Қазоқистон: 14 кушта дар Абай

Аз ҷониби

-

12/06/2023

Бар асари сухторе, ки масоҳати он ба даҳҳо гектар замини ҷангалзор паҳн шудааст, дасти кам 14 нафар кушта ва даҳҳо каси дигар захмӣ шудааст.

Бино ба иттилои расонаҳо, дар натиҷаи сӯхторе, ки дар вилояти Абайи Қазоқистон рух дод, то ҳол ҳудуди 60 ҳазор гектар замин ба коми оташ рафтааст.

Дар ин сухтор дасти кам 14 нафар аз кормандони сухторхомӯшкунӣ ҷони худро аз даст додаанд ва теъдиди дигаре ҳам аз шаҳрвандони ин кишвар осеб дидаанд.

Президенти Тоҷикистон Эмомалӣ Раҳмон бо ирсоли номаи фаврӣ ба ҳамтои қазоқаш, Қосим-Ҷомарт Тоқаев ба хотири ҷон бохтани чанде аз сӯхторхнишонон ҳангоми сӯхторнишонӣ изҳори ҳамдарӣ кардааст.

Гуфта мешавад, субҳи имрӯз, сарони Қирғизистону Туркманистон ва Вазорати корҳои хориҷии Эрон ҳам бо ирсоли номаҳо ба президент ва мардуми Қазоқистон изҳори ҳамдардӣ карданд.

Муҳаммадиқболи Садриддин ба Тоҷикистон истирдод мешавад?

Аз ҷониби

AZDA.TV

-

12/06/2023

0

Ҳукумати Тоҷикистон аз ҳукумати Фаронса талаб кардааст, ки Муҳаммадиқболи Садриддин, яке аз мухолифини ашаддии Эмомалӣ Раҳмонро ба Тоҷикистон истирдод кунад.

Муҳаммадиқболи Садриддин, раиси пойгоҳи “Ислоҳ.нет” 12-уми июни соли ҷорӣ дар суҳбат ба Azda tv гуфт, ки мақомоти Додситонии Тоҷикистон ӯро ба қаллобӣ муттаҳам карда, аз мақомоти Фаронса истирдоди ӯро талаб кардаанд.

“Ин қазияи аз соли 2020 маншаъ мегирад. Ва раду бадалҳо ва ирсоли номаҳо ба давлате, ки мо қарор даорем ҳамеша вуҷуд дошт. Ва лобигариҳое низ анҷом гирифта истодааст, то ин ки бо ҳар шаклу услубе, ки бошад ва барои инҳо дуруст мегирад, ҳамонро омода доранд, то ин ки моро бо ҳамон иттиҳом истирдод намоянд.“, мегӯяд раҳбари сомонаи “”Ислоҳ.нет”.

Ӯ дар идмоаи суҳбаташ афзуд, ки Юсуф Раҳмон, Додситони кулли Тоҷикистон ба Эмомалӣ Раҳмон, ки бо ӯ хеш аст, ваъда додааст, ки “ман Муҳаммадиқболро бо Муҳиддин Кабирӣ” аз Аврупо бармегардонам.

Ин мухолифи Раҳмон мегӯяд, ин иқдомҳо ва давутозҳои мақомти тоҷик ва хостани истирдоди ӯ ба Тоҷикистон “як хобу хаёле ҳастанд, ки инҳо ҳамеша дар садади ин кор ҳастанд.”

Муҳаммадиқболи Садриддин мегӯяд, ҳукумати Тоҷикистон ҳатто барои нобуд кардани ӯ аз қотилон низ истифода карданд, вале муваффақ нашуданд. Ва инчунин дигар иттиҳомоташон дар мавриди террористу экстремист ба дард намехӯрад ва инак иттиҳоми наверо таҳти пӯшиши “қаллобӣ” рӯи даст гирифтаанд ва мехоҳанд бо ин роҳ ба хостаи худ бирасанд.

Масъули пойгоҳи “Ислоҳ.нет” афзуд, ки мақомоти тоҷик барои хомӯш кардани садои мухолифонаш, тамоми равшанфикрон ва фаъолони ҷомеаи тоҷик, аз ҷумла Зайд Саид, Иззат Амон ва дигаронро бо иттиҳоми қаллобӣ ва моддаи 307 (ифротгароӣ ва террористӣ) зиндонӣ кардаанд, то ин ки касе аз “ҷиноятҳои ин режим” ҳарф назанад.

