Инчунин сомонаи прокуратураи Тоҷикистон ҳам хабар додааст, ки “дар рафти он масъалаҳои муқовимат ба терроризми байналмилмилалӣ ва ифротгароӣ, тундгароӣ, хариду фурӯши одамон, муомилоти ғайриқонунии маводи нашъадор, дар ҳудуди Арабистони Саудӣ ҳамчун террористӣ эътироф намудани баъзе ташкилот ва гурӯҳҳои террористӣ-экстремистӣ ва дигар зуҳуроти ҷинояткории трансмиллӣ муҳокима гардиданд.”
Гуфта мешавад, мақомоти Тоҷикистон 7 сол инҷониб талош доранд, ки Ҳизби наҳзати исломии Тоҷикистон ва созмонҳои мухолифинро дар минтақа ҳамчун созмони террористӣ ва ифротгароӣ муаррифӣ кунанд, аммо то ҳол муваффақ нашуданд.
Бо вуҷуди он ки моҳе пеш Игор Краснов, додситони кулли Русия зимни як сафар ба Тоҷикистон эълон карда буд, ки қасд доранд, ҲНИТ-ро созмони террористӣ эълон кунанд, аммо то ҳол дар ин бора хабари ҷадиде нашр на шудааст. Бо ин ҳол ин хабар мақомоти Тоҷикистонро хушҳол ва вокуниши раҳбарони ҲНИТ-ро ба бор оварда буд.
Акнун, вақте Юсуф Раҳмон мегӯяд, ки “муқовимат ба терроризми байналмилмилалӣ ва ифротгароӣ” дар раъси онҳо созмонҳои мухолифи ҳукумати Эмомалӣ Раҳмон, аз ҷумла ҲНИТ-ро дар назар дорад ва бо ҳамин хотир таъкид мекунад, “бо ҳадафи мубориза бо терроризм ва маблағгузории он, пулшӯӣ, ҷиноятҳои фаромарзӣ ва табодули таҷриба Ёддошти тафоҳум имзо кардаанд.”
Арабистони Саудӣ яке аз кишварҳое ба шумор меравад, ки нисбат ба мухолифони сиёсӣ ва дигарандешон дар кишвараш бисёр сахтгир аст. 9-уми августи соли ҷорӣ расонаҳои арабӣ барои 34 сол аз озодӣ маҳрум шудани Салмо Аш-Шаҳоб, як зани 34-сола, ки ҳамчун фаъоли ҷомеаи маданӣ дар ин кишвар шинохта мешуд, хабар доданд.
Коршиносон бар ин назаранд, ки Саудӣ дар террористӣ эътироф кардани созмонҳои мамнуъ дар Тоҷикистон ва Русия шояд кӯтоҳӣ накунад ва эҳтимол меравад онҳоро дар фурсатҳои наздик дар рӯйхати созмонҳои мамнуъи худ ворид кунад.
Ҳукумати Шуравӣ ба гурӯҳҳои ба гуфтаи амрикоиҳо озодихоҳ, тамғаи “душман”-ро барчасп намуда, муддати бист сол бо онҳо дар набард буд. Задухӯрдҳое дар сарзамини Республикаи Демократии Афғонистон (РДГ) анҷом меёфт. Муҳориба байни қушунҳои лашкари советӣ ва ҳукумати Афғонистон аз як тараф ва аз ҷабҳаи дигар отрядҳои мусаллаҳи муҷоҳидони афғон, ки аз тарафи НАТО – пеш аз ҳама Амрико, дастгири меёфт, ба амал омад. (histrf.ru/read/articles/afghanskaia-voina)
Аҷиб ин аст, ки ҳукумати Амрико баъд аз 40 сол нисбати ҳамин миллати “озодихоҳ” бо услуби тамоман дигар бархӯрд намуда, ҳукми “террорист”-ро нисбати онҳо содир намуд ва ҳатто номи амалиёташро “озодӣ пойдор” гузошт. Пас аз ҳамлаҳои 11 сентябри соли 2001 Вашингтон амалиёти таҷовузи Афғонистонро оғоз кард. Амалиёти мазкур 7 октябри соли 2001 бо баҳонаи пинҳон будани Усома бин Лодин ва раҳбарони дигари Ал-Қоида дар Афғонистон оғоз шуд. Ин амалиёт, ки 20 сол давом ёфт, аз тарафи кишварҳои узви НАТО пуштибонӣ ёфт. (www.aa.com.tr/ru)
Томас Ҷонсон, профессори Мактаби олии баҳрии ИМА дар мусоҳиба бо Бахши русии Би-би-сӣ мегӯяд: “Мо ноком шудем, зеро Афғонистонро ҳеҷ гоҳ нафаҳмидем. Иёлоти Муттаҳида як лӯхтакро (дар курсии президентӣ) гузошт ва ба дигаргунсозии номатлуби ҷомеа оғоз кард, ҳамон тавре ки СССР 30 сол пеш чунин карда буд”. (www.bbc.com/russian/features)
Меравем ба суроғи яке аз абарқудратҳои дигари дунё, ки бо баҳонаи “террор” миллионҳо нафарро зулму шиканҷа намуда, зери “тарбия” гирифтааст. Чин ба он муттаҳам мешавад, ки садҳо ҳазор мусалмонро бидуни додгоҳ дар вилояти Шинҷони ғарбии Чин нигоҳ доштааст. Давлати Чин ин иддаоро рад карда мегӯяд, мардум ихтиёран аз “мактабҳои бозомӯзӣ” барои муқобила бо терроризм ва ифротгароии динӣ мегузаранд.
