Хона блог саҳифа 352

Интиқоди USCIRF аз маҳдудиятҳои динӣ дар Тоҷикистон

Аз ҷониби
AZDA TV
-
0

Комиссари Комиссияи Амрико дар умури озодиҳои мазҳабӣ бори дигар аз фишори мақомоти Тоҷикистон болои диндорон ва ҷорӣ кардани маҳдудиятҳои мазҳабӣ интиқод кард.

Муҳаммад Маҷид, комиссари Комиссияи Иёлоти Муттаҳидаи Амрико дар умури озодиҳои байналмилалии динӣ рӯзи 8-уми март бо интишори номае

Комиссари Комиссияи ИМА дар умури озодиҳои динӣ дар ҳоле аз вазъи ҳуқуқу озодиҳои мазҳабӣ дар Тоҷикистон интиқод мекунад, ки тибқи гузоришҳои солонаи ин созмон аз соли 2016 пайҳам Тоҷикистон шомили кишварҳои поймолкунандаи озодиҳои байналмилалии динӣ ва мазҳабӣ мешавад.

Ин созмон соли 2022 дар гузориши солонаи худ ба Департаменти Давлатӣ тавсия дод, ки 15 кишварро дар рӯйхати “кишварҳои мавриди нигаронии махсус” шомил кунад, ки Тоҷикистон низ ҷузъи ин 15 кишвар аст.

Ин кишварҳо иборатанд аз: Бирма, Чин, Эритрея, Эрон, Кореяи Шимолӣ, Покистон, Русия, Арабистони Саудӣ, Тоҷикистон, Туркманистон, Афғонистон, Ҳиндустон, Нигерия, Сурия ва Ветнам.

Дар гузориш гуфта мешуд, ҳукуматҳои ин кишварҳо ба “қонунвайронкуниҳои систематикӣ, давомдор ва дағалона” даст мезананд.

Дар Гурҷистон чӣ мегузарад?

Аз ҷониби
firuzihait
-
0

Шаби 7-уми марти соли ҷорӣ ҳазорон нафар аз шаҳрвандони Гурҷистон ба хиёбонҳои шаҳри Тбилиси баромада даст ба гирдиҳамоиҳои эътирозӣ заданд.

Эътирозҳои оммавии шаҳрвандони Гурҷистон баъд аз он сар зад, ки парлумони ин кишвар аз тарҳи “қонун дар бораи агентҳои хориҷӣ” пуштибонӣ кард.

Эътирозгарон мегӯянд, бо қабули ин қонун нафарони зиёде бо ин баҳона зиндонӣ мешаванд, чӣ гунае ки Русия даҳ сол боз барои саркӯби мухолифони худ аз он истифода мекунад.

Бино ба иттилои расонаҳои гурҷӣ, ҳазорон эътирозгар бо парчамҳои Гурҷистон, Иттиҳодияи Аврупо ва Украина дар назди бинои порлумон дар шаҳри Тбилиси ба эътироз баромада, хиёбони марказиро бастанд. Дар наворҳо дида мешавад, ки эътирозгарон “Нест бод қонуни Русия!” шиор медиҳанд.

Нерӯҳои амниятӣ барои наздик нашудани эътирозгарон ба бинои порлумон ба сӯи онҳо аз гази ашковар ва мошинҳои обпош истифда бурданд. Эътирозгарон бошанд аз коктейлҳои Молотово ва санг истифода кардаанд.   Дар натиҷа миёни нирӯҳои амниятӣ ва эътирозгарон задухурд сар зад, ки даҳҳо нафар захмӣ гаштаанд.

Инчунин ба навиштаи баъзе расонаҳо пулис зидди эътирозгарон аз тирҳои резинӣ истифода кардааст.

Гуфта мешавад, беш аз 66 нафар эътирозгар, аз ҷумла чанд тан аз раҳбарони мухолифон аз ҷониби мақомот боздошт шуданд.

Мухолифин дар навбати худ аз идомаи эътирозҳо дар назди бинои ҳукумати Гурҷистон баъд аз зуҳри имрӯз ба вақти Гурҷистон хабар доданд.

Дар охири моҳи феврал вакилони Гурҷистон аз ҳизби “Сила народа”, ки миёни мардум мухолифи Ғарб номида мешавад, лоиҳаи қонун дар бораи сабти номи ҳатмии “агентҳои хориҷӣ”-ро пешниҳод кард.

