5-уми июл як қатори боркаши ҳомили 100 контейнер, ки дар онҳо масолеҳи гуногун вуҷуд дорад аз вилояти Шандуни Чин ба Тоҷикистон раҳсипор шудааст. Дар ин бора сомонаи расмии Шӯрои давлатии Чин хабар дод.

Дар хабар омада, ки ин қатораи борбарӣ аз шаҳри Синдао, ки дар Ҷануб-Шарқи Чин воқеъ шудааст ва ҳамарз бо Ҷопон ва Кореяи Ҷанубӣ мебошад, рӯзи 5 июл соати 9: 10-и субҳ ба самти  Душанбе ҳаркат кардааст. Ин қатораи нав аз шаҳри Синдао Ҷануб-Шарқи Чин ҳаркат карда дар порти заминии минтақаи Худмухтори Уйғуристони (Кошғар) ҳамарз бо Тоҷикистон ба поён мерасд ва аз онҷо ин корвон бо мошинҳои боркаши вориди Хоруғ хоҳанд шуд.

Ин қатори борбари ҳомили маҳсулотҳои тиҷори ба шумули чархи худрав, маҳсулоти электрони ва мошинолот мебошад, ки дар маҷмуъ арзиши онҳоро 1.66 миллион баровард кардаанд ва пас аз 15 рӯз ба шаҳри Душанбе хоҳад расид.

Лю Сзянсзюн, директори Кумитаи маъмурии минтақаи намоишӣ гуфт, ки масири нав ҳаштумин хатти экспресси байни Чин ва кишварҳои Созмони ҳамкориҳои Шанхай (СҲШ) мебошад, ки онро маркази байнимодалии он дар Чиндао хидмат мекунад.

Дар нимсолаи аввали соли равон ин марказ ба 297 қатора ба Аврупо ва Осиё хидмат расонд, ки ин нисбат ба соли гузашта 82 фоиз зиёд арзёбӣ мешавад.

Бонки ҷаҳонӣ бо анҷоми як таҳқиқот дар Тоҷикистон 331 нуқтаи хатарзоро дар роҳҳои ошкор карда, ҳазинаи бартараф кардани хисороти эҳтимолӣ аз офатҳои табиӣ дар ин манотиқро 404 миллион доллари амрикоӣ арзёбӣ кардааст.

Бонки ҷаҳонӣ дар як гузориши худ, ки рӯзи 1-уми июл ба нашр расид, хабар дод, ки офатҳои табиӣ ва тағирёбии иқлим ба рушди иҷтимоию иқтисодии Тоҷикистон таҳдид мекунанд.

Дар гузориш қайд гардида, ки хусусиятҳои геологӣ, иқлимӣ ва топографии Тоҷикистон боис мешавад, ки офатҳои гуногуни табиӣ, аз ҷумла заминҷунбӣ, обхезӣ, ярч ва тарма дар ин кишвар зиёд рух диҳад. Ин офатҳо дар кӯтоҳмуддат ва дарозмуддат ба зерсохторҳо ва некӯаҳволии иҷтимоӣ зарар мерасонанд.

“Дар байни солҳои 1992 то 2016 зарари иқтисодӣ аз офатҳои табиӣ дар Тоҷикистон аз 1,8 миллиард доллари ИМА гузашта, тақрибан 7 миллион нафарро фаро гирифт”, – омадааст дар гузориш.

Гузоришгарон ба Ҳукумати Тоҷикистон тавсия медиҳанд, ки “системаи ҷустуҷӯ ва наҷотдиҳӣ ҳангоми ҳолатҳои фавқулодда дар минтақаҳои мазкурро тақвият диҳад. Бояд системаҳои огоҳкунии саривақтӣ барои ошкор кардани нишонаҳои хатар, огоҳ кардани мардум дар роҳҳо ва ҷойҳои маскунӣ сармоягузорӣ шавад”.

Сармогузорӣ ва диққати махсус додан дар чунин системаҳо талафоти ҷонӣ ва молиро ҳангоми офатҳои табии коҳиш медиҳад.

Бонки ҷаҳонӣ дар гузориши худ оварда, ки зарари умумии иқтисодӣ дар натиҷаи офатҳои табиӣ ба зерсохторҳои асосии роҳҳо дар Тоҷикистон солона тақрибан 0,5% ММД ҳисоб карда мешавад ва дар соли 2022 метавонад тақрибан 445 миллион сомониро ташкил диҳад.

Тибқи ин таҳқиқот дар натиҷаи тағйирёбии иқлим дар маҷмӯъ шумори офатҳои табиӣ, ба монанди боришоти шадид, обхезӣ, ярч, тарма, ки метавонанд ба инфрасохтори роҳ таъсир манфӣ расонанд, дар тӯли 10 соли оянда солона 3% афзоиш хоҳад ёфт.

Бонки Ҷаҳонӣ бо интишори як таҳқиқот дар заминаи таҳдидҳои офатҳои табиӣ дар соли 2022 пешбинӣ кардааст, ки Тоҷикистон аз ҳисоби офатҳои табиӣ 445 млн сомонӣ зарар хоҳад дид.