Хона блог саҳифа 377

Кушта шудани раҳбари ДИИШ дар Сурия

Аз ҷониби
AZDA TV
-
0

Рӯзи чоршанбе, 30-уми ноябри соли ҷорӣ, гурӯҳи ДИИШ бо нашри паёми савтие аз кушта шудани як раҳбари худ бо номи Абуҳасан Қурайшӣ хабар дод.

Ба гузориши расонаҳо, Абуумар Муҳоҷир, сухангӯи ДИИШ дар як паёми савтие гуфтааст, савумин раҳбари ин гурӯҳ “дар яке аз набардҳои ахир” кушта шудааст. Аммо чӣ гуна ва дар кадом минтақа кушта шудани Қурайшӣ маълум нест.

Дар вокуниш ба ин хабар, сухангӯи Шӯрои амнияти Кохи Сафед гуфт, ки “аз хабари кушта шудани яке аз раҳбарони ДИИШ истиқбол мекунем, вале дар ҳоли ҳозир ҳеч ҷузъиёте аз кушта шудани ӯ дар даст надорем”.

Абуҳасан Қурайшӣ пас аз кушта шудани раҳбари собиқи ДИИШ Абуиброҳими Қурайшӣ дар моҳи феврали соли гузашта аз ҷониби нерӯҳои Амрико дар шимоли Сурия, раҳбарии ин гурӯҳро бар уҳда гирифта буд.

Вокуниши мардум ба “таксишикор” дар Душанбе

Аз ҷониби
amrullokhi
-
0

Мақомоти бозрасии давлатии автомобилӣ дар шаҳри Душанбе ба “шикор”-и таксиҳо камар баста, ронандаҳоро нигарон кардаанд.

Дар чанд рӯзи ахир мақомоти

Аз сӯи дигаре гурӯҳе низ айбро сари худи таксиронҳо партофта мегӯянд, “як бепарвогии ронандаи таксӣ ҳама таксиҳои 33 33 ,11 11, 25 25 ва ғайраҳоро аз нони хӯрдан бозмонд…”

Гуфта мешавад, тибқи қонунгузории Тоҷикистон барои машғул шудан ба таксиронӣ ронандаҳо ҳуқуқ надоранд, ки бо мошинҳое, ки соли бароришон зиёда аз 7 сол пеш бошад, фаъолият кунанд. Инчунин касоне, ки мехоҳанд ба сурати расмӣ ба ин кор машғул шаванд, бояд иҷозатномаи мусофиркашонӣ ва рақамҳои давлатии ранги зард дошта бошанд.

Барканории сармуҳаррири рӯзномаи “Минбари Халқ”

Аз ҷониби
amrullokhi
-
0

Эмомалӣ Раҳмон сармуҳаррири рӯзномаи ҳизбашро аз вазифа барканор ва шахси дигареро дар ин курсӣ таъйин кард.

Имрӯз, 30-уми ноябри соли 2022 дар шаҳри Душанбе Маҷлиси Кумитаи иҷроияи марказии Ҳизби Халқии Демократии Тоҷикистон баргузор гардид.

Эмомалӣ Раҳмон, раиси Ҳизби Халқии Демократии Тоҷикистон дар ин ҷаласа Бахтиёр Ҳамдамов, сармуҳаррири рӯзномаи “Минбари Халқ”-ро аз вазифааш барканор кард.

Ба гуфтаи сомонаи Хадамоти матбуоти Президенти Тоҷикистон, “бо сабаби ба кори дигар гузаштанаш Бахтиёр Ҳамдамов аз вазифаи сармуҳаррири нашрияи марказии ҲХДТ «Минбари халқ» озод шуда, Рауфзода Суҳроб Холмурод ба вазифаи сармуҳаррири рӯзнома интихоб гардид.”

Гуфта мешавад, Бахтиёр Ҳамдавом, адабиётшинос ва журналисти тоҷик аст, ки солҳои зиёд ба ҳайси сармуҳаррири ин рӯзномаи ҳизби ҳоким фаолият кардааст. Вай номзади илмҳои филологӣ буда, зодаи шаҳри Истаравшан ва хатмкардаи Донишгоҳи давлатии Хуҷанд мебошад.