Модари аз тифл ҷудое қисса мекунад: “Ҳар шаб ҳангоми хоби кӯдаконаш бо чашмони гирён, аз кӯдаки сесолааш ғоибона узр мепурсад, ки чаро туро танҳо мондам”. Вақто ки оилаи онҳо аз Пекин сафар мекард, полисҳо тифли хурдсол ва шавҳари ин занро аз сафар манъ карданд .Вай бо 4 фарзанди дигараш ба Истанбул омаданд ва то ҳол намедонад, ки шавҳару фарзанди хурдсолаш зиндаанд ё дигар дар қайди ҳаёт нестанд.(www.bbc.com/russian/resources/idt-sh/China_hidden_camps_russian)
Чунки нафарони дар “тарбия”-буда, ҳуқуқи тамос гирифтан бо наздиконашонро надоранд, то вақто ки “ботарбия” нашаванд ва оилаҳои зиёде ҳастанд, ки мисли ин модар солҳост аз пайвандонашон хабаре надоранд ва ин намуди муомила нисбати зиндониён, дар ягон нуқтаи дунё ба назар намерасад.
Ин ҳам яке аз садҳо мисолҳоест, ки мусалмонони бегуноҳи уйғур қурбонии барчаспи “террор”ва “терроризм” мешаванд.
“Ончи ки дар Чин руй дода истодааст, бераҳмии соф аст. Зулми мусулмонони уйғур баъзе аз ҷиноятҳои бадтарин алайҳи башарият, дар таърихро ба ёд меорад. Мо дар ИМА бояд онҳоро комилан ба ҷавобгарӣ кашем”,- мегӯяд намояндаи Палатаи намояндагони Конгресси ИМА Илҳон Умар.
Маъракаи Ҳизби коммунистии Чин барои аз байн бурдани ақаллиятҳои этникӣ боиси боздошти иҷбории беш аз 2 миллион уйғур шуд, ки аз соли 2017 ба ин сӯ ба ҳабс гирифта шудаанд. ( https://uyghurnextgen.org)
Вазири иттилоот ва текноложии ҳукумати муваққати Толибон мегӯяд, ки нархи Интернет арзон ва зиёда аз 23,4 миллион сомонаи интернетиро масдуд кардаанд.
Бино ба иттилои расонаҳои Афғонистон, 25-уми августи соли 2022 Наҷибуллоҳ Ҳаққонӣ, сарпарасти Вазорати иттилоот ва теконоложии Афғонистон дар суҳбат бо расонаҳо гуфтааст, ки бо далоили намоиши муҳтавои ғайриахлоқӣ дастрасӣ ба беш аз 23 миллион саҳфаи интернетиро масдуд кардаанд.
Наҷибуллоҳ Ҳаққонӣ гуфтааст: “мо то тавассути шабакаҳо 23,4 миллион сайтро бастем, чун ҳамааш бозаргонӣ аст ва инҳо вақт ба вақт сафҳаи худро табдил мекунанд ва агар як саҳфаи он баста шавад, дар сафҳаи дигаре пайдо мешаванд. Ин як муомилаи тиҷоратӣ аст ва мо маҷбур ҳастем ба ҳамин шакл бо инҳо идома диҳем.”
Вазири мухобироти Толибон мегӯяд, ки айни замон дар Афғонистон 22 миллион муштарии фаъол ба Интернети 2G ва 6 миллиони дигар ҳам ба Интернети 3G дастарасӣ доранд. Ба гуфтаи, ӯ бо фаъол нигаҳ доштани 7500 сомонаи мухобиротӣ 90 дарсади мардум ба хадамоти мухобиротӣ ва интернетӣ дастрасӣ пайдо кардаанд.
Гуфта мешавад, тибиқи маълумоти Вазорати иттилоот ва текноложии Афғонистон 35 миллион симкорт дар ин кишвар тавзеъ шуд ва айни замон 22 миллиони онҳо фаъол ҳастанд.
Бо гузашти як моҳ аз рабуда шудани фаъолони маданӣ Ораз ва Рамзӣ Вазирбековҳо аз Русия ба Душанбе, пайвандону наздиконашон то ҳол бо онҳо мулоқот накардаанд.
Pamir Daily News дар истинод ба манобеаш хабар медиҳад, ки Вазирбековҳо иҷозаи мулоқотро надоранд, зеро мавриди шиканҷа қарор гирифтаанд ва вазъи саломатиашон имкон намедиҳад, ки онҳоро ба наздиконашон нишон диҳанд.
Ораз ва Рамзӣ Вазирбековҳо шаҳрвандони Федератсияи Русия буда, наздикону пайвандонашон дар Русия ба Додситонии кул, Хадамоти амнияти федеролии (ФСБ), Вазорати корҳои хориҷӣ ва Вазорати корҳои дохилии ин кишвар барои рӯшани андохтан дар қазияи рабуда шудани ин ду фаъолои ҷомеаи шаҳрвандӣ муроҷиат кардаанд. Аммо то ҳол ҷавоби дақиқ нагирифтаанд.
Ёдовар мешавем, ки дар охирҳои моҳи июли соли ҷорӣ Рамзӣ ва Ораз Вазирбековҳо, зодагони Бадахшон аз Маскав рабуда шуда буданд ва чанде баъд дар наворе хабар доданд, ки дар Тоҷикистон назди кормандони интизомии кишвар қарор доранд.