Тибқи ин қонун ҳар созмоне, ки беш аз 20 дарсади маблағгузории худро аз хориҷ дарёфт мекунад, бояд ҳамчун “агенти хориҷӣ” сабти ном шавад, вагарна бо ҷаримаи ҳангуфте рӯбарӯ мешавад. Ба гуфтаи мухолифон, ин иқдом ба маҳдуд кардани фаъолияти ҳомиёни ҳуқуқ ва матбуот равона шуда, зидди ворид шудани ин кишвар ба ИА нигаронида шудааст.

Гуфта мешавад, ба ҳамин қонун монанд дар Русия соли 2012 қабул шуда буд ва то имрӯз барои саркӯби мухолифон истифода мешавад.

Шоми рӯзи сешанбе лоиҳаи қонун дар қироати аввал дар парлумон пазируфта шуд ва бояд аз хониши дуюм ва сеюм гузарад. Аммо чун аз ҳизби ҳокими “Грузинская мечта” пуштибонӣ мешавад, интизор меравад, ки парлумон онро тасдиқ кунад.

Сарвазири Гурҷистон Иракли Гарибашвил аз қонун дар бораи “агентҳои хориҷӣ” ҳимоят кард ва гуфт, ки созмонҳои ғайридавлатӣ “бар зидди давлатдорӣ ва манофеи давлат мубориза мебаранд”. Вай ваъда дод, ки Гурҷистон ҳама корро мекунад, то мақоми номзад ба узвияти Иттиҳодияи Аврупоро ба даст орад.

Ҳамзамон Иттиҳодияи Аврупо гуфт, ин қонун хилофи шартҳои дарёфти узвият дар ин иттиҳодия аст. Сафорати ИМА дар Гурҷистон қабули ин тарҳро “рӯзи сиёҳ барои демократияи Гурҷистон” номид.

Дар ҳамин ҳол Саломе Зурабишвили, раисҷумҳури Гурҷистон аз эътирозгарон ҳимоят кард ва ваъда дод, ки ба қонун вето мегузорад.

ВКД як муттаҳамро баъди 9 соли ҷиноят боздошт кард

Аз ҷониби
AZDA TV
-
0

Шуъбаи Вазорати корҳои дохилӣ дар шаҳри Исфара мардеро боздошт кардааст, ки ба даст доштан дар як ҷинояти қаллобии 9 соли пеш суратгирифта муттаҳам мешавад.

Маркази матбуоти Вазорати корҳои дохилии Тоҷикистон 7-уми марти соли ҷорӣ хабар дод, ки як марди 56-солаи сокини шаҳри Исфара бо гумони қаллобӣ ва гирифтани пора аз ҷониби кормандони шуъбаи Вазорати корҳои дохилии шаҳр боздошт шуд.

Дар хабари ВКД аз гумонбар ном бурда нашудааст, аммо гуфта мешавад, ин марди 56-сола моҳи феврали соли 2014 бо роҳи фиреб ба боварии як ҷавони 24-солаи сокини маҳаллӣ даромада, “ба ваъдаи гирифта додани қитъаи замини наздиҳавлигӣ ба масоҳати 0,06 га аз ҳудуди шаҳри Исфара 13 ҳазор доллари амрикоиро гирифта ба манфиати шахсиаш сарф намудааст.”

Вазорати корҳои дохилӣ ҳамчунин нагуфтааст, ки боздоштшуда он солҳо чӣ мансабу вазифае дошт, ки барои гирифтани қитъаи замин ба дигарон ваъда додааст.

“Нисбати гумонбаршаванда, парвандаи ҷиноятӣ бо моддаи 247 қисми 4 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.”, таъкид мешавад дар хабари ВКД.

Интиқоди СММ аз саркӯби озодии баён дар Тоҷикистон

Аз ҷониби
firuzihait
-
0

Комиссари олии Созмони Милали Муттаҳид дар умури ҳуқуқи башар аз вазъи бади озодии баён дар Тоҷикистон интиқод кард.

Волкер Турк, Комиссари олии СММ дар умури ҳуқуқи башар дирӯз, 07-уми март зимни Иҷлосияи 52-юми ҳуқуқи башари ин созмон дар Женева баррасии вазъи ҳуқуқи инсон дар 40 кишвари ҷаҳонро ба миён гузошт.