Аврупо хостори таҳқиқи ҷиддии ҳамлаҳои Русия дар Украина шуд

Аз ҷониби
AZDA TV
-
0

Иттиҳоди Аврупо иддао дорад, ки барои таҳқиқи таҷовузҳои Русия дар Украина як додгоҳи ҷудогона бо пуштибонии Созмони Миллал ташкил карда шавад.

Урсула фон дер Ляйен, раиси Комиссияи Аврупо

Раиси Комиссияи Аврупо Урсула фон дер Ляйен рӯзи чоршанбе пешниҳод кард, ки парвандаи қатлу таҷовузҳои Русия дар Украинаро бояд як додгоҳи махсус аз ҷониби Созмони Миллали Муттаҳид таҳқиқи ҳамаҷониба кунад.

Раиси Комиссияи Аврупо дар як изҳороти видеоӣ гуфт: “Дар баробари идомаи дастгирии Додгоҳи Байналмилалии Ҷиноӣ, мо пешниҳод мекунем, ки як додгоҳи махсусгардонидашуда бо пуштибонии Созмони Милали Муттаҳид барои таҳқиқ ва таъқиби ҷиноятҳои таҷовузкоронаи Русия таъсис дода шавад”.

“Мо омодаем, ки бо ҷомеаи ҷаҳонӣ ҳамкорӣ кунем, топуштибонии васеътари байналмилалиро барои ин додгоҳи тахассусӣ ба даст орем”, – мегӯяд Фон дер Ляйен.

Ин дар ҳолест, ки Киев борҳо аз муттаҳидони ғарбии худ даъват карда буд, ки додгоҳи байналмилалие таъсис диҳанд, то мақомоти Русия ва сарбозоне, ки дақиқ шудааст, дар Украина ба ҷиноёти ҷангӣ даст задаанд, муҳокима кунанд.

Бо идома ёфтани ҷанги Русия дар Украина мавқеи Ғарб дар қиболи Маскав то рафт шадидтар мешавад. Ҳафтаи гузашта порлумони Аврупо қатъномаеро қабул кард, ки Русияро давлати ҳомии терроризм эълон кард. Кремл қаблан ҳама иттиҳомот дар бораи ҷиноятҳои эҳтимолии сарбозони рус дар Украинаро рад карда буд.

Рӯзи даҳуми Ҷоми ҷаҳон-2022

Аз ҷониби
firuzihait
-
0

Дар рӯзи даҳуми Ҷоми ҷаҳонии футбол-2022 дар давлати Қатар бозиҳои ниҳоии марҳилаи гурӯҳӣ шурӯъ шуд. Дар ин рӯз мунтахабҳои Қатару Ҳоланд, Эквадору Сенегал дар гурӯҳи “А” ва Эрону ИМА ва Англияву Уэлс дар гурӯҳи “B” бо ҳам бозӣ карданд.

Давлати Қатар, ки мизбони Ҷоми ҷаҳони футбол аст аз мунтахаби Ҳоланд бо ҳисоби 0:2 шикаст хӯрд ва аз ҳаққи идомаи ширкат дар даври баъдӣ маҳрум шуд. Дар таърихи Ҷоми ҷаҳон бори аввал аст, ки мизбон дар 3 бозии марҳилаи гурӯҳи мағлуб мешавад.

Дар ин вохӯри ҳамлагар Коди Гапко дар дақиқаи 26 ва нимҳимоятгари ҳолландӣ Френки Де Йонг дар дақиқаи 49 тӯбҳоро ба ҳадаф расонданд.

Бозии дигар миёни мунтахабҳои Эквадор ва Сенегал бо ҳисоби 1:2 анҷом шуд. Дар нимаи аввали бозӣ дар дақиқаи 44 тӯбро аз пеналти Исмаила Саар футболбози сенегалӣ ба нишон расонда, ҳисобро боз кард. Дар дақиқаи 67-уми вохӯрӣ нимҳимоятгари Эквадор Мойсес Кайседо ҳисобро баробар кард. Аммо Калиду Кулибали капитани мунтахаби Сенегал баъд аз 2 дақиқа тӯбро ҳадаф расонд боз тимашро ба пеш баровард.

