Ҷустуҷӯ кунед
Ҷустуҷӯ
4.9 C
Dushanbe
Хона блог саҳифа 22

Боздошти як корманди баландпояи Додгоҳи вилояти Суғд

Аз ҷониби
AZDA.TV
-
0

Маъмурони Агентии назорати давлатии молиявӣ ва мубориза бо коррупсияи Тоҷикистон мушовири Додгоҳи вилояти Суғдро бо иттиҳоми қаллобӣ боздошт карданд.

Ин ниҳод аз боздоштшуда Абдухолиқзода А.А. ном мебарад. Гуфта мешавад, ӯ аз 7-уми ноябри соли 2017 то моҳи майи соли 2024 дар вазифаи мутахассис – мушовири Додгоҳи вилояти Суғд кор кардааст.

Агентии зидди фасоди Тоҷикистон мегӯяд, номбурда дар муддати фаъолияти кориаш ба чанд амалҳои ҷиноӣ даст задааст ва ӯ ҳоло бо ҷурми мардумфиребӣ ва пулситонӣ аз мардум боздошт гардидааст. 

“Чунончӣ, моҳи апрели соли 2024 Абдухолиқзода А.А. қасдан ва бо мақсади ба даст овардани фоидаи муфт бо роҳи фиреб ба боварии шаҳрванд Б.А.Қ. даромада, дидаву дониста аз он, ки ваколати бекор кардани қарорҳои раиси шаҳри Истаравшан ва ба ҳолати аввала бар гардонидани қитъаҳои замини хоҷагии деҳқонии шаҳрванд Б.А.Қ.-ро надорад, аз номбурда худи ҳамон вақт дар ҳудуди шаҳри Хуҷанд маблағи 20000 сомонӣ талаб карда гирифт.“, омадааст дар хабарномаи Агентии зидди фасод.

Ҳамчунин қайд мешавад, ки Абдухолиқзода А.А. баъди гирифтани 20 ҳазор сомонӣ коре, ки бояд ба фоидаи Б.А.Қ. анҷом медод, анҷом надода ва маблағро ба фоидаи шахсияш сарф кардааст.

Агентии зидди фасоди Тоҷикистон нисбати Абдухолиқзода бо моддаи 247 қисми 2 бандҳои “в, г” КҶ Ҷумҳурии Тоҷикистон парвандаи ҷиноятӣ боз кард ва аллакай таҳқиқи парванда ба поён расида, барои гунаҳкор донистаи ӯ ба додгоҳ фиристода шудааст. 

Ифтитоҳи Маркази шуғли фосилавӣ дар Бадахшон

Аз ҷониби
AZDA TV-2
-
0

Бино ба иттилои расмӣ, 8-уми окятбри соли ҷорӣ Иттиҳоди Аврупо ва ЮНИСЕФ дар ноҳияи Шуғнони Вилояти Мухтори Кӯҳистони Бадахшон (ВМКБ) Маркази шуғли фосилавиеро мавриди баҳрабардорӣ қарор доданд.

Ба қавли манбаъ, ҳадаф аз ифтитоҳи ин марказ таҳкими малакаҳои рақамӣ ва фароҳам овардани имкониятҳои кор аз роҳи дур барои ҷавонони маҳаллӣ мебошад.

Гуфта мешавад, ба воситаи пайвастан ба бозорҳои кори байналмилалӣ, ҷавонон метавонанд малакаҳои арзишманд ба даст оранд ва фоидаҳоро ба ҷомеаҳои худ баргардонанд. Ин ташаббус як қадами муҳим барои омодагӣ ба иқтисоди рақамӣ дар минтақа ва дар умум кишвар ба ҳисоб меравад.

Пеш аз ин ба монанд марказҳои шуғли фосилавӣ инчунин дар шаҳрҳои Душанбе, Хоруғ, Панҷакент ва Бохтар низ бо ташаббуси Иттиҳоди Аврупо сохта, мавриди амал қарор дода шуда буданд.

