Бино ба иттилои “Asia-Plus” бо такя ба Ожонсии омори назди президенти Ҷумҳури Тоҷикистон қарз аз музди меҳнат аз аввали моҳи сентябр нисбат ба солҳои гузашта бештар шудааст.
Ин ниҳод миқдори умумии ин қарзро зиёда аз 74,8 млн сомонӣ гуфтааст. Дар хабар омада, ки давоми моҳҳои январ-августи соли ҷорӣ корфармоҳо ба кормандони худ аз музди меҳнат беш аз 40,5 млн сомонӣ (наздик ба 4 млн доллар) қарздор шудаанд.
Ҳамчунин гуфта шудааст, ки қарзи аз ҳама баландарин аз музди меҳнат имсол моҳи апрел (15,1 млн сомонӣ) ва моҳи август (10,8 млн сомонӣ) ба қайд гирифта шудааст.
Ба иттилои Ожонсии омор афзоиши қарз аз музди меҳнат қариб дар ҳама навъҳои фаъолияти иқтисодӣ дида мешавад. Аз ҷумла соҳаи саноати коркард ба миқдори 21,8 млн сомонӣ, соҳаи сохтмон ба миқдори 19,3 млн сомонӣ ва соҳаи канданиҳои фоиданок ба андозаи 14,8 млн сомонӣ аз музди меҳнат қарздоранд.
Аз гуфтаҳои муовини раиси ҲСДТ маълум мешавад, ки фарзанди ӯро кормандони нерӯҳои низомӣ пеш аз “Облава” лату кӯб кардаанд. Ба гуфтаи ӯ фарзандашро кормандони Комиссариати ҳарбии ш Ҳисор бо фармони КДАМ ба хидмат бурданд.
Дар Тоҷикистон мавсими даъвати нави сарбозӣ ва ба қавле “Облава” оғоз шудааст. То имрӯз чандин аксу наворҳо дар шабакаҳои иҷтимоӣ ва расонаҳо аз қонуншикании кормандони Комиссариятҳои ҳарбии Тоҷикистон нашр мешавад.
Баъд аз ҷанги шаҳрвандӣ дар Тоҷикистон ҷавононро барои ба хидмати ҳарбӣ бурдан аз роҳҳои зуроварӣ истифода мешавад, ки борҳо ин масъала дар сатҳҳои гуногун мавриди интиқод қарор гирифта буд.
Имрӯз 29 октябр Ҷунайдуллоҳ Худоёров дар саҳифаи фейсбукаш хабар дод, ки як ҳамсояашонро дар шаҳри Нижний Новгороди Русия ҳамсари русаш бо табар ба қатл расондааст.
“Аздо тв” аз манобеаш маълум кард, ки марҳум Зоиров Олимҷон Муродович ном дошта, аз ноҳияи Рашт ҷамоати Боқӣ Раҳимзода деҳаиЯшм ва зодаи соли 1982 будааст. Гуфта мешавад, ки марҳум аз соли 2001 дар Русия зиндагӣ мекарда аз ҳамсари русаш соҳиби фарзанд низ будааст.
Аз соли 2016 Тоҷикистон нарафта буд. Худоёров дар саҳифаи фейсбукаш навишта, ки Олимҷон сеюмин фарзанди Муродхуҷа аст, ки дар Русия ба ҳалокат мерасад. Аз 4 фарзанди писарии ин хонадон се фарзандаш дар Русия вафот кардаанд.
Бародари калонияш бо номи Саидбек соли 2013 дар вақти кор аз ошёнаи баланд ба замин афтида ҳалок мешавад ва бародари дуюмаш бо номи Амирбек соли 2015 аз илтиҳоби пардаи мағзи сар (менингит) вафот ёфт ва инак фарзанди сеюми ин хонадон Олимҷон имрӯз аз дунё даргузашт.
“Аздо тв” аз манобеи дигар аз ҷузъиёти қатл пурсид ва онҳо низ бо тобар аз ҷониби ҳамсари русаш кушта шудани Олимҷонро тасдиқ карданд.
То ҳол дар мавриди сабабҳои ин куштори ваҳшиёна изҳороти расмие аз ҷониби ниҳодҳои дахлдори Русия нашр нашудааст. Ва маълум нест, ки чаро ва чӣ чиз хашми ин занро барангехта, ки даст ба қатли шавҳараш задааст.
То барқарор гардидани хатсайри доимӣ байни Тоҷикистон ва Русия парвозҳои чартерӣ идома мекунад. Дар ин бора “Азия-Плюс” бо истинод ба манбааш аз сафорати Тоҷикистон дар Русия хабар медиҳад.
Ба гуфтаи корманди сафорат, “иҷрои парвозҳои чартерӣ аз Русия бо мақомоти ин кишвар мувофиқа мешавад. То охири моҳи октябр ба анҷоми боз якчанд парвоз созишнома дорем. Тоҷикистон ба идомаи парвозҳои чартерӣ хотима бахшиданӣ нест ва ният дорад, ки барои иҷрои парвозҳои иловагӣ дархост пешниҳод намояд”.
Дар идома иброз доштааст, ки шумори нафароне, ки аз Русия ба Тоҷикистон сафар мекунанд, рӯз то рӯз кам шуда истодааст.