Ҳамин тариқ аз гурӯҳи “А” Ҳоланд бо 7 ва Сенегал бо 6 имтиёз ба даври 1/8 финал роҳхат гирифтанд.

Бозиҳои баъдӣ дар гурӯҳи “B” миёни мунтахабҳои Англияву Уэлс ва Эрону ИМА баргузор гардид.

Футболбозони мунтахаби Англия Маркус Рашфорд ва Фил Фоден дар дақиқаҳои 50, 61 ва 68 се голи бе ҷавоб ба дарвозаи Уэлс зада, барои тимашон пирӯзӣ оварданд.

Вохӯрӣ миёни мунтахабҳои Амрико ва Эрон дар ҳузури 44 ҳазор тамошобин дар варзишгоҳи “Ал-Тумама” баргузор гардида, бозӣ ба фоидаи мунтахаби Амрико ба ҳисоби 1:0 анҷом ёфт ва голро дар дақиқаи 38-ум Кристиан Пулишич зад.

Ҳамин тариқ дар гурӯҳи “B” Англия 7 ва ИМА 5 имтиёз ба даст оварда, ба даври 1/8 финал роҳхат гирифтанд.

То ҳол аз 32 мунтахаб Ҳоланд, Сенегал, Англия, ИМА, Фаронса, Бразилия ва Португалия ба даври баъдӣ роҳ ёфтаанд.

Ҷоми ҷаҳонии футбол-2022 дар далати Қатар аз 20-уми ноябр оғоз шуда, финали қаҳрамонӣ рӯзи 18-уми декабр дар Варзишгоҳи миллии Лусаил, ки дорои 80 ҳазор ҷойи нишаст барои тамошобинон аст, баргузор хоҳад шуд.

Қарордоди 15-солаи Олмон ва Қатар дар бораи хариди газ

Аз ҷониби
amrullokhi
-
0

Кишварҳои Олмон ва Қатар пойи қарордоде имзо карданд, ки бар асоси он Давҳа муваззаф шуда, ба муддати 15 сол ба Берлин гази табиӣ содир кунад.

Бино ба

Гуфта мешавад, Олмон нахустин кишваре нест, ки дар бораи хариди гази табиӣ бо Қатар қарордоди тӯлонимуддат мебандад, Кореаи Ҷанубӣ ва Чин ҳам аз ҷумлаи муштариёни гази Қатар ҳастанд, ки ба муддатҳои тӯлонӣ бо ин кишвар чунин қарордодҳоеро имзо кардаанд.

Нишасти изтирории Иттиҳоди Аврупо дар бораи муҳоҷирон

Аз ҷониби
AZDA TV
-
0

Визирони корҳои дохилии Иттиҳоди Аврупо пас аз муноқишаи тунди Фаронса ва Италия бар сари муҳоҷирони ғайриқонунӣ, нишасти изтирорӣ ташкил карданд.

Италия, Юнон ва Испания кишварҳои дигари узви Иттиҳоди Аврупоро ба он муттаҳам мекунанд, ки дар пазируфтани муҳоҷирон ба онҳо кумаки заруриро намекунанд ва селаи муҳоҷирони ғайриқонунӣ болои онҳо фишори зиёде овардааст.

Аммо дар ҷаласаи қаблии ин ниҳоди аврқпоӣ Фаронса Италияро ба он айбдор кард, ки қонунҳои баҳриро дуруст риоят намекунад ва ин сабаби ворид шудани муҳоҷирони ғайриқонунӣ шудааст.

Мавзӯи ин ки кадом кишвари узви Иттиҳоди Аврупо бояд муҳоҷирони ғайриқонуниро, ки вориди он мешаванд, бештар пазироӣ кунад, яке аз мушкилоти ҳамешагӣ дар нишастҳои вазирони ин иттиҳодия табдил шудааст.