Ӯ гуфт, орзуям ин аст, ки агар ман истирдод шавам, охирин нафаре бошам, ки аз ҷониби ҳукумати Тоҷикистон зиндонӣ ё кушта мешавад. Ва дигар ҳеч нафар аз миллати ман на истирдод ва на зиндонӣ ва кушта шавад.

Гуфта мешавад, мақомоти Тоҷикистон борҳо аз мақомоти кишварҳои аврупоӣ, ки аксар мухолифони тоҷик дар он кишварҳо паноҳанда шудаанд, бо иттиҳомоти ифротгароӣ хостори боздошту истирдоди мухолифинаш шудааст. Вале дар ҳолатҳои бисёр кам истирдоди бархе нафарон аз ин кишварҳо ба Тоҷикистон сурат гирифтааст.

Таҷовузи ду ноболиғ дар Ишкошим

Аз ҷониби

AZDA-TV

-

12/06/2023

0

Дар ноҳияи Ишкошими Вилояти Мӯхтори Куҳистони Бадахшон ду духтари ноболиғ таҷовуз шудаанд. Дар ин бора фаъоли шабакаҳои иҷтимоӣ ва устоди донишгоҳи “Сукуба”-и Япония Ғуломалиев Ширалӣ дар саҳфаи фейсбукиаш хабар додааст.

Гуфта мешавад, духтарҳо талабаи синфи 5 ва 8 буда, ҷиноятро як ронандаи автомошини “Камаз”, сокини шаҳри Ваҳдат содир кардааст.

Дар вокуниш ба ин хабар Саъдоншоҳ Улфатӣ, сармуҳаррири рӯзномаи “Зиндагӣ” раддия навишта гуфта, ки ин ҳодиса “ҳақиқати воқеӣ надорад”.

Саъдоншоҳ Улфатӣ менависад, ки аз замони воқеа “бо модари ҳарду духтар ва роҳбарони мақомоти ҳифзи ҳуқуқи ноҳия, кормандони ҳифзи сиҳати омма ва роҳбарияти Мақомоти Иҷрояи Ҳокимияти давлатии ноҳияи Ишкошим” қазияро пайгирӣ намудааст.

Ба иддаои сармуҳаррири рӯзномаи “Зиндагӣ” бо вуҷуди оне ки духтарони ноболиғ ба деҳаи худ не, балки ба деҳаи дигар рафтаанд, “аммо факти таҷовуз ба номуси духтаронро на маркази ташхиси Бемористони вилоятӣ дар шаҳри Хоруғ ва на мақомоти ҳифзи ҳуқуқ исбот накарданд”.

Ғуломалиев Ширалӣ ба Саъдоншоҳ Улфатӣ суол додааст, ки “Чаро кӯдакон дар деҳаи худ неву қариб 70 км боло рафтаанд? Аз Авҷ то Яхшвол 5 км (агар иштибоҳ накунам) маркази Ишкошим 20км, Яхшвол байни Авҷу марказ аст, аз Авҷ то Шитхарв тақрибан 70-75 км. Пас чаро он камазист онҳоро дар деҳаашон нафароварда боло бурдаст ва он ҳам шабист!? Ва чаро ҳангоми бозгашт, ба деҳаашон неву 15 км боло фаровардаст?”.

Дар идома ин фаъол мепурсад, ки “Онҳоро соати чанд ва кадом рӯз дар мошин шинондаанд ва соати чанд, кадом рӯз онҳоро дар деҳаи Рэн фаровардааст? Агар таҷовуз ҳам сурат нагирифта бошад, кӯдаки ноболиғро бе иҷозаи падару модар ба ягонҷо бурдан одамрабоӣ нест? Магар қонун инро иҷоза медиҳад?”

Саъдоншоҳ Улфатӣ дар посух ба ин суолҳо мегӯяд, ки “мақомоти ҳифзи ҳуқуқ тафтишотро идома медиҳанд ва дар асоси пешниҳоди ман ба Суд ман барои тадқиқоти пурраи воқеа ба ҳайси журналисӣ дохил мегардам. Он чиро, ки шумо нафуромадани духтарон на дар деҳаашон мепурсед, ҷавоби онро на ман, балки мақомоти тафтишотӣ ва баъди баромадани ҳукми суд муайян мегардад”.

Хабари таҷовузи ду духтари ноболиғ дар ноҳияи Ишкошим дар шабакаҳои иҷтимоӣ сару садоҳое зиёдеро ба бор оварда, корбаронро ба ду гурӯҳ тақсим кардааст.