Маркази нави шуғли фосилавӣ, ки аз ҷониби Иттиҳоди Аврупо ва ЮНИСЕФ дастгирӣ меёбад, барои ҷавонони Шуғнон имконият фароҳам меорад, ки бо бозорҳои байналмилалии кор пайваст шаванд ва малакаҳои касбии худро дар сатҳи ҷаҳонӣ истифода баранд.

Мусодираи хонаи падари Баҳром Иноятзода

Аз ҷониби
AZDA-TV
-
0
CREATOR: gd-jpeg v1.0 (using IJG JPEG v62), quality = 85

Мақомоти Тоҷикистон мехоҳанд, хонаи падарии раиси собиқи Кӯлоб Баҳром Иноятзодаро, ки ҳоло дар зиндон қарор дорад, мусодира кунанд.

Гуфта мешавад, дар ин хона ҳоло Ором Иззатов, бародари Баҳром Иноятзода бо панҷ фарзанду наберааш зиндагӣ дорад.

Иззатов дар суҳбат бо Радиои Озодӣ гуфтааст, ки мақомоти маҳаллӣ ба ӯ ва хонаводааш фишор оварда истодаанд, то хонаи падарашонро тарк кунанд.

Ин хона бо қарори додгоҳ дар соли 2020, яъне пас аз зиндонӣ шудани Баҳром Иноятзода ба ихтиёри давлат гузашта будааст, аммо мақомот пас аз 4 сол мехоҳанд ин хонаро мусодира кунанд.

Мақомот иддао дорад ин хона бо пули дуздидашуда аз ҷониби раиси собиқи Кӯлоб сохта шудааст, аммо Ором Иззатов инро рад мекунад.

Ба гуфтаи Ором бародараш Баҳром Иноятзода аз соли 1978 дар ин хона зиндагӣ намекард ва дар ягон санади марбут ба ин хона зикр нашудааст. Падарашон ин хонаро ба Ором Иззатов васият карда будааст ва ӯ бист сол дар Русия зиндагӣ карда, онро барқарор кардааст.

Дар ҳоли ҳозир назари мақомоти Тоҷикистон дар ин бора дастрас нест.

Ёдовар мешавем, ки Додгоҳи вилояти Хатлон Баҳром Иноятзодаро рӯзи 20-уми ноябри соли 2019 бо иттиҳоми суистифода аз ваколатҳои мансабӣ, гирифтани пора, аз худ кардани молу мулки ба зимааш гузошташуда ва ғайриқонунӣ додани қитъаи замин айбдор намуда, ба 12 соли зиндон маҳкум карда буд.

Иноятзода баъд аз эълони ҳукмаш дар додгоҳ гуфта буд, ки “дар Тоҷикистон адолат нест, барои сохтани биноҳои Ҳукумат 12 сол додаанд, агар хонаамро обод мекардам, як гапи дигар буд”.

Гуфта мешавад, боздошти Иноятзода баъд аз интиқод аз қудои Президенти Тоҷикистон Бег Сабур сурат гирифт. Ӯ зимни нишасти матбуотие Бег Сабур раиси Хадамоти алоқаи Ҷумҳури Тоҷикистон ва қудои Эмомалӣ Раҳмонро ба хотири пардохт накрадани қарзҳояш дар назди андоз ва обу барқ ба “Хоҷа Аҳрори Валӣ” ташбеҳ карда буд.

БОР ба Тоҷикистон $15 миллион кумак мекунад

Аз ҷониби
AZDA TV-2
-
0

Бонки Осиёии Рушд (БОР) маблағгузории иловагии грантии $15 миллионро барои Тоҷикистон тасдиқ кард.

Бино ба иттилои расмӣ, имрӯз, 8-уми октябри соли 2024 Бонки Осиёии Рушд кумаки 15 миллони долларии худро ба Тоҷикистон тасдиқ кард, то лоиҳаи ҷории барқарорсозии системаи барқии худро ба Системаи барқии Осиёи Марказӣ (СБОМ) тавассути пайвастшавӣ бо Узбекистон густариш диҳад.

