Додарарӯси Эмомалӣ Раҳмон фосидтарин раис дар Тоҷикистон дониста шуд

Аз ҷониби

17/02/2023

Агентии давлатии молиявӣ ва мубориза бо корруписияи Тоҷикистон мегӯяд, ки додарарӯси Эмомалӣ Раҳмон фосидтар раҳбар дар кишварамон шинохта шудааст.

Имрӯз, 17-уми феврали соли 2023, Султонзода Сулаймон, раиси Агентии давлатии молиявӣ ва мубориза бо корруписияи Тоҷикистон дар нишасти солонааш гуфт, ки соли гузашта корхонаи зери раҳбарии додарарӯси Президенти Тоҷикистон фасодзадатир ширкат шинохта шудааст.

Ба гуфта Сулаймон Давлатзода, дар вақти тафтиши ҳуҷҷату санадҳо дар ширкати алюминийи тоҷик “ТАЛКО”, ки муддати беш аз 15 сол ин ҷониб зери раҳбарии Ҳасан Асадуллозода, додарарӯси Эмомалӣ Раҳмон амал мекунад, зиёда аз 28 миллион сомонӣ зарар ба буҷаи давлатро ошкор кардааст. Дар бораи ҳаҷми дигар пулҳои ошкорнашудаи ин ширкат, ки ҳуҷҷату санадҳои онҳо дар ҳоли таҳқиқ қарор доранд, чизе нагуфтааст.

Гуфта мешавад, ошкор шудани ин қадр пул танҳо дар яке аз корхонаҳои зери раҳбарии Ҳасан Асадуллозода дар ҳоле аз забони раиси Агентии давлатии молиявӣ ва мубориза бо корруписияи Тоҷикистон садо медиҳад, ки чанд рӯзе пеш раиси ширкати “Барқи тоҷик” гуфта буд, қарзи ширкати алюминийи тоҷик “ТАЛКО” дар назди ин ширкат наздик ба 500 миллион сомонӣ расидааст.

Дар акс, Тоҷиддин Пирзода, раҳбари “Тоҷиксодиротбонк”, Ҷамшед Зиёев, раҳбари “Тоҷпромбонк”, Ҳасан Асадуллозода, раҳбари “Ориёнбонк” ва Муродалӣ Алимардон, раҳбари “Агроинвестбонк”. Акс аз Азия Плюс

Аз сӯи дигар, аҳволи дигар корхонаву ширкатҳои зери раҳбарии Ҳасан Асадуллозода низ дар Тоҷикистон, аз он ҷумла “Ориёнбонк” чандон хуб нест ва бархе коршиносон мегӯянд, ки чун бонкҳои дигар афроди оила бузургтар шудаанд, миллиардҳо сомонӣ пасандозҳои мардум ва ширкатҳо дар “Ориёнбонк” дар маърази хатар қарор доранд.

Бадном кардани номи Ҳасан Асадуллозода, раҳбари ширкати алюминийи тоҷик “ТАЛКО” тавассути мақомоти расмӣ, аз ҷумла раиси ширкати “Барқи тоҷик”, раиси Агентии давлатии молиявӣ ва мубориза бо корруписияи Тоҷикистон ва дигар ниҳодҳои давлатӣ амалан як занги хатар ба мардум ва сармоягузорону пасандоздорон дар “Ориёнбонк” аст.

Ва ба гуфтаи онҳо, ин бонки Ҳасан Асадуллозодаро ҳам сарнавишти “Агроинвестбонк”-и Муродалӣ Алимардонов, “Тоҷиксодиротбонк”-т Тоҷиддин Пиров, “Тоҷпромбонк”-и Ҷамшед Зиёев ва пеш аз онҳо сарнавишти “Фононбонк”-и Самихон Қурбонов интизор аст.

Кумакҳои Салиби Сурх ба Сурия ва шартҳои Башор Асад

Аз ҷониби

AZDA TV

17/02/2023

Ҳукумати Башор Асад дар Сурия бо вуҷуди он ки бо созмонҳои байналмилалӣ барои расондани кумакҳо ба зарардигони зилзилаи шаҳри Ҳалаб ба мувофиқа расидааст, аммо тибқи тааҳҳудоташ амал намекунад.

