Эътирофи шиканҷаи сарбозон ҳангоми адои хидмати ҳарбӣ

Аз ҷониби

-

23/02/2023

Эмомалӣ Раҳмон вуҷуди шиканҷаи сарбозон дар сафи Қувваҳои мусаллаҳи Тоҷикистонро “эътироф” карда, гуфт, ба онҳо “мисли фарзанд” рафтор кунед.

Ирмӯз, 23-уми феврали соли 2023 Президенти Тоҷикистон ҳангоми суханронии худ дар маросими таҷлили 23-солагии Қувваҳои мусаллаҳи Тоҷикистон дар Кохи Борбарди шаҳри Душанбе бадрафторӣ бо сарбозонро ҳангоми адои хидмати ҳарбӣ эътироф кард.

Эмомалӣ Раҳмон дар ин суханронии худ, ки мавзуҳои мухталиферо дар бар мегирифт, аз ҷумла дар мавриди бадрафторӣ нисбат сарбозон гуфт: “Такроран хотирнишон менамоям, ки роҳбарону афсарон бояд ба сарбозон мисли фарзанди худ муносибат намоянд ва нисбат ба онҳо ғамхор бошанд.“

Сарфармондеҳи Олии Қувваҳои Мусаллаҳи Тоҷикистон хитоб ба масъулини Вазорати мудофи ва дигар ниҳодҳои қудратӣ таъкид кард, ки “ҳар як сарбозро мисли фарзандони худ дӯст медорам ва ҳамеша кӯшиш мекунам, ки ба ҳамаи хизматчиёни ҳарбӣ ва дар навбати аввал, барои сарбозон шароити беҳтарини хизмат ва зиндагӣ муҳайё карда шавад.“

Тибқи иттилои расмӣ, дар 30 соли ахир “барои бо кадрҳои баландихтисос таъмин намудани Артиши миллӣ, дигар сохторҳои низомӣ ва мақомоти ҳифзи ҳуқуқи кишвар дар дохил ва хориҷи мамлакат беш аз 28 ҳазор мутахассис тайёр карда шуд ва имрӯз зиёда аз 80 фоизи афсарони Қувваҳои Мусаллаҳи мо афсарони касбӣ, яъне хатмкардагони донишкадаҳо ва академияҳои ҳарбӣ мебошанд.”

Гуфта мешавад, бадрафторӣ нисбат ба сарбозон ва бахусус навасакарон дар сафи Қувваҳои Мусаллаҳи Тоҷикистон дар чанд соли ахир ба яке аз мавзуҳои доғ табдил шудааст ва хеле аз ҷавонони кишвар низ ҳамин бадрафториҳоро мади назар қарор дода, аз рафтан ба хидмати ҳарбӣ сарпечӣ мекунанд.

Қазоқистон ба Тоҷикистон наздики $2 млн кумак кард

Аз ҷониби

AZDA TV

-

23/02/2023

0

Қазоқистон ба Тоҷикистон миқдори 5 ҳазор тонна сӯзишвории дизелии навъи “мазут”, ки маблағи умумии он 1,8 миллион долларро ташкил медиҳад, кумаки башардӯстона фиристод.

Тавре расонаҳои қазоқӣ хабар медиҳанд, 21-уми феврали соли ҷорӣ сафири Қазоқистон дар Тоҷикистон Валихон Туреханов ба директори Агентии захираҳои моддии давлатии Тоҷикистон Нурмаҳмад Аҳмадзода шаҳодатномаи кумаки расмии башардӯстонаи Қазоқистонро супурд.

Аҳмадзода низ дар навбати худ аз кумакҳои кишвари ҳамсоя, ки аз 5 ҳазор тонна мазут иборат аст, изҳори миннатдорӣ кард.

Гуфта мешавад, ин кумакҳои башардӯстонаи Қазоқистон дар шакли маводи сӯзишворӣ бо дастури худи раисиҷумҳури он кишвар Қосим-Ҷомарт Тоқаев бо ҳадафи фаъолгардонии иншооти муҳими энержии Тоҷикистон тақдим шудааст.

Маводи сӯзишвории мазути Қазоқистон дар ҳоле вориди Тоҷикистон мешавад, ки чандест дар ин зимистони сарди имсола сокинони шаҳри Душанбе аз сардии хонаҳояшон шикоят мекунанд. Аммо масъулини марказҳои барқу гармидиҳии кишвар сабаби чунин мушкилиро дар камбуди газу мазут мегӯянд.