Ин маблағгузории иловагӣ сохтмони хати нави интиқоли 500-киловолтаи 22 километриро дар шимоли Тоҷикистон байни зеристгоҳи Суғд ва зеристгоҳи нави Сирдарё дар Узбекистон дар бар мегирад. Ин иқдом барои васеъ кардани иқтидори интиқол барои содирот ва воридоти нерӯи барқ байни кишварҳои СБОМ, ки ба онҳо Қазоқистон, Ҷумҳурии Қирғизистон, Тоҷикистон ва Узбекистон дохил мешаванд, инчунин барои тақвият додани инфрасохтор ҷиҳати пешгирӣ аз қатъи нерӯи барқ мусоидат хоҳад кард.

Лоиҳа инчунин ба таъмини омодагии системаи барқии Тоҷикистон барои фароҳам овардани иқтидори танзимкунанда барои ҳамгироии ҳамвории энергияи барқароршаванда дар минтақа мусоидат хоҳад кард. Дар оянда он як ҷузъи калидии нақшаи интиқоли нерӯи барқи НБО Роғун дар Тоҷикистон хоҳад шуд.

Ба гуфтаи директори генералии АБР барои Осиёи Марказӣ ва Ғарбӣ Евгений Жуков: “Тавассути Барномаи ҳамкории иқтисодии минтақавии Осиёи Марказӣ (CAREC), БОР фаъолона савдои нерӯи барқро дар миёни кишварҳои Осиёи Марказӣ ва берун аз он дастгирӣ мекунад. Дастгирии мо устувории системаи минтақавии барқро беҳтар мекунад ва ба кам кардани ихроҷи газҳои гулхонаӣ дар минтақа мусоидат менамояд.”

Гуфта мешавад, Тоҷикистон соли 1998 ба БОР пайваст. Дар тӯли 26 сол, БОР ба Тоҷикистон дар соҳаҳои гуногуни зиёда аз $2,7 миллиард, аз ҷумла зиёда аз $2,1 миллиард дар шакли грант, кумак кардааст.

Ин кумаку ғамхориҳои БОР ба Ҳукумати Тоҷикистон дар ҳоле амалӣ мешаванд, ки тайи беш аз 25 сол ҳамасола ҳукумат дар фаслҳои тирамоҳу зимистон сокинони кишварро ба нерӯи барқ таъмин намекунад. Ҳукумати тамоми фаслҳои сол ба кишварҳои ҳамсоя, аз ҷумла Узбекистону Қирғизистон ва Афғонистон беист нерӯи барқ мефурӯшад, вале дар таъмини нерӯи барқ барои сокинони кишвар маҳдудиятҳои нав ба нав ҷорӣ мекунад.

Ҳукумати Тоҷикистон дар тӯли беш аз 33 соли ахир чандин миллиард доллар аз давлатҳо ва созмонҳои мухталифи ҷаҳонӣ ва минтақавӣ дарёфт кардааст, ки бо таваҷҷуҳ ба афзоиши фасоди идорӣ ва молие, ки дар байни мақомдорон ва кормандони давлатӣ густариш ёфтааст, дардсади зиёде аз ин кумакҳо дар ҷойҳои худ сарфу харҷ намешаванд. Ба ҳамин хотир ҳанӯз Тоҷикистон наметавонад, ки аз буҳронҳои иқтисодӣ ва камбуди нерӯи барқ халос шавад.

ИМА 4 зодаи Тоҷикистонро ихроҷ мекунад

Аз ҷониби
AZDA TV-2
-
0

Шаҳрвандони Тоҷикистоне, ки бо ҷурми иртибот ба гурӯҳи террористии ДИИШ муттаҳам шуданд, аз ИМА ихроҷ карда мешаванд.

Бино ба иттилои расонаҳои ғарбӣ, Департаменти амнияти дохилии Иёлоти Муттаҳида эълон кард, ки ҳашт шаҳрванди Тоҷикистон, ки ба узвият дар гурӯҳи террористии созмони Давлати исломии Ироқу Шом (ДИИШ) муттаҳам мешаванд, аз ИМА хориҷ мешаванд.