Ӯ бо ибрози нигаронӣ гуфт: “Дар Тоҷикистон рӯзноманигорон ва блогнависони мустақил бо иттиҳоми терроризм ва ифротгароӣ ба муҳлати аз 7 то 21 соли зиндон маҳкум шудаанд, ки ин баёнгари саркӯби шадиди озодии баён дар ин кишвар мебошад.”

Ҷаноби Турк таъкид кард, ки мурофиаи додгоҳии ин рӯзноманигорон ба шакли пӯшида баргузор гардидааст, чун ба назар мерасад, ки дар мурофиаҳо ягон далели ҷиддии содир кардани ҷиноят пешниҳод нашудааст.

Ба гуфти Комиссари олии СММ, ин боздошту зиндонӣ карданҳо дар пайи шиддат гирифтани саркӯби озодии баён дар Тоҷикистон сурат гирифтааст.

Ин бори аввал нест, ки мақомоти Тоҷикистон аз минбари созмонҳои ҷаҳонӣ дар масъалаи поймолшавии ҳуқуқи инсон мавриди интиқод қарор мегирад.

Мақомоти кишвар чанд соли охир бо баҳонаи мубориза бо ифротгароӣ ва терроризм даҳҳо нафар аз фаъолон, рӯзноманигорон, ҳуқуқшиносон ва озодандешони тоҷикро боздошт ва бо иттиҳомоти сохта барои солҳои тӯлонӣ равонаи зиндон кардаанд.

Созмонҳои байналмилалии ҳомии ҳуқуқ чунин зиндониёнро бегуноҳ медонанд ва озодии онҳоро аз мақомоти Тоҷикистон талаб доранд, аммо мақомоти кишвар ҳамеша ин талаби созмонҳоро нодида мегирад.

Вокуниши Вазорати корҳои хориҷии Тоҷикистон

Аз ҷониби
amrullokhi
-
0

Вазорати корҳои хориҷии Тоҷикистон иддаои Вазорати корҳои хориҷии Беларусро дар хусуси масоили муштараки марзҳои Тоҷикистону Қирғизистон рад кард.

Бино ба иттилои расмӣ, шоми дирӯз Вазорати корҳои хориҷии Тоҷикистон бо нашри як иттилоия гуфт: “Масоили вобаста ба муайянсозии хатти сарҳадии Тоҷикистону Қирғизистон танҳо дар сатҳи ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон муҳокима ва матраҳ мегарданд.”

Ба қавли манбаъ, дар машварати роҳбарони воҳидҳои ҳамкории ҳарбии байналмилалии вазоратҳои мудофиаи давлатҳои узви Созмони Аҳдномаи Амнияти Дастаҷамъӣ (СААД), ки 1-2 марти соли 2023 дар шаҳри Мински Ҷумҳурии Беларус баргузор гардид, ҳайати Вазорати мудофиаи Ҷумҳурии Тоҷикистон низ ширкат дошт.  Аммо “дар рӯзномаи чорабинӣ масъалаҳои вобаста ба сарҳади Тоҷикистону Қирғизистон ҷой надоштанд.”

Вазорати корҳои хориҷии Тоҷикистон таъкид мекунад, ки “бар хилофи изҳороти намояндаи Вазорати мудофиаи Ҷумҳурии Беларус аз 4 марти соли 2023, дар рафти ҷаласа масъалаи “таҳияи пешниҳодҳо ҷиҳати аз байн бурдани шиддатнокии вазъ дар қисматҳои сарҳад миёни Тоҷикистону Қирғизистон” умуман баррасӣ нашуд.”

Гуфта мешавад, тайи се соли ахир вазъ дар минтақаҳои назди сарҳадии Тоҷикистону Қирғизистон ба мисли пешин ором нест. Солҳои 2021-2022 танишҳо ба авҷи аълои худ расид, дар натиҷа садҳо нафар аз ду ҷониб кушта ва захмӣ шуданд, ҳар ду кишвар яке аз марҳилаҳои талхтарини ҳамсоядориро дар минтақа таҷриба карданд.

