Ҷустуҷӯ кунед
Ҷустуҷӯ
12.9 C
Dushanbe
Хона блог саҳифа 384

22 кушта бар асари як ҳамлаи Русия ба Украина

Аз ҷониби
amrullokhi
-
0

Дар рӯзи истиқлоли давлатии Украин танҳо дар як ҳамлаи мушакии Русия ба ин кишвар 22 нафар, аз ҷумла як кӯдак кушта шудааст.

Акс аз ББС

Дирӯз, 24-уми август Украина иди истиқлоли худро ҷашн мегирифт. Бино ба иттилои ББС, дар ин рӯз бар асари як ҳамлаи мушакии Русия ба як истгоҳи роҳи оҳан дар Украина 22 нафар кушта шудаанд.

Мақомоти Украина мегӯянд, ки дар ин ҳамла ба шаҳраки кӯчаки Чаплин, бо шумули панҷ сарнишини як мошин, ки ҳамаи онҳо сӯхта, ҳалок шудаанд, як навраси 11-сола низ кушта шудааст.

Раисиҷумҳури Украина Владимир Зеленский дар нишасти Шӯрои Амнияти СММ дар бораи ин ҳамла хабар дод. Аммо то ҳол Русия дар ин бора изҳори назар накардааст, вале қаблан ҳадаф қарор гирифтани сохторҳои ғайринизомиро рад карда буд.

Доштани гувоҳиномаи тиббӣ барои вуруд ба Тоҷикистон ҳатмӣ шуд

Аз ҷониби
amrullokhi
-
0

Агентии авиатсияи гражданӣ доштани маълумотномаи тиббӣ дар бораи солим будан аз коронавирусро барои вуруд ба Тоҷикистон ҳамтӣ эълон кард.

Бино ба иттилои АМИТ “ХОВАР“, Агентии авиатсияи граждании Тоҷикистон дар истинод ба Қарори Ситоди ҷумҳуриявӣ барои мубориза ва пешгирӣ аз паҳншавии вируси COVID-19 дар Тоҷикистон ҳангоми вуруд бо ҳавопаймо “пешниҳоди маълумотномаи тиббӣ оид ба бемории сироятии COVID-19 (ПСР-тест) ва ё шаҳодатномаи ваксинатсия”-ро ҳатмӣ эълон кардааст.

Ба қавли манбаъ, шаҳрвандон ва меҳмононе, ки мехоҳанд ба Тоҷикистон сафар кунанд, бояд пеш аз хариди билет дар бораи вазъият ва шароити сафар маълумот бигиранд.

Гуфта мешавад, мақомоти Тоҷикистон ҷорӣ кардани ин шартҳоро муваққатӣ эълон карда, гуфтаанд, ки “ин чораҳои беҳдоштӣ бо мақсади пешгирӣ аз паҳншавии бемории сироятии COVID-19 муваққатан роҳандозӣ гардида, бо беҳ гардидани вазъият аз байн бурда мешаванд.”

Машваратҳои сиёсӣ байни Душанбеву Анқара

Аз ҷониби
amrullokhi
-
0

Ҳайатҳое аз Тоҷикистону Туркия дар Анқара дидор ва ҳуҷҷату санадҳоеро, ки “дар баррасии якдигар қарор доранд, муҳокима карданд.”

Бино ба иттилои сомонаи Вазорати корҳои хориҷии Тоҷикистон рӯзҳои 23-24-уми августи соли 2022 “дар шаҳри Анқара машваратҳо байни вазоратҳои корҳои хориҷӣ оид ба ташхис ва такмили заминаи шартномавӣ-ҳуқуқии муносибатҳои Тоҷикистон ва Туркия баргузор гардиданд.”

Ба гуфтаи манбаъ, “ҷонибҳо номгӯи ягонаи санадҳои байналмилалии дуҷониба ва дигар ҳуҷҷатҳоеро, ки дар баррасии якдигар қарор доранд, муҳокима карданд.”

Ҳамзамон, оид ба дурнамо ва тақвияти ҳамкориҳо миёни вазоратҳои корҳои хориҷӣ дар таҳияи шартномаҳои байналмилалии дуҷониба ва дигар санадҳои ҳуқуқӣ мубодилаи афкор сурат гирифт.