Ба қавли манбаъ, амалиёти дастгирии ин гурӯҳ тавассути Бюрои федералии тафтишот (FBI) дар ҳамроҳӣ бо Хадамоти муҳоҷират ва гумруки ИМА (ICE) анҷом ёфт. Ва ин гумонбарон ба шакли пароканда аз шаҳрҳои Лос-Анҷелес, Ню-Йорк ва Филаделфия дастгир шуданд.

Бино ба иттилои мақомот, пас аз вуруди ин шаҳрвандони Тоҷикистон ба ИМА маълум шуда, ки онҳо қасди анҷоми амали террористиро доранд ва дар моҳи июн бо истифода аз тафтишоти ҷосусӣ дастгир шуданд. Мақомот гуфтаанд, ки маъмурони амниятӣ тавонистанд чанд нақшаи ҷиноии эҳтимолии ин гурӯҳро барҳам зананд.

Пас аз боздошт, се нафари онҳо ба Тоҷикистон ва Русия баргардонида шуданд, аммо чор нафари дигар мунтазири қарори додгоҳ ҳастанд.

Гузоришҳо нишон медиҳанд, ки дар як соли охир ҳузури шаҳрвандони Тоҷикистон дар чанд амали террористӣ, аз ҷумла ҳамлаи хунине дар Москва, ки 133 нафарро қурбон кард, муттаҳам мешаванд. Гурӯҳи террористии ДИИШ бо вуҷуди тамаркузи фаъолияташ дар Афғонистон, инчунин дар Русия, Туркия ва Эрон фаъолиятҳои ҷиноии худро густариш додааст.

Хеле аз коршиносон бар ин назаранд, ки яке аз иллатҳои асосии гароиши ҷавонон ба сафи созмонҳои ҳаросафкан ва ифротӣ ҷорӣ кардани сиёсатҳои ғалат, зидди миллӣ, мамнуъ ва маҳдуд кардани озодиҳои шаҳрвандӣ ва мазҳабӣ, афзоиши саркӯбҳои ғайриқонунии мақомоти кишвар ва ғайра мебошанд. Ҳукуматдорон барои бақои Эмомалӣ Раҳмон дар сари қудрат аз ҳамагуна намудҳои тарс додани мардум истифода мекунанд, то ин пирамарди 74-соларо дар раъси қудрат нигаҳ бидоранд.

Ба талбандаҳо бовар накунед!

Аз ҷониби
Azda TV 3
-
0

Раёсати Вазорати корҳои дохилӣ дар шаҳри Душанбе бо интишорои муроҷиатномае аз сокинони шаҳр хоста, ки ҳангоми кумак ба шахсони маъюб ва муҳтоҷ эҳтиёт кунанд.

Пулиси Душанбе аз боздошти ду нафар хабар додааст, ки худро маъюб нишон дода, ба талбандагӣ машғул буданд.

Дар наворе, ки аз ҷониби пулиси шаҳри Душанбе нашр шудааст, ду нафар дида мешавад, ки дар воқеъ солим ҳастанд, вале худро бардурӯғ маъюб нишон медиҳанд ва ба мардумфиребӣ машғуланд ва аз ин ҳисоб даромади ҳангуфте ба даст меоранд.

Вазорати корҳои дохилӣ аз боздоштшудаҳо Қувват Низомови 53-сола ва Ҳошимҷон Ҷумъаеви 48-сола ном бурдааст.

Ин чунин пулиси Душанбе гуфтааст, аксари талбандаҳо пули ҷамкардаи худро ба нӯшидани машруботи спиртӣ сарф мекунанд.

Раёсати Вазорати корҳои дохилӣ аз сокинон даъват мекунад, ки кумакҳои худро ба хонаи ятимону бепарасторон ва кӯдакони имконияташон маҳдуд расонанд.

Ёди муҳоҷирон аз забони мақомдорони тоҷик

Аз ҷониби
AZDA-TV
-
0

Мақомдорони Тоҷикистон аз нақзи ҳуқуқи шаҳрвандонаш дар Русия изҳори нигаронӣ кардаанд.