Гуфта мешавад, дар Тоҷикистон мазут маъмулан дар марказҳои барқу гармидиҳӣ истифода мешавад.

Расонаҳои қазоқистонӣ низ мегӯянд, ба далели қатъи пайвастаи нерӯи барқ ва гармидиҳӣ дар пойтахти Тоҷикистон, шаҳри Душанбе, бо ҳадафи ба амнияти энергетикӣ ин кумакҳо фиристода шудааст.

Гуфтанист, Қазоқистон аз соли 2006 инҷониб дар ҳаҷми 44 миллион доллари амрикоӣ ба Тоҷикистон кумакҳои башардӯстона иро кардааст.

Сисолагии таъсиси Қувваҳои мусаллаҳ дар Тоҷикистон

Аз ҷониби

amrullokhi

-

23/02/2023

0

Дар Тоҷикистон сиюмин солгарди таъсиси Қувваҳҳои мусаллаҳ таҷлил гардид, вале имрӯз – 23-уми феврал, ба солгарди таъсис ҳеч рабте надорд.

Имрӯз, 23-уми феврали соли 2023 ба муносибати сиюмин солгарди таъсиси Қувваҳои мусаллаҳи Тоҷикистон дар Кохи Борбад дар шаҳри Душанбе ҷаласаи тантанавие бо ҳузури Эмомалӣ Раҳмон баргузор гардид.

Ба қавли Эмомалӣ Раҳмон, “зарурати ташкили Артиши миллӣ ҳанӯз 9-уми сентябри соли 1991 дар Қарори Шӯрои Олии кишвар «Дар бораи Эъломияи истиқлолияти Ҷумҳурии Тоҷикистон» таъкид гардида буд.”

Бо таваҷҷуҳ ба ҳодисаҳои солҳои аввали касби истиқлол дар Тоҷикистон имкони таъсиси артиши миллӣ пайдо нашуд ва сипас “18-уми декабри соли 1992 фармони Раёсати Шӯрои Олӣ дар бораи таъсис додани Артиши миллӣ ба имзо расид.”

Президенти Тоҷикистон таъкид мекунад: “Дар навбати аввал, 23-юми июни соли 1993 Қӯшунҳои хушкигард, ки асоси Қувваҳои Мусаллаҳро ташкил медиҳанд ва нерӯи сершумортарину пешбарандаи амалиёти ҷангӣ ба ҳисоб мераванд, таъсис дода шуданд.”

Гуфта мешавад, санаи 23-юми февал солрӯзи таъсиси Артиши Иттиҳоди Ҷамоҳири Шӯравӣ таъсис дода буд. Артиши Сурхи Иттиҳоди Ҷамоҳири Шӯравӣ дар заминаи Артиши Сурхи Коргару Деҳқони Русия ба вуҷуд омад ва аз соли 1922 ба ин сӯ ҳамасола дар ин кишвар таҷлил карда мешавад.

23-уми феврал ба солрӯзи таъсиси Қувваҳои мусаллаҳи Тоҷикистон ҳеч рабте надорад. Тоҷикистон ва бархе кишварҳои ҳамсоя низ “кӯр-кӯрона” дар пайравӣ аз Кремлин, ки ҳамасола солрӯзи таъсиси Артиши Сурхи Русияро бо тантана ҷашн мегирад, рӯзи 23-юми февралро ҳамчун солрӯзи таъсиси Қувваҳои Муссалаҳи худ таҷлил мекунанд.

Амруллоҳи Низом

Имрӯз заминларзаи сахте ду маротиба Тоҷикистонро такон дод

Аз ҷониби

AZDA TV

-

23/02/2023

0

Субҳи рӯзи 23-уми феврали соли 2023, 30 километр дуртар аз “Кӯли-Сарез” заминларзаи сахте бо қувваи 6,7 балл Тоҷикистонро ду маротиба такон дод.

Кумитаи ҳолатҳои фавқулодда ва мудофиаи граждании назди Ҳукумати Тоҷикистон 23-уми феврал иттилоъ дод, ки субҳи имрӯз дар ноҳияи Мурғоби Вилояти Мухтори Кӯҳистони Бадахшон ду маротиба заминларза ба қайд гирифта шуд. Бори аввал соати 05:37 дар маркази он 6,7 балл ва бори дуюм соати 05:55 бо қувваи 5-6 балл буд.