Созмони Аҳдномаи Амнияти Дастаҷамъӣ (СААД) дар ҳоли ҳозир 6 узв дорад, ки кишварҳои Тоҷикистону Қирғизистон, Қазоқистону Арманистон ва Русияву Белорус шомили он мебошанд.

Банкоматро дар Хатлон ғорат карданд, бонк хабар надорад

Аз ҷониби
AZDA TV
-
0

Шаби 8-уми марти соли ҷорӣ дар шаҳри Бохтари вилояти Хатлон чанд бонкоматро ғорат кардаанд, аммо ба гуфтаи шоҳидон, бонк хабар надорад аз ин воқеа.

Акс аз Интернет

Телеграм-канали Parviz TV бо такя ба манобеаш иттилоъ дод, ки шаби 7-ум ба 8-уми март дар маркази вилояти Хатлон, шаҳри Бохтар (собиқ шаҳри Қурғонтеппа) чанде аз бонкоматҳои сарироҳӣ шикаста ва маблағҳои онҳо ғорат шудааст.

Аммо дар хабар гуфта нашудааст, ки ғаротгарон бонкоматҳои кадом бонки Тоҷикистонро ба яғмо бурдаанд. Ҳамчунин ҳаҷми моли дуздидашуда чӣ миқдор аст, маълум нест. Аммо корбарон менависанд, ки бонкоматҳои шикасташуда ба бонки “Душанбе-Сити” тааллуқ доранд.

Дар вокуниш ба ин хабар бархе корбарон мегӯянд: “Бонкоматҳои “Душанбе-Сити” ҳамеша маблағ надоранд, дуздон беҳуда шикастаанд онҳоро”.

Корбарон низ мегӯянд, то ҳол масъулини бонк аз ин ғоратгарии бонкоматҳояшон хабар надоранд.

Дар ҳамин ҳол як корбар бо номи Shodonjon Nasriddinzoda менависад: “Аз ин ҳолат маълум мешавад, ки бонк кафолати амнияти нигаҳдории маблағро надорад. Зеро агар медошт дар ҳолати ғорат кардан бояд система онҳоро огаҳ кунонад!!!“

То ҳол мақомоти дахлдори шаҳри Бохтар аз боздошти гумонбарони ин ҳодиса хабаре надодааст.

Ин дарҳолест, ки моҳи сентябри соли гузашта низ дар шаҳри Бохтар бонкоматҳои бонки “Душанбе-Сити”-ро шикаста буданд. Маблағи дуздидашуда 25 ҳазор сомонӣ гуфта мешуд. Мақомоти шуъбаи Вазорати корҳои дохилии шаҳри Бохтар ҳамчун гумонбар дар ин ҷинояти дуздӣ як ҷавони 17-солаи сокини ноҳияи Кӯшониёнро боздошт карда буд.

Нахустин нишасти ҳамсояҳои Афғонистон дар Тошканд

Аз ҷониби
AZDA TV
-
0

Имрӯз, 7-уми марти соли 2023 дар пойтахти Узбекистон – шаҳри Тошканд нишасти кишварҳиои ҳамсоя бо Афғонистон баргузор шуд.

Дар нишасти имрӯзаи Тошканд намояндагони кишварҳои Узбекистон, Тоҷикистон, Туркманистон, Покистон, Эрон, Чин бо шумули Русия ширкат варзиданд.

Вазорати корҳои хориҷаи Узбекистон рӯзи душанбе, 6-уми март бо нашри баёнияе эълом кард, ки дар ин нахустин нишасти вежаи намояндагони кишварҳои ҳамсоя бо Афғонистон вазъи кунунии он, “масоили ҳамкории мутақобилаи ҷонибҳо барои танзими авзоъ дар ин кишвар, истиқрори сулҳу субот ва ҳамчунин масоили кумакҳои башардӯстона ба мардуми Афғонистон баррасӣ мешавад.”

Аммо дар ин нишаст ҳеч намояндае аз ҳукумати Толибон даъват нашудааст. Ин дар ҳолест, ки мақомоти Толибон қаблан аз кишварҳое, ки беҳузури намояндаи Толибон дар умури Афғонистон нишастҳо мегузаронанд, шикоят карда буд.

Мақомоти Толибон мегӯянд, дар чунин нишастҳо ҳузури намояндаи онҳо ҳастмист, то мавқеи Афғонистони кунунӣ низ шунида шавад.