Мақомоти Тоҷикистон то ҳол ин ҳодисара шарҳ надодааст.

Хонандагони гиромии Azda.tv, мо ин хабарро таҳқиқ дорем. Azda.tv барои такмили хабар аз сокинони ноҳияи Ишкошим даъват мекунд, агар маълумоте дошта бошед, метавонед ба рақами +48 571 60 8008 дар ватсап ва телеграмма онро ба мо фиристед!

Баррасии ҳамкориҳои Тоҷикистон ва Бонки Осиёии руш

Аз ҷониби

AZDA TV-2

-

12/06/2023

0

Сарони Тоҷикистон ва Бонки Осиёии рушд пас аз баррасии равобит ва масоили муштарак дар бораи ҳамкориҳои ояндаи дуҷониб дар шаҳри Душанбе гуфтугӯ карданд.

Бино ба иттилои расмӣ, 12-уми июни соли 2023 Президенти Бонки Осиёии рушд ҷаноби Масатсугу Асакава бо Раисҷумҳури Тоҷикистон Эмомалӣ Раҳмон дидор кард.

Гуфта мешавад, Масатсугу Асакава дар рафти нишаст аз имкониятҳои Тоҷикистон “дар истеҳсолу содироти энергияи тозаю барқароршаванда” ва рушди “иқтисоди сабз” ёдовар шуда, “ҷонибдории Бонки Осиёии рушдро роҷеъ ба дастгирии саҳми Тоҷикистон дар рӯзномаи глобалии тағйирёбии иқлим тасдиқ намудааст.”

Ба қавли манбаъ, дар рафти ин “мулоқот вобаста ба масъалаи ҳамкории ҷонибҳо ҷиҳати идомаи татбиқи ислоҳот ва дигаргунсозии иқтисодӣ табодули андеша сурат гирифт. Инчунин рушди соҳаи энергетика ва масъалаҳои тағйирёбии иқлим аз ҷумлаи самтҳои мубрами ҳамкории Тоҷикистону Бонки Осиёии рушд арзёбӣ гардиданд.“

Гуфта мешавад, аз ҷониби Бонки Осиёии рушд давоми 25 сол дар 180 лоиҳа дар соҳаҳои мухталифи Тоҷикистон ба маблағи зиёда аз 2,5 миллиард доллари америкоӣ маблағгузорӣ шудааст.

Оғози сафари ҳоҷиён ба Арабистон

Аз ҷониби

AZDA TV-2

-

12/06/2023

0

Имсол сафари зоирони тоҷикистонӣ ба Арабистони Саудӣ барои анҷоми маросими ҳаҷҷи фарзӣ аз сокинони пойтахт оғоз шуд.

Бино ба иттилои Кумитаи дин, танзими анъана ва ҷашну маросими Тоҷикистон 10-уми июни соли 2023 нахустин гурӯҳи зоирон аз шаҳри Душанбе ба Арабистони Саудӣ сафар кард.

Ба қавли манбаъ, дар ин гурӯҳ “165 сокини шаҳри Душанбе шомил буданд, ки аз тариқи ширкати ватании “Сомон-Эйр” ба шаҳри Ҷидда парвоз анҷом доданд.”

Тибқи иттилои дарёфтӣ, зоирони тоҷикистонӣ, ки дар рӯзҳои оғозини ин мавсим ба зиёрати Хонаи Худо мераванд, нахуст ба шаҳри Мадинаи Мунаввара рафта ба ҳудуди 10 шабонарӯз дар он ҷо мемонанд ва баъд аз анҷоми маносики ҳаҷҷи фарзӣ аввалин шуда ба Ватан бар мегарданд. Ва аммо онҳое, ки дар рӯзҳои баъдӣ сафар мекунанд, мустақим ба Маккаи Мукаррама рафта баъд аз анҷоми маносики ҳаҷҷи фарзӣ ба Мадинаи Мунаввара ба зиёрати масҷиди Набавӣ сафар мекунанд.

Гуфта мешавад, Ҳаҷ яке аз рукнҳои панҷгонаи ислом аст, ки анҷом додани он барои ҳар фарди мусалмони бабалоғатрасида, ки тавоноии рафтанро дорад, як бор дар умр фарз мебошад. Дар ҳоли ҳозир чун талабот зиёд аст, Арабистони Саудӣ барои осон шудани пазироӣ ва хидматрасонӣ ба меҳмонони Хона Худо барои ҳама кишварҳо ба ҳисоби миёна барои ҳар 1 миллион нафар аҳолӣ наздик ба як ҳазор квота ҷудо мекунад.