Шаби гузашта расонаи суриягии “

Ин корманди Салиби Сурх дар идомаи суҳбаташ мегӯяд, ҳукумати Башор Асад шарт гузоштааст, ки “агар нисфи кумакҳоро ба онҳо бидиҳем бо як мошини ёрии таъҷилӣ, сипас барои мо иҷозат медиҳанд боқимондаро ба мардуми зарардидаи Ҳалаб расонем. Аммо корвони кумакҳои мо хеле кам аст ва агар мо нисфи онро инҷо холӣ кунем, барои мардуми зарардида чизе боқӣ намемонад.”

Ба ба иттилои расонаҳои маҳаллӣ дар шимолу ғарби Сурия, ки зери дасти мухолифони Башор Асад қарор дорад, кумакҳои созмонҳои ҳуқуқи башарӣ ва байналмилалӣ намерасад ва ин хатари афзоиши марги одамонро ба сабаби заминларзаи 6-уми феврал бештар мекунад.

Маҷаллаи амрикоии “foreign policy” рӯзи чоршанбе, 15-уми феврали соли ҷорӣ дар як гузоришаш навишт, ки ба ҳукумати Башор Асад набояд эътимод кард. Ҳар вақт имкон дорад аз эълони кушодани марзҳо барои расондани кумакҳои башардӯстона ба зарардидагони заминларза ба минтақаҳои зери нуфузи мухолифон, даст бикашад ва аҳдшиканӣ кунад. Зеро Русия бо Сурия намхоҳанд ба мухолифон дар чунин ҳолат ҳам кумакҳои инсонӣ расонида шавад.

Бо иттилои ин маҷаллаи амрикоӣ, ҳукумати Башор Асад бо вуҷуди он ки намегузорад кумакҳо ба зарардидагони қисмати шимолу ғарби ин кишвар бирасад ва ин корро ба хотири ҷазо додану дар муҳосира гирифтани онҳо анҷом медиҳад, инчунин тамоми кумакҳоеро, ки ба номи зарардигаони мухолифин ҷудо шудааст, медуздад.

Тибқи иттилои маҷаллаи “foreign policy“, айни замон дар минтақае, ки зери дасти мухолифон қарор дорад, 4.5 миллион суриягӣ зиндагӣ мекунад, ки онҳо 25% аҳолии Сурияро ташкил медиҳанд ва ин шумори одамони зиёд ҳамагӣ дар 4% замини Сурия ҷамъ шудаанд.

Дар замони ҳамлаҳои Башор Асад 65% зерсохторҳои муҳими ин минтақа аз байн рафта буд, ки дар натиҷа аксари мардум аз оби ошомиданӣ ва барқу дигар лавозими зарурӣ маҳрум гаштаанд.

Гуфта мешавад, қабл аз заминларза ҳам дар ин минтақа 4.1 миллион нафар ба шакли комил ба кумакҳои башардӯстона такя мекарданд. Аммо пас аз заминларза 1.8 миллион нафар дар шароити ноустувор дар зери хаймаҳо зиндагӣ мекунанд. Ин вазъият кумаки ҳарчи бештар ва сареъи созмонҳои байналмилалиро талаб мекунад. Аммо ҳукумати Башор Асад бо маслиҳати Русия барои кумаки онҳо иҷозат намедиҳад.

Юсуф Раҳмон низ намедонад Абдуллоҳи Шамсиддин дар куҷост

Аз ҷониби

firuzihait

17/02/2023

Додситони кулли Тоҷикистон Юсуф Раҳмон дар бораи истирдоди Абдуллоҳи Шамсиддин аз Олмон ба Тоҷикистон ҳатто аз расонаҳо ҳам огоҳ нашудааст ва намедонад ӯ дар куҷост.

Юсуф Раҳмон, Додситони кулли Тоҷикистон имрӯз, 17-уми феврал зимни нишасти хабарӣ гуфт, дар бораи боздошти Абдуллоҳи Шамсиддин, писари узви аршади ҲНИТ Шамсиддини Саид хабаре надорад.

Додситони кул мегӯяд, ки вобаста ба Абдуллоҳи Шамсиддин ягон маълумот надорад ва дар бораи овардани ӯ ба Тоҷикистон агар ягон маълумоти дақиқ пайдо кунад, ҳатман хабар медодааст.

