Валидимир Путин, раисҷумҳури Русия рӯзи чоршанбе дар як суханронии телевонӣ гуфт, эҳтимол ҷанг дар Украина тӯлонӣ шавад.
Путин, ки ҳечгоҳ дар мавриди идома ёфтани ҷанг дар Украина ибрози назар накарда буд, ин бор аз тӯлонӣ шудани ҷангу аз афзоиши таҳдиди оғози ҷанги ҳастаӣ низ ёдовар шуд.
Ӯ мегӯяд, барои расидан ба аҳдофаш маҷбур аст то муддати тӯлонитаре бо Украина биҷангад. Владимир Путин афзуд, ки айни замон барои басиҷи дигарбораи сарбозони захиравӣ ба артиш зарурате намебинад. Вале дар оянда шояд ин фармонро бори дигар содир кунад.
Раисҷумҳури Русия зимни суханронияш аз афзоиши эҳтимоли сар задани як ҷанги ҳастаӣ низ ёдовар шуд. Аммо, ба гуфтаи ӯ, артиши Русия бесабаб таҳдид ба истифода аз силоҳи ҳастаиро нахоҳад кард.
Владимир Путин таъкид кард, ки “мо маънои силоҳи ҳастаиро медонем ва девона нашудаем, ки онро монанди теғ дар дастамон гирифта, гирди дунё бидавем.“
Изҳороти ахири Путин дар бораи ҷанги ҳастаӣ дар ҳолест, ки чандест мақомоти кишварҳои ғарбӣ аз коҳиши таҳдидҳои ӯ дар бораи истифодаи ин силоҳи сангин мегуянд. Ва пештар борҳо аз ҷониби Русия ҳушдор дода шуда буд, ки дар ҳолати зарурат ин кишвар дар ҷанг бо Украина аз силоҳи ҳастаӣ истифода хоҳад кард.
Ба гуфтаи волии Ҳирот, куштани олимон ва шахсони бонуфузи Афғонистон бо як тарҳрезии мушаххас аз беруни кишвар роҳнамоӣ мешавад. Ва одатан касоне, ки дар куштани олимони динӣ даст доранд, “шахсони ҷоҳиланд аз дин маълумоте надоранд.”
Ӯ ҳамчунин гуфт: “Ҳоло маҷбур ҳастем, ки миллати худро дар ҷараён бигузорем, гоҳе авқот мо як қотилро пайдо кардем. Аз ҳамин Ҳирот, ки мардуми бегуноҳро шаҳид мекарда. Ӯ аз Душанбеи Тоҷикистон меравад ба Русия ва аз Русия меравад ба Туркия ва аз Туркия меояд ба Эрон ва аз Эрон тавассути марз меояд ба Ҳирот”.
Дирӯз, 06-уми декабр дар давлати Қатар бозиҳои ниҳоии даври 1/8 финали Ҷоми ҷаҳонии футбол-2022 миёни мунтахабҳои Марокашу Испания ва Португалияву Швейтсария баргузор гардид.
Бозии аввал миёни мунтахабҳои Испания ва Марокаш баргузор гардида, мухлисон ва коршиносони соҳаи футбол дар ин вохӯрӣ бартариятро ба Испания дода буданд. Аммо мағрибиҳо тавонистанд дар баробари испониёиҳо истодагарӣ кунанд ва қисми асосиву иловагии бозиро мусовӣ анҷом диҳанд.
Дар силсилаи пеналтӣ бозигарони мунтахаби Марокаш, асосан дарвозабони он Ёсин Буну дар баробари бозигарони Испания бартарият нишон дода, ҳарифи худро бо ҳисоби 3:0 шикаст дода, нахустин бор ба даври ¼ финали Ҷоми ҷаҳон роҳхат пайдо карданд.
Ёдовар мешавем, ки дар Ҷоми ҷаҳонии футбол-2018 тими Испания низ дар марҳилаи 1/8 финал аз тими Русия дар силсилаи пеналтӣ мағлуб шуда буд. Он замон дар лаҳзаи халкунанда Игор Акинфеев зарбаи Яго Аспасро бо пояш баргардонда буд.
Пас аз ҳар давраи музокироти марзӣ байни ин ду кишвар, Тоҷикистон на ба расонаҳои давлатӣ ва на ба ғайридавлатӣ аз ҷузъиёти мулоқоти ҷонибҳо чизе намегӯяд ва онро аз мардум мепӯшонад. Аммо ҷониби Қирғизистон дар ин масъалаҳо нисбатан шаффоф буда, мақомоти он кишвар пайваста дар бораи бурду бохтҳои худ дар ин хусус бо мардуми қирғиз суҳбат мекунанд.