Тибқи маълумоти бархе шахсони огоҳ, агарчи квотаҳои ҳаҷҷи фарзӣ роигон аст, вале дар Кумитаи дина ва Вазорати хориҷаи Тоҷикистон баъзе масъулон квотаҳоро алоҳида ба мардум бо нархи гарон мефурӯшанд ва аз ин тариқ маблағи муфт дарёфт мекунанд.

Латтукӯби як зан аз ҷониби раиси хоҷагии деҳқонӣ

Аз ҷониби

AZDA.TV

-

12/06/2023

0

Наворе дар шабакаҳои иҷтимоӣ нашр шудааст, ки вокуниши зиёди корбаронро ба бор овардааст. Дар он дида мешавад, як мард бо як зан дастбагиребон шуда, ӯро латтукӯб мекунад.

Ба иттилои корбарон, ин мард як заминдор ё раиси хоҷагии деҳқоние дар ноҳияи Фархори вилояти Хатлон буда, ба сабаби он ки гови он зан ба киштзори пахтаи ӯ ворид шудааст, бо зан дармеафтад ва ӯро чанд мушту лагад мезанад.

Маълум нест, ин навор кай сабт шуда ва ин ҳодиса дар кадом деҳаи ноҳияи Фархор рух додааст.

Аммо корбарон дар зери ин навор вокунишҳои гуногун доштаанд. Бархе мардро гунаҳкор дониста, аз мақомоти ҳифзи ҳуқуқи Вазорати корҳои дохила дар ноҳияи Фархор дархости боздошт ва муҷозоти ӯро талаб мекунанд. Вале бархе дигар, худи занро гунаҳкор ҳисобида, мегӯянд, ӯ бадрафтор аст ва бояд говашро нигоҳ мекард, то ба замини дигарон ворид нашавад.

То ҳол шуъбаи ВКД дар ноҳия Фархор ба вокуниши корбарон посухе надодааст.

Ба гуфтаи бархе сокинони деҳот, чунин ҳодисаҳо дар ноҳияҳои ҷумҳурӣ, ки ба кишти пахта ва ё дигар маҳсулоти деҳқонӣ машғуланд, бисёр рух медиҳад. Ба гуфтаи як сокини ноҳияи Фархор, “баъзан мешавад, соҳиби гову гӯсфанд айбдор аст, чун ба сабаби бетаваҷҷуҳӣ ба ҳайвонот ҳангоми чаро, онҳо вориди зироати мардум шуда, заҳматҳои чандмоҳаи як деҳқонро хароб мекунанд. Ва баъзан соҳиби замин низ бадрафторӣ нишон дода, ба андак айбе ҷанҷоли калоне барпо мекунад.”

Ӯ мегӯяд, одатан ба чунин ҳодисаҳо мақомоти интизомӣ дар ноҳияҳо камтар дахолат мекунанд.

Вокуниши вакили рус ба вокуниши мақомдорони тоҷик

Аз ҷониби

AZDA-TV

-

09/06/2023

0

Александр Бородай, вакили парлумони Русия дар вокуниш ба намояндаи Вазорати корҳои хориҷии Тоҷикистон гуфт, ки “масъалаи муҳоҷирон дар Русия кори дохилии кишвар аст ва метавонанд бо онҳо мувофиқи хости худ кор кунанд”.

Пештар аз ин Шоҳин Самадӣ, раиси департаменти иттилотии Вазорати корҳои хориҷии Тоҷикистон гуфта буд, ки Душанбе дар робита ба боздошти шаҳрвандони Тоҷикистон дар Федератсияи Русия изҳори нигаронӣ кардааст.

Ба иддаои Бородай, Русия ҳақ дорад дар баробари ҷараёни бепоёни муҳоҷирон аз қаламрави кишвараш ва шеваи зиндагии худ муҳофизат кунад.

“Ин ки кадом як дипломати тоҷик дар ин маврид изҳори назари манфӣ мекунад, росташро бигӯям, туф кардаем. Ин кори мост, на ӯ”- қайд кард вакали парлумон.

Гуфта мешавад, тайи як моҳи ахир боздошту латтукӯб ва ба маконҳои номаълум бурдани муҳоҷирони тоҷик аз ҷониби нерӯҳои амниятӣ ва интизомии Русия шиддат гирифтааст.