Пештар аз ин Рамазон Раҳимзода, вазири корҳои дохилии кишвар зимни нишасти хабарии ниҳоди зери раҳбариаш гуфт, ки дар бораи истирдоди Абдуллоҳи Шамсиддин аз расонаҳо огоҳ шудааст.

Ба гуфтаи Раҳимзода Вазорати корҳои дохила Абдуллоҳи Шамсиддинро боздошт накардааст ва аз чизе огоҳ нест.

Суоле миёни корбарон пайдо шудааст, ки агар ин ду ниҳоди муҳими давлатӣ дар бораи куҷо будани Абдуллоҳи Шамсиддин чизе надонанд, пас ӯ дар куҷост?

Гуфта мешавад, мақомоти Олмон Абдуллоҳи Шамсиддинро ба хотири замони вуруд ба қаламрави Олмон маълумоти хато пешниҳод кардан боздошт карданд. Пас аз боздошти ӯ, 17-уми декабри соли 2022 ҷамъе аз олмониҳо ва ҳамкоронаш аз ҳукумати ин кишвар хоста буданд, ки паноҳҷӯи тоҷик Абдуллоҳи Шамсиддинро ба Тоҷикистон ихроҷ накунанд, зеро дар онҷо шиканҷаву зиндон ӯро таҳдид мекунад.

Аммо Абдуллоҳи Шамсиддин 18-уми январи соли ҷорӣ аз Олмон тариқи Туркия ба Тоҷикистон ихроҷ шуд. Мақомоти Тоҷикистон билофосила аз дохили ҳавопаймо ӯро боздошт карда, ба ҷои номаълум интиқол доданд ва то ҳол дар бораи макони буду бошаш хабар надодаанд. Номаълум будани макони буду боши Абдуллоҳ хонаводаи ӯро нигарон кардааст.

Баъд аз ихроҷи Абдуллоҳои Шамсиддин аз Олмон ба Тоҷикистон то кунун чанд маротибаи дигар дӯстону ҳамкорон ва дигар фаъолони сиёсӣ барои озодии ӯ ҳамоишҳои эътирозиро дар шаҳри Дортмунди Олмон баргузор карданд.

Дирӯз, 16-уми феврал низ гурӯҳе аз дӯстони Абдуллоҳи Шамсиддин дар назди Идораи кор бо хориҷиёни шаҳри Дортмунди Олмон барои озодӣ ва пасгардондани ӯ гирдиҳамоӣ баргузор карданд. Дар ин гирдиҳамоӣ беш аз 30 нафар тоҷикону олмониҳо, аз ҷумла раҳбари Паймони миллии Тоҷикистон Муҳиддин Кабирӣ низ ширкат кард.

Ҳамдардии сарони Русияву Узбекистон ва Қирғизистон

Аз ҷониби

amrullokhi

17/02/2023

Сарони Русияв, Узбекистон ва Қириғизистон ба пайвандони ҷонбохтагони Тоҷикистон дар асари фаромадани тарма изҳори ҳамдардӣ карданд.

Бино ба иттилои расмӣ, субҳи имрӯз, 17-уми феварали соли 2023 Владимир Путин, Шавкат Мирзиёев ва Содир Ҷабборов ба хотири қурбон шудани 16 нафар дар Вилояти Мухтори Кӯҳистон Бадахшон ба Эмомалӣ Раҳмон изҳори тасаллият карданд.

Ба қавли манбаъ, субҳи имрӯз Президенти Узбекистон Шавкат Мирзиёев ба Эмомалӣ Раҳмон телефонӣ тамос гирифта, дар робита ба ҳодисаи фаромадани тарма дар Вилояти Мухтори Кӯҳистон Бадахшон таъзият ва таслияти самимии ҷониби Узбекистонро ба наздикону пайвандони фавтидагон ва мардуми Тоҷикистон баён кард.

Ҳамзамон Президенти Русия Владимир Путин низ бо ирсоли барқияи изҳори тасаллӣ ба Эмомалӣ Раҳмон гуфт: “Хоҳишмандам ҳамдардии амиқи маро ба наздикону пайвандони нафарони бар асари офати табиӣ халокшуда, ҳамчунин таманниёти шифои оҷилро ба ҳамаи осебдидагон расонед.”