Гуфта мешавад, аз оғози робитаҳои Тоҷикистону Туркия 30 сол гузашта ва дар ин муддат ротибатаҳои фарҳангӣ ва тиҷоратӣ байни ду кишвар афзудааст. Тоҷикистон аксар аз Туркия молу колоҳои тиҷоратӣ ворид мекунад ва Туркия ҳам аз Тоҷикистон маводи хом, аз ҷумла алюминий ва нахи пахта мехарад.

Мулоқоти сафири Тоҷикистон бо муовини ВКХ Русия

Аз ҷониби
amrullokhi
-
0

Сафорати Тоҷикистон дар Маскав мегӯяд, ки Давлатшоҳ Гулмаҳмадзода дар раъси як ҳайат ба дидори Андрей Руденко рафтааст.

Акс аз сомонаи сафорати Тоҷикистон дар Русия

Бино ба иттилои

Дар ҳоле, ки Кремлин гирифтори ҷанг бо Украина аст ва Кохи Сафедро, ки ҳомии Киев мебошад, “душман”-и худ медонад, вуҷуди таҳримҳои низомии зиёди Ғарб ва дар раъси он Амрико бо кишварҳои гуногун Маскавро сахт нигарон кардааст.

Зоҳиран гузарондани тамринҳои низомӣ бо раҳбарии Амрико дар Душанбе дар ин шароити ҳассос барои Русия, Кремлинро нигарон карда ва чунин ба назар мерасад, ки раҳбарони Тоҷикистон ҳам яке пайи дигар барои рафъи нигаронии Маскав дар такопӯ афтодаанд.

Дар “Соли рушди саноат” зиндонӣ кардани соҳибкорон ба чӣ маъност?

Аз ҷониби
AZDA TV
-
0

23 августи соли ҷорӣ додгоҳи Вилояти Мухтори Кӯҳистони Бадахшон дар мурофиае фаъоли ҷамъиятӣ, фермери машҳур ва соҳибкор аз ноҳияи Роштқалъа Сорбон Юноеви 62-соларо бо ҷурми “ифротгароӣ” ба 10 соли зиндон маҳкум кард.

Акс аз “your.tj”

Агарчи чанд моҳи охир мақомоти Тоҷикистон даҳҳо нафар аз фаъолони ҷамъиятиву шахсиятҳои шинохтаро ба муддатҳои дароз равонаи зиндон кардааст, вале зиндонӣ шудани ин фермер ва соҳибкор бисёр нигаронкунанда аст.

Тавре қаблан расонаҳо

Акс аз “your.tj”

Тавре мо акнун медонем, орзуи ин соҳибкори минтақаи дурдасти кӯҳӣ дигар ҳеҷ гоҳ амалӣ нахоҳад шуд.

Бояд зикр кард, ки қаблан Қарори Ҳукумати Ҷумҳурии Тоҷикистон аз соли 2020 “Дар бораи Барномаи саноатикунонии босуръати Ҷумҳурии Тоҷикистон барои солҳои 2020-2025”  ба имзо расида буд. Илова бар он, моҳи январи соли 2022 шахсан бо фармони худи Эмомалӣ Раҳмон солҳои 2022-2026 “Солҳои рушди саноат” эълон шуда, онро ҳадафи чоруми стратегии миллӣ эълон кард.

Вале соли 2022, ки ин сол ҳам шомили қарори ҳукумат ва ҳам шомили фармони президент мешавад ва бояд дар ин сол саноат бештар дастгирӣ мешуд, яке аз соҳибкорони камшуморе, ки дар минтақаи кӯҳии дурдаст корхонаи саноатии истеҳсолиеро бо ташаббуси шахсии худ ба роҳ монда буд, бо иттиҳоми “ифротгароӣ” ба муддати даҳ сол ба зиндон равона шуд. Ҳоло ин соҳибкор 62 сол дорад ва ҳангоми аз зиндон баромадан 72-сола мешавад, баъид аст, ки кори худро давом дода тавонад.