Дар ҷаласаи Шӯрои вазирони корҳои хориҷии кишварҳои узви Иттиҳоди Давлатҳои Мустақил, ки дар Маскав баргузор шуд, вазири корҳои хориҷии Тоҷикистон Сироҷиддин Муҳриддин аз нақзи ҳуқуқи шаҳрвандони Тоҷикистон дар чанде аз кишварҳои ин иттиҳод гуфт.

Вазир аз ҳолати муҳоҷирони тоҷик ва донишҷӯёне ёдовар шуд, ки бо мушкили вуруд ба хоки Русия ва будубош рӯбарӯ ҳастанд.

Муҳриддин мегӯяд, ки донишҷӯёни тоҷик, аз ҷумла онҳое, ки тибқи квотаҳои давлатӣ таҳсил мекунанд, бо маҳдудиятҳои беасос ва мамнуъияти вуруд рӯбарӯ буда, чунин муносибат ба принсипҳои бунёдии инсондӯстӣ ҷавобгӯ набуда, принсипҳои асосии фаъолияти ИДМ-ро зери шубҳа мегузорад.

Ӯ ба зарурати бархӯрди ҳамаҷониба, дақиқ ва шаффоф дар ҳалли масъалаҳои муҳоҷират, ки манфиатҳои ҷониби қабулкунанда, кишвари хуруҷ, худи шаҳрвандони меҳнатӣ ва аҳолии маҳаллӣ баробар ба инобат гирифта шавад, таъкид кардааст.

Муҳриддин зимни суханронияш аз кишварҳои мушаххас ном набурд, аммо ин чанд вақти охир вазъи муҳоҷирон ва донишҷӯёни тоҷик дар Русия нохуб шуда, мавориди ихроҷ ва мамнуъияти вуруди шаҳрвандони Тоҷикистон ба хоки ин кишвар бештар ба мушоҳида мерасад.

Пештар аз ин Сарвазири Тоҷикистон Қоҳир Расулзода дар ҷаласаи Комиссияи байниҳукуматии Тоҷикистон ва Русия аз вазъи санҷишҳои муҳоҷирон дар Русия, ки дар ҷараёни онҳо ҳуқуқҳои шаҳрвандони кишвар поймол мешаванд, нигаронӣ карда буд.

Ба гуфтаи сарвазир, ҳолатҳои роҳ надодан ва ихроҷи шаҳрвандони Тоҷикистон аз ҷониби мақомоти Русия бо баҳонаи “таъмини амният” ба қайд гирифта шуда, дар марз одамон, ҳатто аъзои ҳайатҳои расмӣ, донишҷӯён, пиронсолон ва кӯдакон “соатҳо ва ҳатто рӯзҳо” нигоҳ дошта мешаванд.

Расулзода аз ҳамтоёни русаш даъват кардааст, ки ба ҳалли муассири масъалаҳои ҳамкорӣ дар соҳаи муҳоҷират гузаранд, то ки дар ин масъала байни кишварҳо ҳамдигарфаҳмӣ ҳосил шавад.

Ин бори аввал нест, ки мақомдорони тоҷик аз вазъи шаҳрвандони Тоҷикистон дар Русия изҳори нигаронӣ мекунанд, ҳатто раисҷумҳур Эмомалӣ Раҳмон дар суҳбате бо ҳамтои русаш Владмири Путин ба мушкилоти муҳоҷирони тоҷик дар Русия ишора карда буд. Аммо то ҳанӯз дар ин самт ҳеч тағйироте дида намешавад, ва баракс, рӯз ба рӯз фишору ихроҷ кардани муҳоҷирони тоҷик бештар мешавад.

Афзоиши фишорҳо болои муҳоҷирон дар Русия пас аз ҳодисаи хунини “Крокус сити ҳолл”, ки гумонбарони асосиаш зодагони Тоҷикистон гуфта мешаванд, то рафт бадтар шуда, мақомоти ин кишвар бо қабули қонунҳо маҳдудиятҳои нав нисбати муҳоҷирон ҷорӣ мекунанд.