Ҳамарӯза навору сабтҳои садоии зиёде дар шабакаҳои иҷтимоӣ нашр мешаванд, ки дар онҳо бадрафтории кормандонии амниятии Русия нисбати тоҷикон инъикос ёфтааст.

Дар пасманзари ин ҳаракатҳои ғайриқонунии мақомоти Русия мақомоти тоҷик, аз ҷумла вазирони дохила ва хориҷа, Омбудсмен ва Додситони кулли Тоҷикистон ба ҳамтоёни худ номаҳо ирсол намуда, хостори таҳқиқи қазия боздоштҳо шуданд, аммо то рафт ин бархӯрди хашини мақомоти Русия дар баробари муҳоҷирони тоҷик бештар шуд.

Инчунин вазири корҳои хориҷаи Русия Сергей Лавров рӯзҳои 5-6 уми июн бо як сафари корӣ дар Тоҷикистон буд ва Сироҷиддин Муҳриддин аз ҳамтояш хост, ки “ҳуқуқу озодиҳои заминавии шаҳрвандони тоҷикистонии муқими Русия бояд риоя гарданд”.

Аммо баъд аз ин дархост ба гуфтаи муҳоҷирон доманаи ин боздошту бозпурсиҳо дар шаҳру ноҳияҳои Русия паҳнтар шуд.

Бархе коршиносон ҳадс мезананд, ки ин ҳама фишор болои муҳоҷирон ба хотири маҷбур сохтани Тоҷикистон барои пайвастан ба Иттиҳоди иқтисодии АвруОсиё аст.

Баргузории ҳамоишҳои эътирозӣ дар Олмон

Аз ҷониби

AZDA TV-2

-

09/06/2023

0

Ҷамъе аз фаъолони олмонӣ ва тоҷикистонӣ тасмим гирифтаанд, ки ҳафтаи оянда се ҳамоиши эътирозӣ дар Берлин – пойтахти Олмон баргузор кунаад.

Бино ба иттилои Фарҳод Одинаев, фаъоли тоҷики муқими Олмон, рӯзҳои 16 ва 17-уми июни соли 2023 ҷамъе аз фаолони олмонӣ ва тоҷикистонӣ тасмим гирифтаанд, ки ба хотири ҳимояти Абдуллоҳи Шамсиддин ва озод кардану баргардондани ӯ ба Олмон ҳамоишҳои эътирозӣ баргузор мекунанд.

Ба қавли манбаъ, дар назар аст, ин ҳамоишҳо дар назди Сафорати Ҷумҳурии Тоҷикистон дар Берлин ва дар назди Вазорати корҳои хориҷӣ дар майдони марказии Берлин маъруф ба “Bramderburger Tor” гузаронида мешаванд.

Замон: 16.06.2023 соати 10:30 дар назди Сафорати Ҷумҳурии Тоҷикистон дар Олмон, нишонӣ:

кӯчаи Perleberger Str. 43, 10559 Berlin;

16.06.2023 соати 13:00 дар назди Вазорати корҳои хориҷӣ, (Das Auswärtiges Amt )
Нишонӣ: Werderscher Markt 1, 10117 Berlin;

17.06.2023 Brandenburger Tor соати 13:00
Нишонӣ: Pariser Platz, 10117 Berlin.

Гуфта мешавад, мақомоти Олмон Абдуллоҳи Шамсиддинро 18-уми январи соли ҷорӣ тавассути Туркия ба Тоҷикистон ихроҷ карданд. Ин паноҳҷӯи тоҷикро мақомоти тоҷик билофосила дар Фурӯдгоҳи Душанбе боздошт ва сипас бо ҳукми додгоҳ ба муҳлати 7 сол равонаи зиндон карданд.

Пеш аз ин ҳам фаъолони олмонӣ ҳамроҳ бо фаъолони тоҷикистонӣ барои ҳимоят аз ҳуқуқҳои Абдуллоҳи Шамсиддин чанд маротиба ҳамоишҳои эътирозӣ баргузор карданд. Ташаббускорони мегӯянд, иштирок кардан дар ин ҳамоишҳои эътирозӣ озод буда, касоне, ки мехоҳанд, будуни ҳеч маҳдудияте метавонанд иштирок кунанд.

Мишустин аз густариши ҳамкориҳои Русия бо Тоҷикистон гуфт

Аз ҷониби

AZDA-TV

-

09/06/2023

0

Михаил Мишустин, сарвазири Русия дар суҳбат бо ҳамтои тоҷикаш Қоҳир Расулзода аз густариши равобити тиҷоративу иқтисодӣ ва ҳифзи ҳамкориҳо дуҷониба дар баробари таҳримҳои Ғарб гуфт.