Акнун ҳатто он 3 дарсад себе, ки Юноев коркард мекарду ба мардум пешниҳод мекард, пӯсида талаф хоҳанд шуд. Барои коркарди санҷиди худрӯй бошад, шояд дигар на танҳо дар миқёси ин вилоят, балки ҳатто дар қаламрави ҷумҳурӣ ҳам дигар мутахассисе набошад.

Ҷои тааҷуб нест, ки пас аз нашри хабарҳои саркӯби соҳибони корхонаҳои саноатӣ ва истеҳсолӣ, бо баҳонаҳои сохтаву бофта ба зиндон равона кардани онҳо, соҳибкорон бо сармояву амволи худ роҳи хориҷро пеш мегиранд. “Солҳои рушди босуръати саноат”, бешубҳа, иддаое беш нахоҳад буд, ки дар рӯи қоғаз боқӣ мемонаду бас.

Пойгоҳҳои низомии Русия дар Тоҷикистону Қирғизистон дар ҳоли омодабошанд

Аз ҷониби
AZDA TV
-
0

Вазири дифои Русия Сергей Шойгу мегӯяд, пойгоҳҳои низомии Русия дар Тоҷикистону Қирғизистонро дар ҳоли омодабоши ҷангӣ қарор додаанд.

Дар ин бора Сергей Шойгу рӯзи чоршанбе дар нишасти вазирони дифои кишварҳои узви Созмони ҳамкориҳои Шанхай (СҲШ) хабар дод.

Вай дар ин нишаст афзуд, ки дар пасманзари авзои ноамн дар Афғонистон, Русия омодагии ҷангии пойгоҳҳои худ дар Тоҷикистону Қирғизистон ва “нирӯҳои дигар барои вокуниш ба вазъҳои эҳтимолии буҳрониро” афзоиш медиҳад.

Шойгу ҳушдор дод, ки дар Афғонистон созмонҳои террористӣ, аз ҷумла ДИИШ ва “Ал-Қоида” фаъолтар мешаванд. Ва аз ин рӯ, вазъияти ин кишвар “ҳамчун як чолиши ҷиддӣ ва таҳдиди амниятӣ дар Осиёи Марказӣ боқӣ мемонад”.

Ба гуфтаи вазир, фаъол шудани созмонҳои террористӣ дар Афғонистон сабаб шуда, ки Русия пойгоҳҳои низоми худро дар Тоҷикистону Қирғизистон барои ҳолатҳои буҳронӣ дар ҳоли омодабошии ҷангӣ қарор додааст.

Пойгоҳи низомии Русия дар Тоҷикистон маъруф ба номи 201-ум дар шаҳри Душанбе ҷойгир аст. Теъдоди низомиёни рус дар ин пойгоҳ ҳудуди 7500 сарбоз гуфта мешавад. Ин пойгоҳи низомӣ тибқи шартномаи байни Русия ва Тоҷикистон то соли 2042 бидуни пардохти пули иҷора боқӣ хоҳад монд.

Ба солҳои тӯлонӣ маҳкум шудани наздикони Мамадбоқиров

Аз ҷониби
firuzihait
-
0

Додгоҳи Вилояти Мухтори Кӯҳистони Бадахшон чанд тан аз ёрони Мамадбоқир Мамадбоқиров, аз ҷумла хоҳарзодаашро ба солҳои тӯлонии зиндон маҳкум кардааст.

Ҷамшед Шаъбонов ва Ақназар Ақназаров (акс аз “Бомдод”)

Сорбон Юноев

Ба навиштаи Pamir Daily News Сорбон Юноеви 62-сола дар додгоҳ иттиҳоми ифротгароиро рад карда, дар сухани охиринаш гуфтааст: “Ман ба ҳарф ва амали худ меистам. Агар шумо қонунро эҳтиром намекунед, ақалан аз Худо битарсед”.

Пеш аз инҳо даҳҳо зоддаи дигари Бадахшон боздошт, қисме барои солҳои тулонӣ равонаи зиндон шуданду қисми дигар мунтазири ҳукми додгоҳанд.

Мақомоти Тоҷикистон то ҳол ин ҳукмҳои тӯлонии эълоншудаи додгоҳҳоро алайҳи зодагони Бадахшон расман шарҳ надодааст.