Пас аз таҳаввулоти “Баҳори арабӣ” дар соли 2011 ва дигар мушкилоти иқтисодӣ, иҷтимоӣ ва сиёсии кишварҳои шарқӣ, мавҷҳои муҳоҷират ба кишварҳои аврупоӣ бештар шуд. Солҳои ахир мақомоти Аврқпо мегӯянд, муҳоҷиратҳои ғайриқонунӣ ба кишварҳои онҳо низ афзоиш ёфтааст. Сол то сол қонунҳо барои танзими мавҷҳои ғайриқонунии муҳоҷират дар ин кишварҳо шадидтар мешавад.

БРА: Иқтисоди Тоҷикистон соли 2023 рушд мекунад

Аз ҷониби
AZDA TV
-
0

Мувофиқи таҳлилҳои ахири Бонки Рушди Авруосиё, дар соли 2023 иқтисоди Тоҷикистон дар байни кишварҳои минтақа рушди аз ҳама бештарро хоҳад дошт.

Акс аз “www.btv.md”

Тавре “Авесто” хабар дод, таҳлилгарони Бонки Рушди Авруосиё дар таҳлилҳои худ афзоиши маҷмуи маҳсулоти дохилии Тоҷикистонро дар соли 2023 то ҳадди 6,5% арзёбӣ кардаанд.

Ба гузориши БРА, ки рӯзи 29-уми ноябри соли ҷорӣ нашр шуд, паҳншавии пандемияи оламгир ва пас аз он пастравии рубли русӣ боис шуд, ки иқтисоди кишварҳои минтақа соли 2020 рӯ ба таназзул биёрад.

Тавре дар гузориш омадааст, рушди иқтисоди Тоҷикистон дар соли 2021, пас аз коҳиши шадиди он дар соли 2020 дар пасманзари иншори коронавирус, 9,2 дарсадро ташкил додааст.

Тибқи пешгӯиҳои таҳлилгарони БРА, рушди иқтисоди Тоҷикистон дар соли оянда дар миёни кишварҳои минтақа баландтарин хоҳад буд.

“Иқтисодиёти Арманистон ва Қазоқистон дар соли 2023 дар сатҳи 4,2%, Қирғизистон – 3,5%, Беларус – 0,3% ва инчунин коҳиши иқтисоди Русия дар сатҳи -2% пешбинӣ шудааст.”

Сатҳи таваррум дар Тоҷикистон, тибқи пешгӯии мутахассисони БРА, дар соли 2023 аз 6,9%-и охири соли ҷорӣ то 6% коҳиш хоҳад ёфт.

Ҳамчунин таҳлилгарони БРА дар гузориши худ, коҳиши тадриҷии қурби пули миллӣ-сомониро дар ду соли оянда пешбинӣ карданд. Ба гуфтаи онҳо, интизор меравад, ки қурби пули тоҷик дар баробари доллар то охири соли ҷорӣ наздик ба 10,2 сомонӣ (барои 1 доллар) ва дар соли 2023 ба ҳисоби миёна 10,7 сомонӣ поён равад.

Баҳси курпаву курпачадӯзӣ дар маҷлиси Ҳукумати Тоҷикистон

Аз ҷониби
amrullokhi
-
0

Президенти Тоҷикистон ҳамроҳ бо аъзои ҳукумат дар маҷлиси навбатии худ дар бораи курпаву курпачадӯзӣ ва густариши ин намуди ҳунари мардумӣ суҳбат карданд.

Бино ба иттилои сомонаи Хадамоти матбуоти Президенти Тоҷикистон, 29-ноябри соли 2022 Эмомалӣ Раҳмон дар раъси маҷлиси навбатии Ҳукумат ширкат карда, бо тими кориаш дар бораи рушди ҳунарҳои мардумӣ баҳс кардааст.

Ба қавли манбаъ, “қарори Ҳукумати Ҷумҳурии Тоҷикистон аз 3 июни соли 2014, №375 «Дар бораи рушди қолинбофии дастӣ ва дигар ҳунарҳои мардумӣ дар Ҷумҳурии Тоҷикистон» имконият фароҳам овард, ки дар қаламрави шаҳру ноҳияҳои кишвар марказҳои таълимӣ – истеҳсолӣ таъсис ёфта, раванди омӯзиши рушди ҳунарҳои мардумӣ тақвият ёбад.”

