Дабири Шӯрои амнияти Тоҷикистон дар вокуниш ба гуфтаҳои дабири Шӯрои амнияти Русия гуфт, ки муносиботи мо стратегӣ аст.
23-юми августи соли 2022 дабири Шӯрои амнияти Тоҷикистон дар посух ба нигарониҳои дабри Шӯрои амнияти Русия ба “ Пас аз ин вокуниши Патрушев расонаҳо ва бархе дигар аз фаъолони сиёсии Русия ҳам баргузории тамринҳои муштараки низомӣ дар Тоҷикистонро ба баррасӣ гирифта, муносибатҳои Тоҷикистону Русияро зери суол қарор дода буданд. Вокуниши дабири Шӯрои амнияти Тоҷикистон дар ҳоле расонаӣ шуд, ки чанд саот қабл аз он дафтари матбуоти Эмомалӣ Раҳмон ҳам хабар дод, ки сарони Тоҷикистону Русия телефонӣ суҳбат карданд. Котиботи Президенти Тоҷикистон ин суҳбати телефонии Эмомалӣ Раҳмон бо ҳамтои русаш Владимир Путинро “суҳбати дӯстона” арзёбӣ карда, таъкид кард, ки тарафҳо “ҷанбаҳои алоҳидаи муносибатҳои дӯстӣ ва ҳамкориҳои байнидавлатии Тоҷикистону Русия, ҳамчунин дурнамои рушди минбаъдаи онҳоро дар чорчӯби шарикии стратегӣ баррасӣ намуданд.” Пеш аз ин сафорати Амрико дар Тоҷикистон гуфта буд, “Ҳамкории минтақавӣ як тамрини солонаест, ки ба таҳкими амалиёти бисёрмиллӣ барои таъмини субот, мубориза бо терроризм, рушди ҳамкорӣ ва тавонмандиҳои муштараки кишварҳои Осиёи Марказию Ҷанубӣ, ИМА ва дигар кишварҳои иштироккунанда нигаронида шудааст.” Ба гуфтаи баъзе таҳлилгарони масоили сиёсӣ, чунин ба назар мерасад, ки муносибатҳои Тоҷикистону Русия пас аз баргузории тамринҳои муштарак зери унвони “Ҳамкории минтақавӣ 22” дар шаҳри Душанбе хадшадор шудааст ва акунун кор то ҷое расида, ки на танҳо мақомоти поёнӣ дар сатҳи ҳамтоёни худ масъаларо ба баррасӣ мегиранд, балки Эмомалӣ Раҳмон ҳам маҷбур шуда, ки шахсан худаш дар ин бора бо Владимир Путин гап занад ва котиботаш ҳам онро “суҳбати дӯстона” тавсиф намоянд. Гуфта мешавад, тамринҳои муштараки нирӯҳои амрикоӣ бо ҳамтоёнашон аз бархе кишварҳои Осиёи Марказӣ, Муғулистон ва Покистон соли 2004 оғоз шуда, ба истиснои давраи дусолаи ҳамагирии коронавирус ба сурати мунтазам солона дар яке аз кишварҳои ширкаткунанда баргузор мешаванд.