Гуфта мешавад, маркази заминларза дар 65 километрии маркази ноҳияи Мурғоб ва 30 километр дуртар аз “Кӯли-Сарез” рух додааст. Тибқи иттилои КҲФ, заминларза талафоти ҷонӣ ва молӣ надошт.

Дар ҳамин ҳол хабаргузории “Ройтерз” бо такя ба телевизионҳои чинӣ иттилоъ дод, ки маркази заминларза дар деҳаи Аличури ноҳияи Мурғоб буда, шиддатнокии он 7,2 балл мувофиқи ҷадвали Рихтерро ташкил дод.

Кумитаи ҳолатҳои фавқулоддаи Тоҷикистон мегӯяд, шиддатнокии заминларза дар шаҳри Хоруғ 5-6 ва дар Душанбе 2-3 балл буд.

Аммо дар қисмати ҷануби Тоҷикистон заминларза қариб, ки эҳсос нашудааст. Бархе сокинони ин минтақа дар шабакаҳои иҷтимоӣ мегӯянд, заминларзаро умуман нафаҳмидаанд.

Сабти 41 ҳолати тармафароӣ дар як рӯз дар Тоҷикистон

Аз ҷониби

AZDA TV

-

22/02/2023

0

Дар як шабонарӯзи гузашта дар Тоҷикистон 41 ҳолати лағзиши тарма ба қайд гирифта шудааст. Дар ин бора Кумитаи ҳолатҳои фавқулоддаи Тоҷикистон хабар дод.

Кумитаи ҳолатҳои фавқулодда ва мудофиаи граждании назди Ҳукумати Тоҷикистон иттилоъ дода, ки “21 – уми феврали соли равон дар қаламрави кишвар 41 ҳодисаи лағзиши тарма ва як ҳодисаи омадани сел ба қайд гирифта шуд.”

КҲФ ҳамчунин навишта, ки “танҳо дар ҳудуди роҳҳои байнидеҳавии ноҳияи Рӯшони ВМКБ 38 тарма омад.”

Мақомот сабаби зиёд фаромадани тармаро дар ҳудуди кишвар, дар гарм шудани ҳаво медонанд, ки ба гуфтаи онҳо, ин ҳолат “боиси об шудани барфҳо ва афзудани шумори зиёди тарма мешавад.”

“21 феврали соли 2023 тахминан соати 10:22 дақиқаи вақти маҳаллӣ дар километри 426 роҳи мошингарди Дарвоз – Ванҷ – Хоруғ, дар наздикии Бедараи ҷамоати деҳоти Водхуди ноҳияи Ванҷ лағзиши тарма ба қайд гирифта шуд.”, омадааст дар иттилоияи КҲФ.

Тибқи иттилои КҲФ, хушбахтона, дар ин ҳолатҳои лағзиши тармаву омадани селҳо дар Тоҷикистон ҳеч талафоти ҷониву хисороати дигар ба қайд гирифта нашудааст.

77 кушта ва захмӣ дар Фаласатин

Аз ҷониби

amrullokhi

-

22/02/2023

0

Дар натиҷаи як амлиёти низомии нерӯҳои исроилӣ дар минтақаи Ноблуси Исроил дасти кам се нафар аз хабарнигорон, ки ахборро аз наздик пайгирӣ мекарданд, захмӣ шудаанд.

Бино ба иттилои шабакаи “Алҷазира”, ки юриши низомиёни Исролро дар Ноблуси Фаластин аз наздик пайгирӣ ва бознашр мекунанд, мегӯянд, дар натиҷаи ин ҳамлаҳо дасти 6 нафар ба шаҳодат расида, 71 каси дигар захмӣ шудааст. Табибон мегӯянд, ҳолати 7 нафари захмишудаҳо хеле вазнин арзёбӣ мешавад.

Ҳамзамон иттилоъ дода мешавад, ки бар асари партоби газҳои ашковар беш аз 250 нафари дигар нафасгир шудаанд. Дар байни касоне, ки ба шаҳодат расидаанд, як пирамарди 72-сола ва як навраси 14-сола низ гузориш мешавад.

