Гуфта мешавад, ҷонибҳо масъалаҳои рушди ҳамкориҳои тиҷоратию иқтисодӣ ва сармоягузорӣ, ҳамкорӣ дар соҳаи маориф ва сиёсати муҳоҷиратро баррасӣ карданд.
Дар ин мулоқот Максим Решетников таъкид карда, ки Русия аз лиҳози сармоягузорӣ ба иқтисоди Тоҷикистон дар ҷои дуввум қарор дорад ва яке аз шарикони пешрафтаи тиҷоратии кишвар мебошад. Ба гуфтаи ӯ, ҳоло дар Тоҷикистон беш аз 300 корхона бо ширкати Русия фаъолият доранд. Ӯ ҳамчунин афзуда, ки “соҳибкорони рус ба соҳаҳои сохтмон, энергетика, коммуникатсия, иктишофи геологӣ, хадамоти молиявӣ, тандурустӣ, савдо ва сайёҳӣ фаъолона сармоягузорӣ мекунанд.”
Вале вазири рушди иқтисоди Русия дар мулоқот бо Сарвазири Тоҷикистон таъкид карда, ки барои рушди ҳамкориҳои тиҷоратӣ ва сармоягузорӣ, “ҳисоббаробаркуниҳои боэътимод ва бефосила зарур аст.”
Ин таъкиди мақомдори Русия дар мавриди “ҳисоббаробаркуниҳои бефосила” дар ҳолест, ки ширкати “Барқи тоҷик”, ниҳоди асосии барқтаъминкунанда дар Тоҷикистон аз нерӯгоҳҳои “Сангтӯда-1″ ва Сангтӯда-2”, ки русҳо онҳоро идора мекунанд, миллионҳо доллар қарздор аст ва солҳост, ки наметавонад қарзи худро бо ин нерӯгоҳҳои барқи обӣ соф кунад.
Пешгӯйии як муҳаққиқи Ҳоландӣ дар бораи заминларзаи имрӯзаи Туркия, ки дар натиҷа кишварҳои ҳамсояи он ва ҳатто Мисрро низ такон дод, то рафт доғтар мешавад.
Фаъоли ҷомеаи шаҳрвандии тоҷик, ки дар Русия боздошт ва сипас ба Тоҷикистон истирдод шуда буд, аз зиндон озод шудааст.
Сайид Шамс, фаъоли ҷомеаи мадании тоҷик, ки августи соли 2022 дар Русия боздошт ва сипас дар ноябри ҳамон сол ба Тоҷиҷистон истирдод шуда буд, 21-уми январи соли ҷорӣ аз Боздоштгоҳи муваққатӣ озод шуд.
Ин фаъоли 59-солаи ҷомеаи мадании Тоҷикистон пас аз раҳоӣ аз зиндон ба қасди ба ҷо овардани ҳаҷҷи Умра озими Арабистони Саудӣ гардида, бо нашри чанд аксе аз дохили ҳарами Маккӣ ва атрофи он аз худ дарак додааст.
Гуфта мешавад, Сайид Шамс, як фаъоли ҷомеаи мадании Тоҷикистони муқими Русия буд ва дар хеле мавридҳо аз бархе сиёсатҳои идорӣ ва кадрӣ, ки ба назари ӯ боиси рукуди иқтисодӣ ва пасрафти ҷомеа мешуд, сахт интиқод мекард ва инчунин дар амри решкан кардани фасод дар идораҳои давлатӣ низ бо ироаи пешниҳодҳо ва роҳи ҳалҳо интиқод мекард.
Мушкили Сайид Шамс бо мақомоти амниятии Русия чанд сол боз идома дошт ва ӯ дар ин байн чанд дафъа, аз ҷумла дар соли 2019 ва дар аввали соли 2022 низ боздошт шуда буд. Гуфта мешуд, ки Хадамоти амнияти федералии Русия (ФСБ) ӯро ба нақзи қонунҳои Русия ҳангоми гирифтани ҳаққи иқомат дар ин кишвар айбдор мекунад.
Дар гузашта мақомоти рус бо иттиҳомҳои ба ин монанд, чанд фаъоли дигари тоҷик, аз ҷумла Каромат Шарипов ва Иззат Амон ва даҳҳо каси дигар аз зодагони Вилояти Мухтори Кӯҳистони Бадахшонро низ аз шаҳрвандии Русия маҳрум карда, ба Тоҷикистон фиристода буданд ва дар натиҷа аксари онҳо аз озодӣ маҳрум шуданд.