Рӯҳонӣ ба “сӯиистифода аз мақоми президентӣ” муттаҳам шуд

Аз ҷониби
amrullokhi
-
0

Ҳасан Рӯҳонӣ, собиқ президенти Ҷумҳурии исломии Эрон ба “сӯиистифода аз мақоми раисиҷумҳурӣ” муттаҳам шуд.

Акс аз манбаъҳои боз

Бино ба иттилои ББС, Алиакбар Ализода, узви порлумони Эрон ва узви ҳайати тафтишотии ширкати “Фулоди муборака”-и Исфаҳон, Ҳасани Рӯҳонӣ, собиқ раисҷумҳури Эронро ба “сӯистифода аз мақоми раисиҷумҳурӣ” ва эҷоди “монеа дар бархӯрд бо парвандаи хилофкорон”-и ширкати ширкати мазкур муттаҳам кард.

Ба қавли манбаъ, оқои Ализода гуфта, ки бо Иброҳим Раисӣ дар замони раёсаташ дар Қувваи қазоия парванда муттаҳамони ширкати “Фӯлоди муборака”-ро пайгирӣ мекарда, аммо ба гуфтаи ӯ, оқои Рӯҳонӣ “бо сӯиистифода аз ҷойгоҳи раёсати ҷумҳурӣ монеъ аз расидагӣ ба парвандаи ашхоси мутахаллиф дар ин парванда” шудааст.

Аз сӯи дигар хабаргузории расмии Эрон ИРНО ҳам бо нашри чанд матлабе кобинаи ҳукумати қаблии Эронро бо раҳбарии Ҳасани Рӯҳонӣ дар ин парванда муттаҳам карда, гуфтааст, ки ба ҷои интихоби кадрҳои мутахассис ба ворид кардани “муҳраҳои худ бар асоси тааҳҳуди ҳизбӣ, дӯстӣ ва хонаводагӣ” дар санъати бузург ва стратегӣ дахолат кардааст.

Аз сӯи дигар ҳар чанд афроди муттаҳам дар ин параванда ин иттиҳомоти воридшударо рад мекунанд, аммо муҳаққиқон ва тафтишгарони он таъкид мекунанд, ки ҳанӯз дар замони раҳбари Ҳасан Рӯҳонӣ 25 маврид ҷиноятҳоеро сабт карда буданд.

Гуфта мешавад, дар парвандаи “Фӯлоди муборака”-и Эрон то муовини якуми раиси ҷумҳурии пешини ин кишвар Ҳасан Рӯҳонӣ ҷалб шудааст ва гап дар бораи судҷӯйи 91 ҳазор миллиард тумони эронӣ (ҳудуди 3,5 миллиард доллари амрикоӣ) меравад, ки он дар ин шабу рӯз ба яке аз мавзуъҳои доғ ва доманадоре дар Эрон табдил ёфтааст.

Тибқи қонунгузории амалкунандаи Эрон ҳар ширкате ҳақ дорад бахше аз даромадҳои худро барои рушду равнақи шаҳр ва минтақаи худ ихтисос диҳад ва пулашро дар ихтиёри ширкатҳо ва сохторҳое қарор диҳад, то ба ин мақсад харҷ карда шаванд, аммо дар ин парванда гап сари он меравад, ки бахше аз даромадҳои ширкати “Фӯлоди муборака” ба ширкатҳо ва афроди наздик ба Ҳасани Рӯҳонӣ ихтисос дода шудаанд, иттиҳоме, ки онро рад мекунанд.

Сокинони аз 60-сола боло дар Тоҷикистон вояи чоруми воксинро мегиранд

Аз ҷониби
firuzihait
-
0

Марҳилаи чоруми ваксиназанӣ зидди COVID-19 дар Тоҷикистон аз 16-уми августи соли ҷорӣ оғоз шуда, то имрӯз 36 635 нафар кормандони соҳаи тиб вояи чоруми ваксинаи зидди коронавирусро гирифтаанд.

Бино ба иттилои Вазорати тандурустӣ ва ҳифзи иҷтимоии аҳолии Тоҷикистон баъд аз кормандони соҳаи тиб, шахсони аз 60-сола боло ваксина карда мешаванд.

