Ин узр, мебоист узри Эмомалӣ Раҳмон, раиси Ҷумҳури Тоҷикистон мебуд. Пешвои миллат мебоист дар як суханронии махсус иллати ҳудуди ду моҳ ва он ҳам дар шурӯъи фасли сармо ба мардум тариқи режим додани нерӯи барқро шарҳу тавзеҳ мекард. Ва мегуфт, ки дар интихобот ба ман барои Роғун овоз додед, шуморо ин бор ҳам ноумед кардам.
Раҳмон дар маросими таҳлиф ё қасамёдкуниаш ба унвони президенти нав дар 30 октябр бо такаббур ва тафохур гуфт, ки “маро барои Роғун интихоб карданд”.
Инҷо дар бораи барои чи интихоб карданд ва ё инки дар ҳақиқат интихобаш карданд, интихоботе, ки интихобот бошад буд ва ё аслан интихобе буд ё не, чизе намегӯем. Зеро худи Эмомалӣ Раҳмон беҳтар аз ҳар кас ва ҳама ба шумули интихобкунанда ва нозирону мушоҳидони интихоботӣ медонад, ки ӯро интихоб накардаанд. Аммо бигзарем аз ин ҳама. Масъала ин аст, ки бо гузашти ҳудудан се даҳа аз замони раёсати Эмомалӣ Раҳмон чаро норасоӣ ва танқисии нерӯи барқ аз байн намеравад?
Раҳмон моҳи январи соли 2017 бо сароҳат ва қотеъият гуфта буд, ки дигар дар Тоҷикистон лимити барқ ҷорӣ нахоҳад шуд ва лимит ба афсона табдил мешавад. Аммо аз ҳамон соли 2017 ба ин сӯ, ки 4 сол мешавад Нозирҷон Ёдгорӣ, сухангӯи ширкати “Барқи тоҷик” медонаду қиссаву афсонабофӣ барои рост кардани ин дурӯғи шохдори Эмомалӣ Раҳмон:
Мақоли мардумии “узри бадтар аз гуноҳ”-ро тафсир чунин аст, ки нафар(оне,ки маъзарат хост) дақиқан медонад, ки гуноҳ содир карда истодааст, зарар мерасонад, набоядам ин корро мекард, авоқиби кори гуноҳашро қабл аз содир кардан медонист, вале хеле ҳам берӯю риё, беҳаёёна, бераҳмона, беинсофона кори гуноҳро кард. Барои ҳамин узри ӯро узри бадтар аз гуноҳ гуфтанд.
Ҳоло ин узр он вақт қабул мешуд, ки аз аввал мегуфтанд, ки авзоъ чунин аст, ҳавзи оби Норакро намешавад бо ҳашар, масалан бо сатилу кӯзаву аробаву мошини обкаш(водовоз)-у оташнишонӣ (пожарник) пур кард. Агар ҳудуди 20 миллион доллар саҳмияҳои харидаамонро ҳам бурда ба он ҳавз андозем ҳам об боло намебарояд, магар инки соҳиби табиат, соҳиби пиряхҳо, соҳиби абру борону барф худаш ба сарвақтамон нарасад.
Манзурам ин аст, ки Раҳмон ва масъулони обу энергетикаи ӯ аз қабл ба мардум воқеиятро мегуфтанд, рости гапро мегуфтанд, в-онгаҳ имрӯз узри онҳо қабул буд, вале ҳоло баъид аст, ки қабул бишавад.
Ба ҳар сурат 9.12.2020 охирин рӯзи бесветӣ эълон шуд. Ку, бубинем, ки ин рӯз охирин хоҳад буд ва ё дар баҳору поизи соли 2021 боз ҳам афсонашунавӣ хоҳем кард.
Сорбон Азимӣ, таҳлилгар
Аз Идораи сомона: Матолибе, ки дар гӯшаи “Блоги Шумо” ба нашр мерасанд, назари шахсӣ ва ё таҳлили муаллифон буда, баёнгари мавқеи “Аздо тв” нестанд.
Ин дар ҳолест, ки чанде қабл роҳбари Палатаи савдо ва саноати Русия, Сергей Катирин аз сарвазир Михаил Мишустин дархост намуда буд то барои вуруди муҳоҷирони меҳнатии ихтисосдор ва оилаҳои онҳо ба Русия иҷозат дода шавад.
Ба гуфтаи ӯ айни ҳол яке аз мушкилиҳои асосӣ дар сиёсати муҳоҷирати Русия нарасидани қувваи корӣ аст.
Ҳамчунин гуфта мешавад, ки аз сабаби баста будани марзҳо ва ворид нашудани муҳоҷирон ба Русия бахши иқтисоди ин кишвар рукуд кардааст. Ҳоло норасоии кормандон дар бахши сохтмон яке аз мушкилиҳое ҳаст, ки чандест мақомоти Русия аз он нигаронӣ мекунанд.
Роҳбари Палатаи савдо ва саноати Русия пешниҳод каардааст, ки бо қарори алоҳидаи ҳукумат тартиби вуруди муҳоҷирони меҳнатӣ бо шарти назорати ҷиддии ширкатҳо ва меъёрҳои амниятии санитарию эпидемиологӣ танзим карда шавад.
Вале то ба имрӯз маълум нест, ки оё ин пешниҳодро ҳукумати Русия қабул мекунад ва ё хайр.
Дар сурати қабул гардидани ин пешниҳод садҳо ҳазор шаҳрвандони Тоҷикистон омодаанд ба Русия сафар намоянд. Чун аксар дар замони пандемия корҳои худро дар Русия аз даст дода буданд ва ноилоҷ бо парвозҳои чартерӣ худро ба Ватан расонданд.