Тасдиқи хабари Аздо тв дар Тоҷикистон

Аз ҷониби
AZDA TV
-
0

Макони будубоши фаъоли сиёсии тоҷик, Абдуллоҳи Шамсиддин, ки наздик ба ду моҳ пеш аз Олмон ба Тоҷикистон ихроҷ шуда буд, маълум гашт.

Имрӯз, 7-уми марти соли 2023 сомонаи Радиои Озодӣ дар истинод ба манобеи худ дар Аврупо таъйид кард, ки фаъоли сиёсии тоҷик Абдуллоҳи Шамсиддин дар боздоштгоҳи муваққатии Кумитаи давлатии амнияти миллии Тоҷикистон дар шаҳри Душанбе қарор дорад.

Аммо то ҳол ҳеч ниҳоде дар Тоҷикистон расман аз макони боздошти Абдуллоҳро нагуфтаанд.

Пеш аз ин вазири корҳои дохилӣ Рамазон Раҳимзода ва прокурори генералӣ Юсуф Раҳмон дар суҳбатҳои алоҳида ба расонаҳо гуфта буданд, ки дар бораи дар куҷо будани Абдуллоҳи Шамсиддин иттилоъ надоранд.

Ин дар ҳолест, ки 27-уми феврали соли ҷорӣ Azda tv дар истинод ба пайвандони Абдуллоҳи Шамсиддин хабар дода буд, ки “ин фаъоли сиёсӣ дар Боздоштгоҳи муваққатии Кумитаи давлатии амнияти миллӣ дар шаҳри Душанбе қарор дорад ва аз тарси Саймумин Ятимов ҳеч касе аз мақомоти қудратӣ ҷуръат намекунад, ки дар ин бораи чизе бигӯяд.“

Гуфта мешавад, мақомоти олмонӣ фаъоли сиёсии тоҷик Абдуллоҳи Шамсиддинро 18-уми январи соли ҷорӣ тариқи Туркия ба Тоҷикистон ихроҷ карда буданд. Мақомоти Кумитаи давлатии амнияти миллӣ ин фаъоли сиёсиро аз дохили ҳавопаймо боздошт карда, ба худ бурда буданд ва то кунун ҳеч ниҳоде дар Тоҷикистон расман дар бораи ин боздошт ба расонаҳо иттилоъ надодааст.

Боз як рӯзноманигори дигари тоҷик “нопадид” шуд

Аз ҷониби
firuzihait
-
0

Як рӯзноманигори тоҷикро афроди ношинос боздошта ва ба макони номаълуме бурдаанд. Пайвандонаш макони боздошти ӯро меҷӯянд.

Ду шахси ношинос, ки дар тан либоси мулкӣ доштаанд, 6-уми марти соли ҷорӣ рӯзноманигори тоҷик Хуршед Фозиловро тақрибан, соати 15:00-15:30 дар дохили Идораи меҳнат, муҳоҷират ва шуғли аҳолии шаҳри Панҷакент дастгир ва ба макони номаълум бурдаанд.

Кормандони ин идора, ки шоҳиди ҳодиса буданд, дар суҳбат бо “Азия-Плюс” гуфтанд, ки “Хуршед Фозиловро ду шахси номаълум аз дохили утоқ гирифта бурданд”.

Гуфта мешаванд, Хуршед Фозилов то моҳи январ тибқи шартнома дар доираи як лоиҳа бо Идораи меҳнат, муҳоҷират ва шуғли аҳолии шаҳри Панҷакент ҳамкорӣ мекард ва дирӯз, 6 –уми март барои хабаргирии ҳамкорони пешинаш рафта будааст.

Шоҳидон мегӯянд, ки субҳи имрӯз, 7-уми март, боз чаҳор нафари дигар бо либоси мулкӣ омада, компютереро, ки ӯ кор мекард, гирифта бо худ бурданд. Ҳамкоронаш сабаб ва макони боздошти Хуршедро пурсидаанд, аммо ҷавобе нашунидаанд.

Дар ҳамин ҳол наздикони журналист низ гуфтаанд, ки бо гузашти як шабонарӯз наметавонанд ӯро пайдо кунанд ва бо вуҷуди муроҷиат ба ҳама идораҳои шаҳри Панҷакент, касе ба онҳо ҷавоби мушаххас надодааст.

