пирӯзии Шӯравӣ дар Ҷанги ҷаҳонии дуввум, ба Маскав даъват шудааст.

Оҷонсии телеграфии ТоҷикТа аз қавли департаменти иттилоотии Вазорати хориҷии Тоҷикистон навиштааст, ки қарор аст Раҳмон дар ин ҷашн, ки 24 июн доир мешавад, ширкат меварзад.

Маросими 75-умин солгарди ин ҷашн, ки қарор буд 9 май доир шавад, ба иллати пандемияи КОВИД-19 мавқуф гузошта шуд. Тавре хабаргузориҳои русӣ менависанд, 24 июн ба он хотир он рӯзро иваз кардааст, ки нахустин режаи низомӣ бахшида ба ин ҷашн баъди соли 1945 барои аввалин бор дар Маскав маҳз 24 июн доир шуда будааст.

Эмомалӣ Раҳмон, раиси Ҷумҳурии Тоҷикистон дар ҳоле озими Маскав хоҳад шуд, ки дар ин авохир зоҳиран миёни Русия ва Тоҷикистон як навъ тирагии равобит ба назар мерасад. Масъалаи муноқишаи марзӣ миёни Тоҷикистон ва Қирғизистон зоҳиран ин сардии муносибатҳоро рӯ занонд ва ба дунболи пешниҳоди миёнаравии Русия барои ин муноқиша вазорати хориҷаи Тоҷикистон бо ирсоли як номаи эътирозии бесобиқа ва шадидуллаҳн Русияро “тарафи саввум” хонд ва пешниҳоди ӯро барои рафъи ин муноқиша “мудохила” ва худи масъаларо “кори дохилии ду давлат” арзёбӣ кард. 

Ин ҳам дар ҳоле аст, ки Тоҷикистон то ду моҳи дигар вориди масъалаи расмии корзори интихоботи риёсати ҷумҳурӣ хоҳад шуд ва Раҳмон қасд дорад курсии худро ба писраш вогузор кунад. Кореро, ки Назарбоев мехост дар Қазоқистон бо духтараш анҷом диҳад. Аммо чанд ҳафтае пештар Дариға Назарбоева, духтари меросбари Назарбоевро аз симмати раиси Маҷлиси ин кишвар ҳам барканор карданд.

Ҳамин тавр президентҳои Қазоқистон, Қирғизистон, Молдова ва Сербия ширкати худ дар  ин маросимро таъйид кардаанд. Тибқи навиштаи хабаргузории «Коммерсанть», раиси Ҷумҳурии Узбакистон низ ба эҳтимоли зиёд дар ин ҷашн ширкат хоҳад кард.