Се гумонбар дар қатли бераҳмонаи чаҳор узви як оила боздошт шудаанд. Тибқи гузориши “Азия-Плюс” мақомоти ҳифзи ҳуқуқи ноҳияи Ҷайҳун эълом доштанд, ки нахустин гумонбарон дар куштори 4 узви оилаи Маҳмадовҳо дар деҳаи Таргокро боздошт намудаанд.

Ҳарчанд ангезаи ин куштори бераҳмона то ба ҳол маълум нест, шарҳи бештар дар ин замина аз ҷумла шахсияти гумонбарон, далелҳои мавриди шакку шубҳа қарор гирифтан ва дастгир шудани онҳо, ҳамчунин ангеза ва иллати куштори бераҳмонаи Аҳлиддин Маҳмадов ва 3 фарзанди ноболиғи ӯ рушан нест.

Мақомоти милиса ва додситонии ноҳияи Ҷайҳун, ки масъулияти таҳқиқи куштори субҳи 12 июн дар деҳаи Таргокро бар душ доранд, то кунун дар мавриди ин ҳодиса ва ҷараёни таҳқиқот ҳеч шарҳе надодаанд.

Маркази матбуотии Вазорати умури дохилаи Тоҷикистон, ки ҳанӯз рӯзи шанбе ваъдаи шарҳи ин ҳодисаи мудҳиш ва пурсарусадоро дода буд, то ҳол хомӯш аст.

Ёдовар мешавем, ки субҳи рӯзи шанбе 12 июн дар деҳаи Таргоки ноҳияи Ҷайҳуни вилояти Хатлон Аҳлиддин Маҳмадов як сокини 39 солаи Таргок, ки ба деҳқони машғул буд, ҳамроҳи 3 фарзанди ноболиғаш кушта шуд. Ҳамсари ӯ ва як духтараш тавонистаанд аз дасти қотилон фирор кунанд ва бо ҷароҳатҳои вазнини ҷисмонӣ дар бемористон бистарӣ шуданд.

Соли таваллуди фарзандони кушташудаи ин хонавода 2007, 2008, ва 2010 буд. Ба гуфтаи сокинони деҳаи Таргок ҳамаи онҳо аз ноҳияи сар ва ашёи кундмонанд ба табар зарба хурдаанд.

То ҳол далели бо чунин бераҳмии хос кушта шудани Аҳлиддин ва фарзандонаш, ки ҳамагӣ 11,13, ва 14 сол доштанд маълум нест.

Ноҳияи Ҷайҳун дар ҷануби Тоҷикистон дар наздикии марз бо Афғонистон қарор дорад ва аксари сокинони ин ноҳия ба шуғли деҳқонӣ машғуланд.

Ин ноҳия қаблан Қумсангир ном дошт ва дар соли 2016 ба Ҷайҳун тағйири ном кард.

Як корманди давлатӣ, ки дар шуъбаи заминсозии №1 КДФ “Бақайдгирии молу мулки ғайриманқул” дар ноҳияи Рӯдакӣ кор мекарда, бо иттиҳоми “қаллобӣ” аз ҷониби мақомоти ҳифзи ҳуқуқ дастгир шудааст.

Ожонсии зидди фасоди Тоҷикистон аз дастгиршуда Ҳотамов Шавкатҷон Гулмирзоевич ном бурда, қайд намуда, ки ӯ ҳамчун корманди шуъбаи мазкур аз шаҳрванд А. ҷиҳати омода кардани шиносномаи техникӣ ва шаҳодатномаи бақайдгирии манзили истиқоматии шаҳрванд Б. 5300 сомонӣ  талаб намуда, баъди омода гардидани шиноснома номабурда аз шаҳрванд “А” 1300 сомонӣ гирифта, ба ӯ ҳарчи тезтар овардани боқимонда маблағи 4000 сомониро талаб намуд.

Ҳангоми гузаронидани чорабиниҳои оперативӣ – тафтишотӣ Ҳотамов Ш.Г. баъди аз шаҳрванд “А” гирифтани маблағи 4000 сомонӣ дастгир карда шуда, маблағи мазкур аз ӯ ҳамчун далели шайъӣ ёфта гирифта шуд.

Гуфта мешавад, ки нисбати Ҳотамов Ш.Г. бо моддаи 247 қисми 2 бандҳои “в,г”-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, он баъди тасдиқи фикри айбдоркунӣ ба суд ирсол карда шуд.

Аммо дар хабари Ожонсӣ гуфта нашудааст, ки ин амал кай анҷом шудааст ва ҳамчунин назари худи айбдоршаванда ва вакили дифои ӯ, ё наздиконаш маълум нест.

Шуҳрат Қудратов, вакили дифои тоҷики муқими Маскав рӯзи 11 июн ҳамроҳи як нафари дигар бо номи Раҳматулло Ҷалолов аз ҷониби пулиси шаҳри Маскав боздошт шуд.

Тавре худи ӯ аз дохили боздоштгоҳи муваққатии пулиси Мешанскии шаҳри Маскав хабар дод, ки ӯро ба хотири пӯшидани либосе, ки дар танаш акси Иззат Амон нақш ёфта ва зераш “Озодӣ ба Иззат Амон!” навишта шуда буд, боздошт кардаанд.

Қудратов дар як паёми видеоӣ аз дохили боздоштгоҳ гуфт, ки пулис баъд аз гирифтани баёнот мехост онҳоро раҳо кунад, аммо аз сафорати Тоҷикистон дар Маскав занга зада гуфтанд, ки онҳоро дар боздошт нигоҳ доранд. Ва бояд алайҳи онҳо парвандаи марбут ба терроризм боз кунанд.

Қудратов мегӯяд, дар дастгир шудани онҳо сафорати Тоҷикистон даст дорад ва маҳз бо супориши онҳо дастгир шудаанд.

Қудратов баъд аз раҳо шуданаш бо пахши наворе дар канали ютубияш гуфт, ки баъд аз 6 соати боздошт пулис онҳоро раҳо кард. Аммо онҳо дар ташкили гирдиҳамоии ғайриқонунӣ бо иштироки рӯзноманигорон мутаҳам мешаванд.

Ин ҳомии ҳуқуқ мегӯяд, санаде, ки нисбати онҳо тартиб дода шуд, ҳаммаш дурӯғ ва туҳмат аст. Онҳо либосҳоро ба мақсади ташкили пикет ва ё эътирозе напӯшида буданд.

То ҳол дар мавриди гуфтаҳои Шуҳрат Қудратов сафорати Тоҷикистон дар Маскав вокунише накардааст.

Ёдовар мешавем, ки 25 марти соли ҷорӣ иззат Амон, ҳомии ҳуқуқи муҳоҷирон дар Маскав ғайб зад ва як рӯз баъдаш дар Душанбе пайдо шуд. Гуфта мешавад, ки мақомоти Русия бо дархости Тоҷикистон шаҳрвандии ӯро бекор карда ва ба Душанбе истирдодаш карданд.

Рӯзи 27 март мақомоти Тоҷикистон Иззат Амонро бо моддаи 247-и КҶ (қаллобӣ) парванда боз кард ва барои ду моҳ ба ҳабси пешакӣ гирифт. Баъд аз гузашти ду моҳ боз хабар дод, ки ӯ барои ду моҳи дигар ба ҳабс гирифта шудааст.

Ҷунайдуллоҳи Худоёров, як фаъоли шабакаи иҷтимоии Фейсбук бо навиштани