Гуфта шудааст, ки баргардонидани шаҳрвандон бо ҳамкорӣ бо мақомоти марбутаи Ҷумҳурии Қазоқистон сурат гирифтааст, ки бо парвози махсуси ширкати “Сомон Эйр” муталлиқ ба Ҳасанд Асадуллозода, додарарӯси Президент, анҷом пазируфтааст.
Қабалан низ чунин бозгардониҳо буданд, ки мақомоти тоҷик гуфта буданд, ки бо дастур ва ҳидоятҳои Президент, муҳоҷирони дармонда дар марзи Қазоқистон ва Узбекистонро бар гардонидем. Вале баъдтар сафи дармондаҳо бештар шуд ва бо дахолат ва кумаки давлати Норвегия шаҳрвандони Тоҷикистон аз марз, ки рӯзҳои зиёде азоби сахтро аз сар гузаронида буданд, ба Ватан бозгардонида шуданд.
Вале як манбаъ аз Ҳукумати ноҳияи Шаҳритус ба “Аздо тв” ба шарти зикр нашудани номаш гуфт, “Ин бозор ба ном ба ихтиёри Тоҷикматлубот қарор дорад ва дар тақсимоти ҷойҳои тоҷирон, на ба Тоҷикматлубот ва на Раиси ноҳия дахл дорад, онҳо ҳеҷ коре карда наметавонанд, зеро дар паси ҳамаи ин корҳо Муҳиб Асадуллозода додарарӯси раиси ҷумҳурии Тоҷикистон қарор дорад, ки дар Шаҳритус бе иҷозаи ӯ касе як хасро аз ҷояш ҷумонда наметавонад”.
Шояд ба хотири интихоботи дар пешистода ҷойҳои тоҷиронро се чор метр неву ду метри тақсим кунанд, вале боз агар Ҳоҷи Муҳиб розиги диҳад, агар ӯ не гӯяд, касе коре карда наметавонад, мегӯяд манбаи мо.
Айни ҳол дар ноҳияи Шаҳритус ду бозор фаъол аст, бозори марказӣ ва бозори “Ином”. Чанд сол пеш моликони бозори “Ином” бар сари тақсими бозор бо Муҳибулло Саъдуллоев, ба таъбири худаш “номардбошу зинда бош” баҳс доштанд, ки дар натиҷа молики асосии бозори “Ином” Абдуллоев барои чанд сол равонаи зиндон шуд.
Оташсӯзӣ дар бозори марказии ноҳияи Шаҳритус 28-уми майи имсол рух дод. Тоҷирон мегӯянд, мақомот ба онҳо ваъдаи сабукӣ дар пардохти андозу баҳраҳои бонкӣ доданд, аммо нагуфтанд, ҷуброни зарарро кӣ пардохт мекунад. Мақомот зиёни сӯхтор дар бозори марказии ноҳияро беш аз 4 миллион сомонӣ (400 ҳазор доллар) ҳисоб карда буданд.
Ҳамчунин Шӯрои сиёсии ҲСДТ гуфтааст: “Ҳаммаи комиссияҳои интихоботи ва субъектҳои пешбарикунандаи номзад ба президенти ҶТ (ҳизбҳои сиёсӣ, маҷлисҳои вилоятии намояндагони халқ, иттифоқи касаба, кумитаи кор бо ҷавонон сохторҳои хокимияти давлатианд ва фаъолияташон ба манфиати президенти амалкунанда нигаронида шудааст.
Зоиров навиштааст, ки дар асоси далелҳои дар боло зикр гардида ва бо назардошти вазъи феълӣ бо риояи нагардидани меъёрҳои қонунгузории интихоботи демократи ва озоду шаффоф, манофеи ҷомеа ва давлатдории мутамаддин мешавад, Шӯрои сиёсии ҳизб аз пешбарии номзад ба мансаби президенти ҶТ ҳамҷун намоянда аз ҲСДТ бо сабаби ғайриконститутсионӣ таъйин шудани интихобот ва дигар сабабҳои дар боло зикргардида худдорӣ мекунад ва онро таҳрим менамояд.
Акс аз сомонаи Пулиси милли Украина (www.npu.gov.ua)
Пулиси миллии Украина аз анҷоми парвандаи гурӯҳи ҷиноятие хабар дод, ки дар шарқи Украина вилояти Закарпатйе ноҳияи Високоберезнянскийи як оилаи 4-нафараи зодагони Тоҷикистонро гаравгон гирифта буданд. Дар ин бора торнамои Пулиси милии Украина рӯзи 27 август хабар дод.
Бино ба иттилои Пулиси Украина дар байни гаравгонон ду кудак ва як вакили маҳалла низ будааст, ки онҳоро дар як таҳхона нигоҳ медоштаанд. Ҷинояткорон аз ин нафарон 7 ҳазор доллар, санадҳо, сару либос ва телефонҳои мобилиашонро гирифта, дар таҳхона маҳкам кардаанд, то ба пулис хабар надиҳанд.
Ба навиштаи Пулиси Украина яке аз ин тоҷикҳои дар асоратбуда тавониста, ки фирор кунад ва ба пулиси хабар диҳад. Нерӯҳои вижаи пулис се узви ин гурӯҳи ҷиноиро дастгир карда, гаравгонҳоро озод карданд. Асирон гуфтанд, ки онҳоро дар таҳхона азобу озор медоданд, бо корду туфангча таҳдид ва таҳқирашон мекарданд ва онҳо пасмондаҳоро мехӯрданд, то намиранд.
