Гуфта мешавад, Аловатшоевро рӯзи 11-уми январ дар шаҳри Белгород кормандони ФСБ-и Русия боздошт карда, баъдан ӯро ба кормандони Вазорати корҳои дохилии Федератсияи Русия супурдаанд. Кормадони ВКД-и Русия ӯро ба Маскав бурданд ва баъд ба Тоҷикистон истирдод кардаанд.
Мақомоти интизомии Тоҷикистон пас аз эътирози беш аз ҳазор нафараи сокинони ВМКБ дар назди сафорати Тоҷикистон дар Маскав, ки дар пай қатли Гулбиддин Зиёбеков сурат гирифта буд, ба таъқиби Аловатшоев шуруъ карданд.
Пас аз чанд соати гирдиҳамоӣ расонаҳои Русия хабаре нашр карданд, ки гуфта мешуд, Аловатшоев бо гумони таҷовуз ба номус таҳти пайгард қарор дорад. Худи Амриддин ин иттиҳомотро рад мекунад.
Аммо мақомоти Тоҷикистон то ҳанӯз расман дар бораи боздошти ӯ ва иттиҳом эълоншуда алайҳи ӯ хабаре надодаанд.
Тибқи маълумоти тасдиқнашуда, алайҳи Амриддин бар асоси моддаи 189 қисми 1-и Кодекси ҷиноятии Ҷумҳурии Тоҷикистон (барангехтани кинаву адовати миллӣ) парвандаи ҷиноӣ боз шудааст. Шояд ин ягона моддае нест, ки ӯ айбдор мешавад.
Додгоҳи вилояти Иркутски Русия муҳлати ҳабси се шаҳрванди Тоҷикистонро, ки ба даст доштан дар як ҷанҷоли пурсарусадо муттаҳам мешаванд, то чаҳор моҳи дигар тамдид кард.
Акс аз Мария Оленникова, “ИА IrkutskMedia”
Ин се муҳоҷири тоҷик пас аз оташ гирифтани макони будубошашон дар вилояти Иркутски Русия моҳи ноябр боздошт шуда буданд. Пулиси Иркутск он замон онҳоро то 13-уми январ ба ҳабси пешакӣ гирифта буд.
Ду нафари онҳо, Қурбонмад Содиқов ва Далер Ҳасанов ба гумони “қасди куштор” ва як нафарашон Ҷумъабой Искандаров ба иттиҳоми “авбошӣ” дастгир шудаанд. Аммо шоҳидони айнӣ мегӯянд, пулис ба ҷои он ки ҷинояткоронро боздошт мекард, муҳоҷирони бегуноҳро боздошт кардааст.
Алишер Ширинов, раиси Ҷамъияти тоҷикони Иркутск ба Радиои Озодӣ гуфт, иттиҳомоти ҷабрдидаҳои тоҷик беасос аст ва гурӯҳи 4-нафараи вакилони дифоъ талош доранд, бегуноҳии онҳоро исбот кунанд. Ба гуфтаи Алишер Ширинов, рӯзи 12 ноябр се ҷавон ҳангоми кӯшиши наҷот додани ду ҳамсафари худ, ки ба мағоза барои харидани нон рафта буданд, мавриди лату кӯб қарор гирифтанд. Аммо расонаҳои Русия мегӯянд, занозанӣ пас аз “сӯҳбати”-и муҳоҷирони тоҷик бо як духтари рус рух додааст.
Ёдовар мешавем, ки гурӯҳе аз муҳоҷири кории тоҷик дар як вагон дар ноҳияи Заларински вилояти Иркутск зиндагӣ мекарданд. Шаби 12 ноябри соли 2021 гурӯҳе аз ҷавонони сокинони он минтақа ҷои зисти онҳоро оташ заданд. Дар натиҷа ду муҳоҷири тоҷик кушта ва як тани дигар захмӣ шуд. Мақомоти интизомии Ирутск пас аз ин фоҷеа се муҳоҷирро, ки дар он вагон зиндагӣ мекарданд, боздошт кард. Ба гуфтаи мақомоти интизомии Русия қабл аз оташ задани вагонҳои муҳоҷирон ин се нафар бо як гурӯҳи сокинони маҳаллаи Залар занозанӣ карда буданд.
Дар ин муроҷиат ҳамчунин гуфта мешавад, ки хонаводаи Маҳмадалӣ Ҳаит ба таври хаттӣ ба сардори СИҶ ВА Мансурҷон Умаров, Додситонии кулл ва Ваколатдори ҳуқуқи инсон муроҷиат карда, аммо ҳеҷ посухе дарёфт накардааст.
“Дар мулоқоти охир Маҳмадалӣ Ҳаит аз вазъи саломатиаш шикоят мекард ва мегуфт, ки ӯро махсус дар ҳуҷрае бо як қотил ҷо додаанд ва он қотил ҳамеша мекӯшад низоъ барангезад. Маҳмадалӣ Ҳаит ба раҳбарияти зиндон муроҷиат кард, то ӯро ба ҳуҷраи дигар гузаронанд, чун ба ҷонаш хатар таҳдид мекунад. Раҳбарияти зиндон дархости ӯро рад кард” — навиштаанд ҳамсару фарзанди Ҳаит.
Онҳо изҳори нигаронии шадид аз он кардаанд, ки ҳодисае бо сардори хонаводаашон рух додааст ва мақомот барои ифшо нашудани он иҷозаи мулоқот намедиҳанд.
“Шумо хуб медонед, ки парвандаи Маҳмадалӣ Ҳаит сиёсӣ аст. Бо заҳмату кӯшишҳои шумо қатъномаи Кумитаи ҳуқуқи башари СММ дар бораи Маҳмадалӣ Ҳаит қабул шуд. Ҳарчанд мақомоти Тоҷикистон ҳанӯз ин ҳуҷҷатро эътироф накардаанд ва нияти амаль кардани талаботи онро надоранд, мо умедворем, ки шумо аз талаби иҷрои бечуначарои он даст намекашед” — омадааст дар идома.