Инчунин Президенти Қирғизистон Содир Ҷабборов ҳам таъкид мекунад: “Аз номи худ ва тамоми мардуми Қирғизистон ба аҳли оила ва наздикони ҳалокшудагон таъзия ва ҳамдардиямонро мерасонам. Барои ҳамаи осебдидагон аз даргоҳи Худованд шифои оҷил хоҳонам”.

Александ Лукашенко Президенти Беларус низ мегӯяд, ки хабари қурбон шудани ин афродро “бо эҳсосоти изтироб ва ҳамдардӣ дарёфтем. Аз номи мардуми Беларус ва шахсан аз номи худам ба Шумо ва пайвандони фавтидагон таслият ва ҳамдардии амиқ арз менамоям.” Ва маҷруҳон шифои комил хостааст.

Гуфта мешавад, субҳи 15-уми феврали соли ҷорӣ дар чанд минтақаи Вилояти Мухтори Кӯҳистон Бадахшон тарма фаромад ва дар натиҷа 16 нафар ҷони худро аз даст дода ва беш аз 18 каси дигар бо ҷароҳатҳои мухталиф дар бемористон бистарӣ гардиданд.

Эмомалӣ Раҳмон расман пас аз 30 соли раҳбарӣ бори аввал ба пайвандони қурбониёни ин ҳодисаҳо таъзия баён кард.

Бархе аз фаъолони ҷомеаи маданӣ таъзияи Эмомалӣ Раҳмонро “таъзияи хушку холӣ” хонда, онро як навъ хокпошӣ болои мардуми Вилояти Мухтори Кӯҳистон Бадахшон баъд аз фармони қатли тазоҳуратгарон боздошту зиндонӣ кардани фаъолони ҷомеаи мадании ин вилоят арзёбӣ карданд.

Додгоҳи олӣ беш аз 100 помириро бо ду парванда зиндонӣ кард

Аз ҷониби

firuzihait

17/02/2023

Раиси Додгоҳи олии Тоҷикистон аз анҷоми парвандаҳои вобаста ба ҳодисаҳои Бадахшон дар соли 2022 хабар дод.

Шермуҳаммад Шоҳиён, раиси Додгоҳи олии Тоҷикистон рӯз 16-уми феврал зимни нишасти хабарӣ гуфт, ки ниҳоди зери раҳбарияш ду парванда нисбати иштирокдорони ҳодисаҳои охир дар Бадахшонро мавриди баррасӣ қарор дода, дар парвандаи якум барои 77 нафар ва дар парвандаи дуюм барои 32 нафар ҷазо таъйин шудааст.

Шоҳиён муътаризони Бадахшонро “саркардаҳои гурӯҳҳои ҷиноятии Хоруғу Рӯшон” номида, гуфт ҳар кас тибқи ҷинояти содиркардааш мувофиқи талаботи қонуни кишвар ба ҷавобгарӣ кашида шуда, аз 1-2 сол то умрбод равонаи зиндон гардиданд.

Раиси Додгоҳи олӣ илова кард, ки дар ин бора маълумоти муфассал пешниҳод карда наметавонад, чун ба парвандаҳо муҳри махфӣ зада шуда, мурофиаҳои додгоҳӣ пушти дарҳои баста баргузор гардидааст. Шоҳиён сабаби махфӣ будани парвандаҳоро, чунин шарҳ дод, ки гӯё ҳодисаҳои дар Бадахшон суратгирифта характери таҳдид ба амнияти давлату мардум ва сохти конститутсионии кишварро доштаанд.

Шоҳиён дар ин нишаст аз филмҳои сохтаи мақомот ва “эътироф”-и чанд фаъоли помирӣ, ки зери азобу шиканҷа гирифта шудаанду дар телевизионҳои давлатӣ ба намоиш гузошта шудаанд, ёдовар шуд.

Раиси Додгоҳи олӣ раҳбарони мардумии Бадахшонро ба он муттаҳам кард, ки гӯё солҳои дароз бо мақсади ноором кардани Тоҷикистон аз ҷониби “хоҷагони хориҷӣ” ва аз мухолифин, ки дар хориҷ аз кишвар қарор доранд, маблағгузорӣ шудаанд. Аммо Шоҳиён дар нишаст номи щеч зодаи Бадахшонро нагирифт ва нагуфт, ки хоҷаи хориҷӣ ва хоин гуфта, киро дар назар дорад.

