Бино ба иттилои нерӯҳои марзбонии Лаҳистон, аз аввали моҳи октябр то кунун беш аз ҳафт ҳазор талоши убури ғайриқонунии марз аз Беларус ба Лаҳистон сабт шудааст. Аммо аз аввали моҳи сентябр ин шумора тақрибан 20 ҳазор нафар рост меояд.
Пеш аз ин, палатаи поёнии парлумони Лаҳистон (Сейм) будҷаи сохтмони девор дар сарҳад бо Беларусро тасдиқ кард, ки ҳазинаи он 359 миллион евро бароварда шудааст.
Баъд аз ба сари қудрат омодани Толибон дар Афғонистон кишварҳои ҳаммарз бо Афғонистон нерӯҳои амниятии худро дар марз бо ин кишвари ҳамсоя тақвият бахшидаанд. Инчунин Русия моҳи август ду размоиши низомӣ, яке дар наздикии марзи Афғонистон бо Узбакистон ва дигаре бо Узбакистону Тоҷикистон баргузор кард.
Аксҳои моҳвораии тоза нишон медиҳанд, ки бонди фурӯдгоҳи ҳарбии ноҳияи Фархори Тоҷикистон баъд аз таътили чандсолаҳо аз нав тармим шудааст.
Гуфта мешавад, ин бонд (нуқтаест дар фурӯдгоҳ, ки барои бархостан ва нишастани ҳавопаймоҳо омода шудааст)-и фурӯдгоҳ дар аввалҳои моҳи октябри соли ҷорӣ тармим шуда ва эҳтимол меравад тармими он бо сармоягузории кишвари Ҳиндустон сурат гирифта бошад.
Фурӯдгоҳи Фархор агар пурра мавриди истифода қарор гирад, он дуввумин фурӯдгоҳе дар Тоҷикистон хоҳад буд, ки идораи он дар дасти нерӯҳои низомии Ҳиндустон қарор мегирад. Пеш аз ин тарҳи бозсозии фурӯдгоҳи “Айнӣ”, ки дар 15-километрии шаҳри Душанбе ҷойгир аст, бо сармоягузории 70 млн доллории Ҳиндустон соли 2006 бозсозӣ шудааст.
Фурӯдгоҳи “Айнӣ” ва фурӯдгоҳи Фархор ягона пойгоҳҳои махфии Ҳиндустон дар хориҷ маҳсуб мешаванд. Ва ҳеч маълумоти расмие то ҳол на аз ҷониби Тоҷикистон ва на аз ҷониби Ҳиндустон дар бораи вуҷуди нерӯҳои низомӣ ва аслиҳаву муҳиммоти ҷангӣ дар ин пойгоҳҳо ироа намешавад.
Ин конфронс бо ҳузури раҳбарияти Созмони амният ва ҳамкории Аврупо, Иттиҳоди Аврупо ва созмони Афви байналмилал ва дигар намояндаҳои кишварҳои узв ва созмонҳои байнулмилалӣ оғоз ба кор кард.
Имсол ба фарқ аз солҳои қабл, ки конфронсҳои солонаи САҲА ба муддати даҳ рӯзи корӣ баргузор мешуд ва иштирокчиёни зиёде дар ҷаласаҳои он ҳузурӣ роҳ меёфтанд, ин конфронс дурӯза буда, ширкаткунандагони он ба сурати ҳузурӣ ва онлайнӣ тариқи барномаи ZOOM иштирок мекунанд. Ташкилкунандагони ин конфронс сабаби дар шакли гузашта баргузор нашудани онро ба мувофиқа нарасидани кишварҳои узв арзёбӣ карданд.
Ҳайати иштироккунандаи Ҳукумати Тоҷикистон, ки дар ин конфронс эълом нашудааст, ки киҳо мебошанд ва чанд нафар ҳастанд, аммо аз гурӯҳҳои мухолифин ҳудуди 10 нафар иштирок мекунад. Аз ҷумла намояндагони Паймони Миллии Тоҷикистон ва Ҳаркати “Гурӯҳи 24” ва як намоянда аз пайвандони зиндониёни сиёсии Тоҷикистон иштирок мекунанд.
Вале аз намояндагони ҷомеаи мадании Тоҷикистон аз дохили кишвар дар ҷаласаҳои ҳузурӣ дар ин конфронс касе ширкат намекунад.