“Тавассути чанд нафар фаҳмидем, ки дар идораи амнияти шаҳр аст. Вақте ба ин идора рафтем, тасдиқ карданд, ки Хуршед дар ин идора аст ва баъди бозпурсӣ ҷавоб медиҳанд”, – гуфтааст яке аз наздикони рӯзноманигор ба “Азия-Плюс”.

Мақомот то ҳол сабаби боздошти ин рӯзноманигори тоҷикро шарҳ надодаанд.

Хуршед Фозилов, ки аз минтақаи Зарафшон барои расонаҳои мустақил хабару гузориш менавишт, пештар ӯро барои ҳамкорӣ бо сомонаи хабарии замоне фаъоли “Ахбор.ком” ҳамроҳи чанд рӯзноманигори дигар дар яке аз барномаҳои телевизиони Тоҷикистон намоиш дода буданд.

Ин бори аввал нест, ки як рӯзноманигори тоҷик аз ҷониби афроди ношинос боздошт ва ба ҷойи номаълум бурда мешавад. Дар гузашта мақомоти тоҷик барои фишор додан ба рӯзноманигорон онҳоро боздошту соатҳо бозпурсӣ мекарданд.

Танҳо соли гузашта мақомоти тоҷик чанд тан аз блогерону рӯзноманигорон, аз ҷумла Далери Имомалӣ, Абдуллоҳ Ғурбатӣ, Завқибеки Саидаминӣ, Улфатхоним Мамадшоева, Муҳаммади Султон, Хушрӯз Ҷумъаев ва Абдусаттор Пирмуҳаммадзодаро бо иттиҳомоти сохта, аз ҷумла расондани иттилои дурӯғ ва ҳамкорӣ бо созмонҳои мамнӯъ гунаҳкор намуда, онҳоро барои аз 7 то 20 сол ба зиндон маҳкум карданд. Рӯзноманигорони боздоштшуда худро бегуноҳ мешуморанд.

Созмонҳои байналмилалии ҳомии ҳуқуқ низ ин рӯзноманигоронро бегуноҳ медонанд ва озодии онҳоро аз мақомоти Тоҷикистон талаб доранд, аммо мақомоти кишвар ҳамеша ин талаби созмонҳоро нодида мегирад.  

Сафири нави ИМА дар Тоҷикистон

Аз ҷониби
amrullokhi
-
0

Сафири нав Иёлоти Муттаҳидаи Амрико (ИМА) дар Тоҷикистон эътимодномаи худро ба муовини вазири корҳои хориҷӣ тақдим кард.

Бино ба иттилои расмӣ, субҳи имрӯз, 7-уми марти соли 2023, Музаффар Ҳусейнзода, муовини вазири корҳои хориҷии Тоҷикистон нусхаи эътимодномаи cафири навтаъйини Иёлоти Муттаҳидаи Амрико дар Ҷумҳурии Тоҷикистон Мануэл П.Микаллерро қабул кард.

Ба қавли манбаъ, дар рафти суҳбат “ҷонибҳо перомуни ҳолати кунунӣ ва дурнамои густариши ҳамкорӣ байни Тоҷикистону ИМА ва масъалаҳои дигари мавриди таваҷҷуҳи тарафайн табодули афкор намуданд.”

Гуфта мешавад, тибқи қоидаҳои умумии равобити байнлмилал, вобаста ба наздик ва самимӣ будани равобит байни кишварҳо муайян мекунад, ки нусхаи эътимодномаи сафиронро дар кишварҳои мизбон дар чӣ сатҳе қабул кунанд. Қабули эътимодномаи сафирон дар сатҳи муовинони вазири корҳои хориҷӣ, дар сатҳи миёна қарор доштани равобити байни кашварҳоро нишон медиҳад.

Барои мисол, бо вуҷуди он ки ҳеч куҷое расман Тоҷикистон алайҳи ҳамлаҳои Русия ба Украина садо баланд накарда, вале ба хотири ҷалби таваҷҷуҳи кишварҳои ғарбӣ чанде қабл худи Эмомалӣ Раҳмон нусхаи эътимодномаи сафири Украинаро дар шаҳри Душанбе қабул карда буд.

1...351352353...800саҳифаи 352 аз 800