Инчунин Шоҳиён иддао кард, ки дар ҳодисаҳои ахири Бадахшон, ба қавли худаш, гурӯҳҳои ҷиноятӣ ба куштори кормандони мақомоти ҳифзи ҳуқуқ, бастани роҳи байналмилалии Тоҷикистон-Чин, манъ кардани фаъолияти босуботи мақомотҳои давлатӣ ва зери фиребу фитна ба майдон баровардани сокинон, даст задаанд.

Шермуҳаммади Шоҳиён дар охир гуфт, ки дар ин бора дигар зарурати шарҳу тавзеҳи иловагие нест ва ба иддаои ӯ, ҳоло мардуми Бадахшон “бисёр озодона” ба кору зиндагии худ идома дода истоданду гуруҳҳои ҷиноятӣ ба ҳадафҳояшон, ки ноором кардани Тоҷикистон буд, нарасиданд.

Ин бори аввал нест, ки Шермуҳаммад Шоҳиён фаъолони помириро саркардаҳои гурӯҳҳои ҷиноятиву ҷинояткор меномад. Ба иттилои бархе аз огоҳони умур дар ҳодисаи Бадахшон, худи мақомот даст ба ҷиноят зада, помириҳоро қатлу зиндонӣ кард ва бо ин роҳ боқимонда озодандешонро саркӯб кард. Ҳатто созмонҳои ҷаҳонӣ нафаронеро, ки Шоҳиён ҷинояткор меномад, бегуноҳ дониста, озодии онҳоро талаб доранд.

Зиёда аз 42 ҳазор нафар қурбонӣ дар Сурияву Туркия

Аз ҷониби

amrullokhi

16/02/2023

Омроҳои расмии Туркия ва Сурия нишон медиҳанд, ки шумори қурбониёни ҳодисаҳои заминларза дар ин кишварҳо аз марзи 42 ҳазор гузашт.

Бино ба иттилои расмӣ, имрӯз, 16-уми феврали соли 2023 шумори ҷонбохтагон дар Сурия ба беш аз 5 ҳазору 840 нафар ва дар Туркия бошад, ин теъдод ба 36 ҳазору 187 нафар расидааст.

Бар асоси ҳамин оморҳои расмӣ, теъдоди маҷруҳон дар Туркия ба беш аз 90 ҳазор ва дар Сурия аз марзи 10 ҳазору 58 нафар убур кардааст. Аммо дар бораи теъдоди онҳое, ки беному нишон зери вайронаҳо боқӣ мондаанд, то ҳол омори дақиқе вуҷуд надорад.

Тибқи ин гузоришҳо, дар ҳоле теъдоди маҷруҳон аз марзи 100 ҳазор нафар убур карда, ки ҳамоно пасларзаҳо дар ин минтақа идома дорад ва садҳо ҳазор нафар хонаву кошонаҳои худро тарк карда, ба кӯчаву хиёбонҳо ва дигар манотиқи амн кӯч бастаанд.

ٍМақомоти Туркия эълон кардаанд, ки дар манотиқи осебдида аз ин заминларзаҳои шадид зиёда аз 50 ҳазор бино, аз ҷумла хонаҳои баландошёна дар маърази хатар қарор доранд ва бояд фавран вайрон карда шаванд, то болои сари сокинон чапа нашаванд.

Бо вуҷуди ирсоли кумакҳо ба зарардидаҳо дар шимоли Сурия аҳволи мардуми осебдида то рафт бадтар мешавад, зеро ин заминҷларзаҳои вайронгар шароити зиндагии сокинони ин минтақаи ҷангзадаро, ки солҳост дар муҳосираи артиши Русияву Сурия қарор доранд, бадтар кардааст.

Аксари зарардидаҳои Сурия бар хилофи оворагони Туркия аз онбу ғизо танқисӣ мекашанд. Гуфта мешавад, аҳволашон то рафт дар ин рӯзҳо бадтар шудааст. Зиёда аз 90 дарсади кумакҳои хориҷӣ ва созмонҳои ҷаҳонӣ низ ба қавли Аларабӣ, ба дасти низоми Башшор Асад мерасанд, на ин ки мардуми зарардида дар шимоли Сурия.