Ин пирамарди 72-сола дар хиёбон пеши чашми мардум захмӣ шуд, нерӯҳои исроилӣ ба гурӯҳҳои наҷот иҷозат надоданд, ки сари вақт ӯро ба бемористон интиқол бидиҳанд ва дар ниҳоят пирамард дар кӯча ҷон бохт.

Вазорати хориҷаи Фаластин ҳам ин ҳодисаи хунинро “терроризми давлатӣ” алайҳи мардуми кишвараш хонда, аз ҷомеаи ҷаҳонӣ ва дар раъси он Амрико хостааст, ки пеш аз он ки вазъият беш аз ин буҳронӣ ва аз идораи давлат хориҷ шавад, бояд вориди амал шавад.

Гурдонҳои Иззиддин ал-Қассоми нерӯҳои муқовимати фаластинӣ дар Ғазза ҳам эълон карда, ки мо ҷиноятҳои нерӯҳои исроилӣ дар ҳаққи мардумамонро дар сарзаминҳои ишғолӣ аз наздик пайгирӣ мекунем ва сабри мо ҳам ба поён мерасад.

Ин амалиёти низомӣ бо ҳузури садҳо нафар аз низомиёни исроилӣ, ки бо мошинҳои ҳарбӣ, тайёраи бидуни сарнишин ва силоҳҳои гуногун ҳудуди се соат давом кард.

Ҳамзамон бархе аз фаъолони сиёсӣ ва маданӣ дар Фаластин ҷомеаи ҷаҳониро ба он муттаҳам мекунанд, ки вақте даҳҳо нафар аз фаластиниҳо кушта ва захмӣ мешавад, парво надорад, вале замоне, ки чанд нафар аз исроилӣ кушта шавад, дарҳол аз ҳама минбарҳо садояшонро баланд карда, ба ҳимояти онҳо ба по мехезанд.

Гуфта мешавад, ин нахустин ҳамлаи низомиёни исроилӣ ба шаҳракаҳои фаластинӣ дар дохили ин кишвар нест, балки нерӯҳои исроилӣ танҳо дар давоми ҳамин моҳ беш аз 36 нафар аз фаластиниёнро, ки дар байни онҳо кӯдакон ва пиронсолон ҳам будаанд, ба қатл расонидаанд.

Аз сӯи дигар, гуфта мешавад, ҳукумати Нетаняҳу бо буҳронҳои зиёде дар дохили Исроил ва берун аз он даст ба гиребон аст ва ба хотири ҷалб кардани таваҷҷуҳи мардум ба худ ва дур сохтани афкори омма аз асли мушкилот чунин амалиётҳои низомиеро бо баҳонаи таъмини амният ташкил мекунад.

Бин Салмон дар Риёз Каъбаи нав месозад?

Аз ҷониби

AZDA TV

-

22/02/2023

0

Чанд рӯзи ахир як қарори шоҳзода ва валиаҳди Арабистони Саудӣ, Муҳаммад бин Салмон сарусадоҳои зиёдеро дар дохил ва хориҷи ин кишвар ба бор овардааст.

Рӯзи 16-уми феврали соли ҷорӣ шоҳзодаи Арабистони Саудӣ Муҳаммад бин Салмон қарори наверо дар бораи бунёди бузургтарин маркази тиҷоратии дунё (Downtown), ки сохтмони он мураббаъ (чоргӯша) мешавад, қабул кард.

Мухолифони ин қарор мегӯянд, шакли ин бино ба хонаи Худо – Каъба, ки дар Маккаи Мукаррама ҷойгир аст, шабоҳати зиёд дорад. Ва набояд ҳукумат сохтмонҳои тиҷоратӣ ва тафриҳиро ба шакли Каъба, ки барои мусалмонон муқаддаст аст, бисозад.

Аммо мақомоти ин кишвар мегӯянд, мақсад аз мураббаъ сохтани ин бинои боҳашамати тиҷоратӣ, зинда кардан ва ҳифзи осори фарҳангӣ ва таърихии сокинони ин минтақа аст.

Ҳамзамон бархе корбарони шабакаҳои иҷтимоӣ менависанд, ки ҳукумати Саудӣ мехоҳад бо сохтани чунин биноҳо дар шакли Каъба, ки барои мусалмонон муқаддаст аст, таваҷҷуҳи мардумро ба худ ҷалб кунад.