Сафари Эмомалӣ Раҳмон ба Русия

Аз ҷониби
AZDA TV-2
-
0

Президенти Тоҷикистон Эмомалӣ Раҳмон барои ширкат дар нишасти сарони кишварҳои минтақа озими Маскав шуд.

Дафтари матбуоти Президенти Тоҷикистон имрӯз, 07-уми октябр хабар дод, ки Эмомалӣ Раҳмон барои ширкат дар ҷаласаи навбатии сарони кишварҳои узви Иттиҳоди Давталҳои Мустақил (ИДМ) ба шаҳри Маскав, пойтахти Русия сафар кард.

Ба қавли манбаъ, дар ин сафар “Эмомалӣ Раҳмонро вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ ва дигар шахсони расмӣ ҳамроҳӣ мекунанд.”

Сафари сарони давлатҳои узви Иттиҳоди Давлатҳои Мустақил дар ҳоле ба шаҳри Маскав сурат мегирад, ки имрӯз, Президенти Русия Владимир Путин зодрӯз дорад, сарони давлатҳои узви ИДМ ба хотири аз надик табрик кардани ба Маскав мераванд.

Гуфта мешавад, ҳамон тавре ки Президенти Тоҷикистон Эмомалӣ Раҳмон ба хотири бо шукӯҳ ҷашн гирифтани зодрӯзи худ “Рӯзи забони давлатӣ”-ро аз 22-юми июл ба 5-уми октябр, рӯзи зодрӯзи худашро тағйир дод, дар чанд соли ахир Русия низ ба хотири бо шукӯҳ ҷашн гирифтани зодрӯзи Владмири Путин ташкили бархе ҷаласаҳои муҳимеро дар сатҳи Иттиҳоди Давлатҳои Мустақил, Созмони Аҳдномаи Амнияти Дастаҷаъӣ ва ғайра ба навъе ба анъана даровардааст.

Латтукӯби омӯзгор дар Ваҳдат

Аз ҷониби
Azda TV 3
-
0

Файзихон Раҷабова, омӯзгори фанни торихи мактаби миёнаи №8 шаҳри Ваҳдат аз сӯи волидайни як хонанда шадидан латтукӯб шудааст.

Дар инбора худи омӯзгор бо навиштани шикоятномае ба Рустами Эмомалӣ дар шабакаи иҷтимоии Фейсбук хабар додааст.

Ба навиштаи омӯозгор Раҷабова ҳодиса аз онҷо шуруъ шуда, ки як хонанди синфи 8 ба раванди дарс халал ворид кард, омӯзгор ин хонандаро сарзаниш мекунад ва ба директори мактаб шикояд мебарад, ин рафтори омӯзгор боиси ғазаби волидайни хонанда гашта, омӯозгор Раҷабоваро дар назди дагар хонанадагон шадидан латтукӯб мекунанд. Гуфта мешавад, ҳоло ҷабрдида дар бемористон бистарӣ шудааст.

Аммо шарҳи ҳодиса аз забони волидайни хонанда ҳанӯз дастраси расонаҳо нашудааст ва маълум нест ангезаи ин корашон чӣ будааст.

Ин ҳодиса дақиқан як рӯз пеш аз “Рӯзи омӯзгор”, 5-уми октиябр рух дод, ки он боиси хашми зиёди шаҳарвндон гашт ва дар интернет сару садои зиёдеро ба бор овард. Инчуни корбарони зиёде дар Фейсбук аз ин омӯзгор ҳимоят карда, хостори муҷозоти касоне шуданд, ки ин омӯзгорро латтукӯб кардаанд.

Вазорати маориф ва илми кишвар гуфтааст, аз латтукӯб шудани омӯзгор огоҳ асту қазияро ҷиддӣ пайгирӣ дорад.

Ин ҳам дарҳолест, ки ба гуфтаи таҳлилгарон, омӯзгорон дар кишвар мазлумтарин кормандони давлатӣ ба шумор мераванд, ки бо камтарин маош ва шароит ба ҷавонони ин маллат таълим медиҳанд. Инчунин омзӯгорон дар маъракаҳои сиёсӣ ва фарҳангӣ аз сӯи ҳукумат истифода мешванд, дар ҳоле, ки вазифаи асосии омӯзшор фақат таълиму тарбият аст.