Гуфта мешавад, дар ҳоле ки ин хабар таҳия мешуд, аз Қаҳрамонмараш, маркази зилзилаҳои ахир дар Туркия хабар расид, ки баъди 11 рӯз гурӯҳҳои наҷот як духтари 17-соларо пас аз гузашти 248 соат аз вуқуи ҳодиса зинда аз зери вайронаҳо наҷот доданд ва ӯро барои табобат ба бемористон фиристоданд. Гурӯҳҳои наҷот зинда мондани ин навраси 17-соларо яке аз муъҷизаҳо дар ин ҳодиса мегӯянд.

Додгоҳи олӣ: шикояти Пирмуҳаммадзода тасдиқи худро наёфт

Аз ҷониби

AZDA TV

16/02/2023

Додгоҳи олии Тоҷикистон мегӯяд, шикояти рӯзноманигори зиндонӣ Абдусаттор Пирмуҳаммадзода дар бораи шиканҷа шуданаш “тасдиқи худро наёфт”.

Додраси Додгоҳи олии кишвар Абдуқаҳҳор Тағозода 16-уми феврали соли ҷорӣ зимни нишасти матбуотӣ ба хабарнигорон гуфт, ки пас аз шикояти Пирмуҳаммадзода дар бораи шиканҷа шуданаш ҳангоми бозпурсӣ, барои таҳқиқи он Додгоҳи ноҳияи Исмоили Сомонӣ қарор қабул кард, ки додситонӣ шикояти Абдусаттор Пирмуҳаммадзодаро санҷад. Аммо, ба гуфтаи Тағозода, “дар ҷараёни санҷиши додситонӣ шикояти Пирмуҳаммадзода дар бораи шиканҷа “тасдиқи худро наёфт.””

Ин дар ҳолест, ки моҳи октябри соли гузашта Абдусаттор Пирмуҳаммадзода бо ирсоли номае аз зиндон шикоят карда буд, ки зери азобу шиканҷа ва фишори равонии мақомот иттиҳомоти онҳоро “эътироф” кардааст.

Пирмуҳаммадзода дар номаи худ, ки онро Радиои Озодӣ нашр кард, мегӯяд: “Ҳашт-даҳ рӯзи азобу уқубат, изолятсияи комил, таҳдиду таҳқир ва расидан ба аъзои оилаам водор кард, ки гуноҳи накардаро ба дӯш бигирам.“

Ба гуфтаи як коршиноси масоили ҳуқуқӣ, ки аз низоми додгоҳии кишвар огоҳ аст, “ҳеч вақт парвандае, ки супоришӣ бошаду бар илова иттиҳоми ҳамкорӣ бо гурӯҳҳои мухолифон зада бошанд, мунсифона тафтишу баррасӣ намешавад ва дар ин парвандаҳо шиканҷа хеле зиёд ҷой дорад, бе шикоят ҳам инро мақомоти болоӣ худашон хуб медонанд.”

Ёдовар мешавем, ки рӯзноманигор Абдусаттор Пирмуҳаммадзодаи 44-сола сокини шаҳри Ваҳдат буда, мақомоти Тоҷикистон ӯро 8-уми июли соли 2022 дар ин шаҳр боздошт карданд. Мақомот ӯро бо иттиҳоми ҳамкорӣ бо гурӯҳҳои мухолифин айбдор карда, 26-уми декабри соли гузашта ба 7 соли зиндон маҳкум кард.

Мақомоти кишвар пеш аз ӯ чанд рӯзноманигори дигарро, ки дар наворҳои худ аз мушкилоти ҷомеа мегуфтанд, аз ҷумла Далери Имомалӣ, Абдуллоҳ Ғурбатӣ, Завқибек Саидаминӣ Улфатхоним Мамадшоева ва дигаронро боздошт ва баъдтар ба солҳои тӯлонӣ равонаи зиндон кард.

Барандаи $1 млн ёфт шуд

Аз ҷониби

firuzihait

16/02/2023

Барандаи 1 миллион доллари лотереяи “Dubai Duty Free Millennium Millionaire”-ро, ки дар шабакаҳои иҷтимоии тоҷикӣ меҷустанд, ёфт шуд.

1-уми феврали соли ҷорӣ дар терминали 2-юми Фурӯдгоҳи байналмилалии Дубай, бузургтарин фурӯдгоҳи ҳавоии Имороти Муттаҳидаи Араб, қуръакашии 413-уми “Duty Free Millennium Millionare” баргузор шуда, ки дар он соҳиби ҷоизаи асосӣ – $1 млн зодаи Тоҷикистон Абдувалӣ Аҳмадалӣ гашт.

