26.9 C
Dushanbe

Уфти доллар дар баробари сомонӣ

Дар Тоҷикистон қурби доллари амрикоӣ дар баробари пули миллӣ-сомонӣ тақрибан 2,5 дарсад поин фаромадааст.

24-уми майи соли ҷорӣ Бонки миллии Тоҷикистон арзиши доллари амрикоӣ дар баробари пули миллӣ-сомониро 30 дирам поин бурда, 1 долларро баробар ба 11,80 сомонӣ таъйин кард. Дар ҳоле, ки арзиши 1 доллари амрикоӣ як рӯз пеш баробар ба 12,10 сомонӣ буд.

Қурби евро низ тағйир карда, аз 12,78 сомонӣ барои 1 евро то 12,57 поин рафтааст.

Аммо дар чанд рӯзи охир дар Тоҷикистон қурби рубли русӣ дар баробари пули сомонӣ тақрибан 3,5 дарсад боло рафта, арзиши ҳазор рубли русӣ дар бозори арзи кишвар 172,5 сомонӣ муқаррар шудааст.

Бонки миллии Тоҷикистон, ки таъйинкунандаи қурби пули миллӣ-сомонӣ дар баробари арзҳои хориҷӣ дар Тоҷикистон аст, то ҳол дар бораи уфти доллар дар баробари сомонӣ изҳори назар накардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.