Дар қарори ҳукумати Саудӣ омада, ки ин маркази тиҷоратӣ дар шаҳри Риёз дар масоҳати 19 километри мураббаъ сохта мешавад. Ҳам баландӣ ва паҳноии ин сохтмон 400 метрро дар бар гирифта, дар сохтани он 180 миллард риёл (наздики 48 миллард доллар) маблағгузорӣ мешавад.

Боздошти муовини раиси ноҳияи Восеъ

Аз ҷониби

firuzihait

-

22/02/2023

0

Нисбати муовини раиси ҳукумати ноҳияи Восеъ Алихон Худоёрзода ба хотири баромадан аз ҳадди ваколати мансабӣ парванда боз шудааст.

Алихон Худоёрзода, муовини раиси ҳукумати ноҳияи Восеъ (акс аз Радиои Озодӣ)

Алихон Худоёрзода, муовини раиси ноҳияи Восеъ, ки масъули сохтмон ва раёсати кумисюни тақсими заминро дар ноҳия ба уҳда дошт, ҳафтаи гузашта аз ҷониби кормандони мақомот боздошт шудааст.

Як манбаъ аз Додситонии ноҳияи Восеъ рӯзи 22-юми феврал ба Радиои Озодӣ гуфтааст, ки нисбат ба Худоёрзода ба иттиҳоми баромадан аз ҳадди ваколати мансабӣ (моддаи 316 ) парванда боз шуда, таҳқиқи парванда идома дорад ва кори ӯро аз соли 2017 то соли 2021 месанҷанд. Бо моддае, ки собиқ муовини раиси ноҳияи Восеъ гумонбар аст, ҷарима ё чаҳор соли зиндон ӯро таҳдид мекунад.

То ҳол назари мақомот ва худи Худоёрзодаву пайвандонаш дастраси расонаҳо нест.

Пештар аз ин номи Алихон Худоёрзодаи 57-сола рӯзи 7-уми февраи соли ҷорӣ зимни нишасти матбуотӣ расонаӣ шуда буд. Дар ин нишаст собиқ муовини раиси ноҳияи Восеъ, шикоятҳоро дар бораи надодани замин ба сокинон беасос номида, гуфта буд, ки “Сокинон ҳангоми тақсими қитъаи замин дар деҳаи Саричашма дар қуръапартоӣ набуданд. Ягон кас ҳам муроҷиат накард”.

Аммо, сокинони норозӣ мегӯянд, ки дар даст қарори раиси ҳукуматро дошта, дар “қуръапартоб” низ ширкат кардаанд, вале ба онҳо замин дода нашудааст.

Ин бори аввал нест, ки як мақомдор ба хотири тақсими замин ва баромадан аз ҳадди ваколати мансабӣ боздошт мешавад. Аммо дар аксар ҳолат парвандаи онҳо ба охир нарасида, гумонбарон озод мешаванд.

Барқияи Эмомалӣ Раҳмон ба Салмон бин Абдулазиз

Аз ҷониби

amrullokhi

-

22/02/2023

0

Эмомалӣ Раҳмон ба муносибати “Солрӯзи таъсис”-и Арабистони Саудӣ ба малик Салмон бин Абдулазиз барқияи шодбошӣ фиристод.

Бино ба иттилои сафири Тоҷикистон дар Шоҳигарии Арабистони Саудӣ Эмомалӣ Раҳмон бо ирсоли як номаи шодбошӣ “Солрӯзи таъсис”-ро ба Салмон бин Абдулазиз Оли Сауд табрик гуфтааст.

Ба қавли манбаъ, дар ин барқияи табрикотӣ зикршуда, ки раисҷумҳури Тоҷикистон ба шоҳ Салмон бин Абдулазиз ва мардуми ин кишвар “Солрӯзи таъсис”-ро самимона табрик ва таҳниат гуфтааст.

Ёдовар мешавем, ки давлати Арабистони Саудӣ, ки ҳоло Оли Сауд онро идора мекунад, дар 3 марҳила ташаккул ёфтааст. Бори аввал соли 1744 тавассути Муҳаммад бин Сауд бо номи Иморати Диръия таъсис шуд. Бори дуюм аз солҳои 1824 то 1891 ва бори ахир соли 1902 бо раҳбарии Абдулазиз оли Сауд бо номи Иморати Риёз ташкил ёфт ва ниҳоятан, соли 1932 бо ҳамроҳ кардани иморатҳои дигар номи Арабистони Саудиро гирифт.