Хабаргузории “Gulf News” он замон хабар дода буд, ки Аҳмадалӣ ҳанӯз аз худ хабар надода, чиптаи лотереяи бурдноки рақами 4226-ро рӯзи 16-уми январ тавассути интернет харидорӣ кардааст.

Баъд аз нашри ин хабар шабакаҳои иҷтимоии тоҷик онро бознашри густарда карданд, корбарон барандаи 1 миллион долларро меҷустан ва нимшухиву нимҷиддӣ менавиштанд, ки “Дар Тоҷикистон сокинон Абдувалӣ ва пиёзро кофта истодаанд”.

Аммо дере нагузашта акси ин зоддаи Тоҷикистон бо ҷоиза дар даст нашр шуд.

Бино ба иттилои your.tj. Абдувалӣ Аҳмадалии 31-сола зодаи шаҳри Хуҷанди вилояти Суғд буда, аз соли 2007 дар Дубай зиндагӣ мекардааст. Абдувалӣ донандаи забонҳои русӣ, англисӣ, арабӣ, ҳиндӣ, туркӣ ва узбекӣ буда, аз рӯи ихтисос барномасоз-иқтисодчӣ мебошад ва дар caromoto.com – “сервиси” харидани мошинҳо аз ИМА, кор мекунад.

Худи Абдувалӣ Аҳмадалӣ дар суҳбат бо your.tj гуфтааст, ки ин аввалин миллиони ӯ нест ва аллакай тасмим гирифтааст, ки онро чӣ гуна сарф мекунад, аммо намехоҳад дар ин бора чизе бигӯяд.

Лотореяи “Dubai Duty Free Millennium Millionaire” аз соли 1999 инҷониб идома дорад ва ҳамасола бо фосилаи 2-3 ҳафта дар маҷмааи савдои “Dubai Duty Free” гузаронида мешавад.

Нархи як чипта 1000 дирҳами арабӣ (278 доллар) буда, дар шумораи чиптаҳое, ки ҳар як мусофир харида метавонад, маҳдудият вуҷуд надорад.

Дар баробари 1 $млн ширкаткунандагон метавонанд соҳиби дигар ҷоизаҳо низ гарданд.

Инчунин, дар қуръакашии рӯзи 1 феврал дар лотереяи “Dubai Duty Free Millennium Millionaire” Ясас Налин Патирана аз Шри-Ланка барандаи мотосикли тамғаи “BMW R nineT Pure” ва тоҷири ҳиндустонӣ Амит Сараф соҳиби мошини гаронбаҳои “Mercedes Benz S500” шуданд. Амит Сараф 20-уми январи соли 2021 барандаи $1 млн шуда буд.

Дар Тоҷикистон техникаҳои низомии артиш навсозӣ мешаванд

Аз ҷониби

amrullokhi

16/02/2023

Дар шаҳри Душанбе ҷасалаи Шӯрои амнияти Тоҷикистон бо раҳбарии Эмомалӣ Раҳмон, аъзои ҳукумат, аз ҷумла раҳбарони сохторҳои қудратӣ баргузор гардид.

Бино ба иттилои расмӣ, субҳи имрӯз, 16-уми феврали соли 2023, дар шаҳри Душанбе “ҷаласаи васеи Шӯрои амнияти кишвар доир ба масъалаи вазъи муқовимат ба таҳдиду хатарҳои муосир ва чораҳои тақвият бахшидан ба таъмини амнияти давлат ва суботу оромии ҷомеа баргузор гардид.”

Ба қавли манбаъ, дар ин ҷаласа бар иловаи Эмомалӣ Раҳмон, Саймумин Ятимов, раиси Кумитаи давлатии амнияти миллии Тоҷикистон низ дар бораи “вазъи воқеии таъмини амният ва суботу оромӣ дар кишвар ҳисобот додааст.”

Инчунин Эмомалӣ Раҳмон ба роҳбарони сохторҳои низомӣ супориш дода, ки “навсозии техникии Қувваҳои Мусаллаҳро тезонида, 70 иншооти инфрасохтори сарҳадӣ, аз ҷумла дидбонгоҳҳои сарҳадиро, ки бунёд шуда истодаанд, бо тамоми таҷҳизоту шароити зарурӣ соли ҷорӣ ба истифода супоранд.”