Гуфта мешавад, дар ҳоли ҳозир,”8 корхона ба намуди фаъолияти шахси ҳуқуқӣ ва дар 38 шаҳру ноҳияҳо марказҳои омӯзишию истеҳсолии маҳсулоти ҳунарҳои мардумӣ ташкил гардида, мунтазам фаъолият доранд.

Аз ҷониби корхонаю марказҳои ҳунарӣ матои атласу адрас, курпаю курпача, рахти хоби ороишӣ, болишти гулдӯзӣ, тоқӣ, сӯзанӣ, ҷома, куртаи чакан ва дигар номгӯи маҳсулоти мардумӣ истеҳсол карда шуда, дар ҳисоботи оморӣ ба қайд гирифта мешаванд.”

Бозии Эрону Амрико. ИМА бозиҳои ФИФА-ро ҳам низомӣ карданист?

Аз ҷониби
amrullokhi
-
0

Бо наздик шудани соати бозии футбол байни дастаҳои Ҷумҳурии Исломии Эрон ва Иёлоти Муттаҳидаи Амрико фазои майдони бозӣ низомӣ ва сиёситар мешавад.

Тасвир аз Эътимодонлайн

Имрӯз, 29-уми ноябри соли 2022 дар мусобиқоти Ҷоми ҷаҳонии футбол севумин даври бозиҳо байни дастаҳои мунтахаби миллии Иёлоти Муттаҳидаи Амрико (ИМА) ва Ҷумҳурии исломии Эрон (ҶИЭ) дар Қатар баргузор мешавад.

Ба иттилои “Эронинтернешнл”, сухангӯи Иброҳим Раисӣ, Президенти Эрон гуфтааст, “барои тими миллии футбол подошҳоеро федератсияи футбол ва давлат дар назар гирифта, ки бахше ҳам тақдим шудааст. Агар имшаб шоҳиди бозии муваффақе бошем, боз ҳам бодошҳои дигаре дар ихтиёри азизон қарор хоҳад гирифт ва давлат тамомқад пуштибони тими миллӣ аст.”

Аз сӯи дигар гузориши расонаҳои эронӣ ҳокӣ аз он аст, ки имшаб, қарор аст ҳудуди 5 ҳазор нафар аз нерӯҳои амрикоии муқими пойгоҳи Алъадидаи Қатар барои пур кардани сафи мухлисони мунтахаби миллии ИМА бо либоси ягона вориди майдон мешаванд.

Биноан, бархе коршиносони эронӣ ворид шудани ин теъдод аз афроди низомипӯшро дар майдон фоли хуб намедонанд. Ба гуфтаи онҳо, ба ҷои он, ки бозӣ бояд ҳамчун як намуди варзиш ба дур аз сиёсат сурат бигирад, вале ин дафъа дар баробари ҳамроҳ шудани сиёсат вуҷуди низомипӯшҳо раванди онро пеш аз оғоз ҳассостар кардааст.

Ба гуфтаи Евронюс, ин бозӣ ба он хотир “ҳассос” хоҳад буд, ки аз замони вуқуи инқилоби исломӣ дар Эрон ва ишғоли сафорати Амрико дар Теҳрон ҳамвора равобити Эрону Амрико танишзо буда ва ба ҳамин иллат бозиҳои варзишӣ ҳам беш аз тамоми рақобатҳо мавриди таваҷҷуҳ қарор гирифтааст. Бар ҳамин асос, бемуносибат набуд, ки дидори Эрону Амрико дар Ҷоми ҷаҳонии 1998 дар Фаронса барои муддатҳо мусобиқаи қарн хонда мешуд.

Гуфта мешавад, ин бозии “ҳассос” байни тими миллии мутхаби Эрон ва Армрикоро натанҳо дар Теҳрон ва Вошенгтон интизоранд то бибинанд поёнаш чӣ мешавад, балки тоҷикистониҳои зиёде низ барои дидани ин бозӣ дар гӯшаву канори дунё интизор нишастаанд, то дар сурати пирӯзӣ барои мунтахаби милии футболи Эрон кафкӯбӣ кунанд.

Амруллоҳи Низом, махсус барои Azda tv

1...376377378...787саҳифаи 377 аз 787