Мишустин таҳримҳои Ғарбро ғайриқонунӣ номида мегӯяд, ки “Мо тавассути ҳукумат иҷрои тавофуқоти раҳбаронамонро таъмин мекунем“.

Дар идома сарвазири Русия кишварашро шарики асосии тиҷорати хориҷии Тоҷикистон номида гуфт, ки дар соли 2022 тиҷорати дуҷониба 18% афзоиш ёфта, қариб ба 105 миллиард рубл расидааст.

Ба иддаои ӯ, ҳаҷми сармоягузории Русия ба иқтисоди Тоҷикистон афзоиш ёфта, ширкатҳои русӣ дар бахшҳои энержӣ, иқтисоди рақамӣ, тандурустӣ, сайёҳӣ ва дигар соҳаҳои саноат фаъолона кор мекунанд.

Ёдовар мешавем, ки рӯзҳои 7-8-уми июни соли ҷорӣ дар шаҳри Сочии Русия ҷаласаи Шӯрои байниҳукуматии Иттиҳоди иқтисодии АвруОсиё (ИИАО) баргузор гардид.

Сарвазири Тоҷикистон Қоҳир Расулзода, ки ба ин нишаст ба ҳайси меҳмон даъват шуда буд, суханронӣ кард. Ӯ гуфт, ки Тоҷикистон ҷонибдори афзоиши ҳаҷми гардиши моли хориҷӣ бо ҳамаи кишварҳои ИИАО, яъне Русия, Беларус, Арманистон, Қазоқистон ва Қирғизистон аст.

Михаил Мишустин дар ҳоле аз густариши равобити тиҷоративу иқтисодии Русия бо Тоҷикистон гуфт, ки кишварҳои ғарбӣ нисбати Русия барои ҳамлааш ба Украина таҳримҳо ҷорӣ кардаанд ва Иттиҳоди Аврупо аз эҳтимоли кумак кардани баъзе аз кишварҳои Осиёи Марказӣ ба Русия барои дур задани таҳримҳои Ғарб дар ташвишанд.

Трамп расман ба даст доштан дар ҷинояти нав муттаҳам шуд

Аз ҷониби

AZDA.TV

-

09/06/2023

0

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Қарор аст, собиқ раисҷумҳури ин кишвар рӯзи сешанбеи оянда барои тафҳими иттиҳом ба додгоҳе дар шаҳри Майамии штати Флоридаи Амрико ҳозир шавад.

Доналд Трамп ба расонаҳо муттаҳам шуданашро тасдиқ карда, гуфтааст: “Ҳукумати фосиди Байден ба вакилони дифои ман хабар дода, ки дар иртибот бо сандуқҳои асноди маҳрамона расман муттаҳам шудаам.“

Дар давоми чанд моҳи ахир ин бори дувум аст, ки Трамп аз ҷониби Додгоҳи Майами муттаҳам мешавад. Бори аввал ӯ ба хотири пардохти ришва ба як зани бозигари филмҳои порнографӣ барои хомӯш мондан, ба додгоҳ эҳзор шуд. Вале худи ӯ иттиҳомоти мавҷударо рад кард.

Ин парвандаи нав алайҳи Трамп дар ҳоле ташкил мешавад, ки як сол пеш маъмурони интизомии Амрико пас аз бозҷӯии иқоматгоҳи ӯ дар Флорида 13 ҳазор санади давлатӣ пайдо карданд, ки дар байни онҳо 100 санад маҳрамона будааст.

ШАБАКАИ ХАБАРРАСОНӢ ВА ТАҲЛИЛӢ

Қазоқистон: 14 кушта дар Абай

Муҳаммадиқболи Садриддин ба Тоҷикистон истирдод мешавад?

Таҷовузи ду ноболиғ дар Ишкошим

Баррасии ҳамкориҳои Тоҷикистон ва Бонки Осиёии руш

Оғози сафари ҳоҷиён ба Арабистон

Латтукӯби як зан аз ҷониби раиси хоҷагии деҳқонӣ

Вокуниши вакили рус ба вокуниши мақомдорони тоҷик

Баргузории ҳамоишҳои эътирозӣ дар Олмон

Мишустин аз густариши ҳамкориҳои Русия бо Тоҷикистон гуфт

Трамп расман ба даст доштан дар ҷинояти нав муттаҳам шуд

Дар бораи мо

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

Дар бораи мо