Боздошту латтукӯби сахти муҳоҷирон аз сӯи ОМОН-и Русия

Аз ҷониби
Azda TV 3
-
0

Рӯзи 2-юми октябр дар шаҳри Новосибрски Русия нерӯҳои вежа ё ОМОН бо хушунат вориди анбори ширкати ”ОЗОН” шуда, муҳоҷирони кориро боздошт ва латтукӯб карданд.

Дар наворҳои нашршуда дида мешвад, ки нерӯҳои ОМОН-и ин кишвар бо шиддат вориди ин ширкат шуда, дар даромадгоҳи он ҷо муҳоҷиреро боздошт карда, бо зӯр ба замин мехобонанду бо лагад мезананд.

Инчунин дар наворҳои дигар дида мешавад, ки нерӯҳои ОМОН муҳоҷиронро баъд аз боздошт бо мушту лагад бераҳмона мезананд ва ба замин хобонда, кашолакунон мебаранду дар як ҷой ҷамъ мекунанд.

Гуфта мешавад, дар ин ширкат зиёда аз 100 муҳоҷири тоҷик кор мекунад. Як шоҳиди ҳодиса дар суҳбат Радиои Озодӣ тарзи бархӯрди маъмурони ОМОН-ро “бераҳмона ва хилофи меъёрҳои инсонӣ” номида, гуфтааст, ки аллакай мақомоти ин кишвар ҳукми ихроҷи 16 нафар аз боздоштшудаҳро содир кардаанд.

Ин гуна бархӯрди хашини мақомоти қудратии Русия бо муҳоҷирон бори аввал нест, ки иттифоқ меафтад. Қариб ҳамарӯза муҳоҷирони кории ин кишвар, ки аксаран мардуми Осиёи Марказӣ ҳастанд, дар шабакаҳои иҷтимоӣ аз чунин рафтори хашин шикоят мекунанд. Вале то ҳол на мақомоти Русия ва на мақомоти кишварҳои аслии муҳоҷирон ба ин муносибатҳои берун аз доираи қонуни нерӯҳои интизомии Русия вокуниш намекунанд. Аммо дар як соли охир Тоҷикистон ду бор аз муҳоҷирони тоҷик хост ба Русия сафар накунанд.

Ёдовар мешавем, ки баъд аз чанд ҳамлаи террористӣ дар Русия, ки гуморнбарони онҳо шаҳрвандони Тоҷикистон гуфта мешавад, фишор махсусан болои муҳоҷирони тоҷик хеле зиёд шудааст. Ва ҳоло аз он шикоят мешавад, ки мақомоти ин кишвар бо андактарин баҳона муҳҷирони тоҷикро боздошту ихроҷ мекунанд.

1...212223...635саҳифаи 22 аз 635

Дар бораи мо

АЗДО ТВ бо ҳадафи рушди озодии баён, нашри арзишҳои демократӣ, риояи гуногунандешӣ ва додани минбари озод барои тамоми қишрҳои ҷомеа рӯйи кор омадааст. Тарҳ аз ҷониби Фонди (NED) сармоягузорӣ мешавад. Мо дар фаъолияти расонаии худ пойбанди меъёрҳои байналмилалӣ ва ахлоқи журналистӣ ҳастем. Бознашри матолиби АЗДО ТВ бо зикри манбаъ иҷозат дода мешавад. Шиори мо: Озодии расона зербинои ҷомеаи демократист!

Dushanbe
overcast clouds
5.1 ° C
5.1 °
5.1 °
75 %
2kmh
100 %
Sat
8 °
Sun
4 °
Mon
9 °
Tue
9 °
Wed
3 °

© 2023 АЗДО ТВ шабакаи хабаррасонӣ ва таҳлилӣ мебошад - Ҳамаи ҳуқуқ маҳфуз аст