Аз оғози ваксиназанӣ то имрӯз 5 миллиону 312 ҳазору 807 нафар (94,9%) вояи якум, 5 миллиону 221 ҳазору 534 нафар (93,3%) вояи дуюм ва 4 миллиону 927 хазору 758 нафар (88%) воями сеюми ваксинаро гирифтаанд.

Тибқи қарори Ситоди ҷумҳуриявӣ оид ба пешгирӣ ва мубориза бар зидди коронавирус, ваксиназанӣ зидди коронавирус барои шахсони аз 18-сола боло ҳатмӣ мебошад.

Дар чаҳорчӯби механизми ҷаҳонии COVAX ва кумакҳои башардӯстона, Тоҷикистон дар маҷмуъ ҳудуди 18,3 миллион воя воксинҳои зидди COVID-19, аз ҷумла навъҳои CoronaVac (Чин), AstraZeneca (Аврупо), Moderna, Pfizer (ИМА) ва Sputnik V (Русия)  дарёфт кардааст.

Тибқи оморҳои расмӣ, дар Тоҷикистон ба бемории COVID-19 17388 нафар гирифтор шуда, 124 нафар фавтидаанд ва боқимонда аз ин беморӣ шифо ёфтаанд. Бино ба иттилои сомонаи covid.tj баъд аз 17-уми марти соли 2022 дар Тоҷикистон касе ба ин беморӣ гирифтор нашудааст.

Коршиносони соҳа ба ин омори додаи мақомот бо шубҳа менигаранд.

Даъват: Муҳоҷирон дар Тоҷикистон сармоягузорӣ кунед

Аз ҷониби
amrullokhi
-
0

Сафорати Тоҷикистон дар Қазоқистон аз тоҷикистониҳои муқими Алмаато хостааст, ки дар рушди кишвар сармоягузорӣ кунанд.

Бино ба иттилои сомонаи Вазорати корҳои хориҷии Тоҷикистон 22-уми августи соли 2022 Равшан Бобохонзода, Консули генералии Ҷумҳурии Тоҷикистон дар шаҳри Алмаато бо фаъолони диаспора ва роҳбарони ҷамъиятҳои тоҷикони муқими шаҳри Алмаато мулоқот кардааст.

Ба қавли манбаъ, дар ин вохӯрӣ Равшан Бобохонзода аз муҳоҷирон ва “ҳамватанони бурунмарзӣ” хостааст, ки “барои рушди саноатикунонии кишвар, саҳмгузорӣ дар таъсиси корхонаҳои муштарак ва масъалаи ҷалби сармоя ба Ҷумҳурии Тоҷикистон” кумак кунанд.

Гуфта мешавад, ин даъват ва пешниҳоди мақомоти Тоҷикистон аз муҳоҷирон ва ҳамватанони бурунмарзӣ барои сармоягузорӣ дар кишвар ва ҷалби сармоя ба он дар ҳоле баргузор мешавад, ки аз ҳад зиёд рушд кардани фасоди идорӣ, ғасби моликият ва тиҷоратҳо тавассути афроди наздик ба оилаи ҳукмрон дар Тоҷикистон хеле аз тоҷирон ва сармоягузорони ватаниро маҷбур карда, ки моликияти худро ба берун кӯчонанд.

1...383384385...746саҳифаи 384 аз 746

Дар бораи мо

АЗДО ТВ бо ҳадафи рушди озодии баён, нашри арзишҳои демократӣ, риояи гуногунандешӣ ва додани минбари озод барои тамоми қишрҳои ҷомеа рӯйи кор омадааст. Тарҳ аз ҷониби Фонди (NED) сармоягузорӣ мешавад. Мо дар фаъолияти расонаии худ пойбанди меъёрҳои байналмилалӣ ва ахлоқи журналистӣ ҳастем. Бознашри матолиби АЗДО ТВ бо зикри манбаъ иҷозат дода мешавад. Шиори мо: Озодии расона зербинои ҷомеаи демократист!

Dushanbe
haze
13.1 ° C
13.1 °
13.1 °
82 %
6kmh
100 %
Wed
22 °
Thu
15 °
Fri
16 °
Sat
21 °
Sun
22 °

© 2023 АЗДО ТВ шабакаи хабаррасонӣ ва таҳлилӣ мебошад - Ҳамаи ҳуқуқ маҳфуз аст