Гуфта мешавад, дар ин ҷаласа, ки “Стратегияи муқовимат ба терроризм ва экстремизм дар Ҷумҳурии Тоҷикистон барои солҳои 2021 – 2025” мавриди баррасӣ қарор гирифт, дар бораи маблағгузории терроризм ва пешгириву ошкор намудани омилҳои он низ баҳс шудааст.

Ҳамзамон, “ба Бонки миллӣ супориш дода шуд, ки назорати риояи қонунгузориро дар фаъолияти бонкҳои давлатӣ, тиҷоратӣ, хусусӣ ва ташкилотҳои қарзии ғайрибонкӣ ҳангоми пешбурди амалиётҳои бонкӣ пурзӯр намояд.”

Чаро шоҳроҳи Душанбе-Бохтар дар давоми як сол хароб шуд?

Аз ҷониби

AZDA TV

16/02/2023

Шоҳроҳи Душанбе-Бохтар, ки охири моҳи октябри соли 2021 бо ҳузури Президент, Эмомалӣ Раҳмон ифтитоҳ ёфта буд, аллакай хароб шуда, бо сифати паст сохта шуданаш маълум шудааст.

Як корбар дар шабакаи иҷтимоии Фейсбук бо номи

Ҳамзамон дар зери ин пост Раҷаби Мирзо, рӯзноманигори маъруфи тоҷик навишта, “масъалаи асосӣ ин аст, ки чаро ин лоиҳаи гаронарзиш бо сифати паст анҷом шудааст?“

Ин дар ҳолест, ки 29-уми октябри соли 2021 роҳи мошингарди Душанбе-Бохтар бо иштироки худи Эмомалӣ Раҳмон ифтитҳо шуд ва расонаҳои давлатӣ аз сифати ин роҳ тавсифи хеле зиёд карда буданд.

Он шабу рӯз дафтари матбуоти раёсатҷумҳур навишт, ки “марҳилаи аввали лоиҳа 33,2 километрро дар бар гирифта, дар натиҷаи амалӣ гаштани он, роҳ аз категорияи сеюм ба категорияи яки “Б” гузаронида шуд. Паҳноии роҳ аз 16 то 25 метрро ташкил медиҳад.”

Тибқи иттилои расмии дафтари матбуоти раисҷумҳур, шоҳроҳи мазкур бо харҷи наздики 97 миллион доллари америкоӣ маблағҳои грантӣ ва қарзии Бонки Осиёии Рушд, Фонди ОПЕК ва беш аз 17 миллион доллар саҳми Ҷумҳурии Тоҷикистон бунёд шудааст.

Гуфта мешавад, дар тармим ва сохтани ин роҳ “наздики 400 нафар кормандону мутахассисони тоҷик ва 50 мутахассиси хориҷӣ мутобиқ ба талаботи меъёрҳои байналмилалии роҳсозӣ” ширкат кардаанд.

Вале сокинони кишвар мепурсанд, ки чаро бо вуҷуди масрафи маблағҳои ҳангуфт ва ширкати мутахассисони дохилӣ ва хориҷӣ, роҳ ин қадар бесифат сохта шудааст?

1...300301302...742 саҳифаи 301 аз 742

ШАБАКАИ ХАБАРРАСОНӢ ВА ТАҲЛИЛӢ

Додарарӯси Эмомалӣ Раҳмон фосидтарин раис дар Тоҷикистон дониста шуд

Кумакҳои Салиби Сурх ба Сурия ва шартҳои Башор Асад

Юсуф Раҳмон низ намедонад Абдуллоҳи Шамсиддин дар куҷост

Ҳамдардии сарони Русияву Узбекистон ва Қирғизистон

Додгоҳи олӣ беш аз 100 помириро бо ду парванда зиндонӣ кард

Зиёда аз 42 ҳазор нафар қурбонӣ дар Сурияву Туркия

Додгоҳи олӣ: шикояти Пирмуҳаммадзода тасдиқи худро наёфт

Барандаи $1 млн ёфт шуд

Дар Тоҷикистон техникаҳои низомии артиш навсозӣ мешаванд

Чаро шоҳроҳи Душанбе-Бохтар дар давоми як сол хароб шуд?

Дар бораи мо

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

Дар бораи мо