Чин эълон кардааст, ки ба хотири пешгирӣ аз гарон шудани нархи нафт дар ҷаҳон расман аз Эрон нафти хом ворид кардааст.
20-уми январи соли ҷорӣ давлати Чин хабар дода, ки барои ҷилавгирӣ аз гаронтар шудани нархи нафти хом дар дунё як киштии ҳомили 1 миллион 900 ҳазор бушка нафти хомро расман аз Эрон ворид кардааст.
17-уми январи соли ҷорӣ пас аз ҳамлаи Ансоруллоҳи Яман ба Амороти Муттаҳидаи Араб нархи нафти хом дар бозорҳои ҷаҳонӣ якбора афзоиш ёфт. Қимате, ки дар 7 соли гузашта биржаҳои ҷаҳонӣ бо ин нарх хариду фурӯши нафти хомро таҷриба накарда буданд.
Дар се рӯзи гузашта ҳар як бушка нафти хоми навъи Brent дар биржаҳои ҷаҳонӣ то 89 доллару 10 сенти амрикоӣ фурӯхта шуд. Аммо 20-уми январ пас аз эълони Чин дар хусуси расман ворид кардани нафти хом аз Эрон нархи ҳар як бушка нафти хом то ду доллар арзонтар шуд.
Ширкатҳои чинӣ, ки то кунун нафти хоми Эронро ба сурати ғайрирасмӣ бо киштиҳои бидуни родор ва ё бо номи кишварҳои ҳошияи Халиҷи Форс ба мисли Уммон, Кувайт ва ё Амороти Муттаҳидаи Араб ворид мекарданд, акнун дар тавофуқ бо Амрико барои пур кардани захираҳои нафтии худ расман нафти хоми Эронро бо номи худи он мехаранд.
Эрон чорумин кишвари дорандаи нафти хом дар дунё аст. Аммо давлати Амрико бо раҳбарии Доналд Тромп дар соли 2018 хариду фурӯши нафти хом аз Эронро таҳрим кард. Ба дунболи ин таҳримҳо хариду фурӯши нафти хом аз Эрон ба пойинтарин ҳад расид.
Чин бо ҷамъияти беш аз якуним миллиард аҳолӣ яке аз воридкунандаҳои аслии нафти хом дар ҷаҳон аст ва талаботи рӯзонаи он ба нафт зиёда 2 миллион бушка нафти хом арзёбӣ мешавад.
Гароншавии ахири билетҳои ҳавопаймо дар ҳолест, ки то як моҳи пеш арзиши билетҳо аз Душанбе то Маскав 2400-2500 сомонӣ буд, аммо он якбора 50% гарон шуд ва ҳоло як билет то 5000 сомонӣ ва аз он ҳам гаронтар фурӯхта мешавад.
Шаҳрвандон аз он шикоят доранд, ки дар кишвар ҷои кор нест ва маҷбуранд барои таъмини зиндагӣ ба Русия сафар кунанд, аммо бо ин гаронӣ низ барояшон рафтан душвортар мегардад.
Дар гузашта низ ширкатҳои ҳавопаймоӣ нархҳоро аз нархи эълонкардаи Агентии авиатсияи шаҳрвандӣ ба маротиб гаронтар мефурӯхтанд, то ҷое, ки як билет аз Душанбе то Маскав ба 10 ҳазор сомонӣ баробар шуда буд.
Эътилофи низомии кишварҳои арабӣ бо раҳбарии Арабистони Саудӣ ва Амороти Муттаҳидаи Араб ҳамлаҳои хисоратбори худро ба пойтахти Яман ва атрофи он афзоиш додаанд.
Акс аз Ройтерз, яке аз биноҳое, ки субҳи имрӯз мавриди ҳамла қарор гирифтааст.
Бино ба иттилои Алҷазираи Қатар субҳи имрӯз ҷангандаҳои аморотӣ, ки зери чатри Эътилофи низомии кишварҳои арабӣ бо раҳбарии Арабистони Саудӣ амал мекунад, чанд нуқтаеро дар Санъо, пойтахти Яман ва бандари Алҳадида мавриди ҳамла қарор додаанд.
Мақомоти Яман ба гуфтаи хабаргузории “Форс” то кунун дар бораи талофоти ҷонӣ бар асари ин ҳамлаҳо гузорише надодаанд, аммо дар аксу наворҳои нашр шуда дида мешавад, ки тахриби бино ва хисороти молӣ ва моддӣ ҳам дар пай доштаанд.
Аз сӯи дигар ба қавли шабакаи “Аларабия“ ҷангандаҳо “дар бандари Алҳадида як махзани аслиҳаро, ки зери пӯшиши фаъолиятҳои тиҷоратӣ амал мекард ва аз он ҷо ба дигар манотиқи даргир интиқол мешуданд”, мавриди ҳадаф қарор дода, онҳоро аз байн бурдааст.
Пеш аз ин Яҳё Сареъ, сухангӯи низомии Ансоруллоҳи Яман ҳам пас аз ҳамлаҳои 17-уми январ таҳдид карда буд, ки ин як ҳушдор ва оғози кор аст ва агар Аморот ба ҳамлаҳояш идома диҳанд, зарбаҳои сангинтаре ба он зада хоҳад шуд.
Ҳамлаҳои ахири Эътилофи низомии кишварҳои арабӣ бо раҳбарии Арабистони Саудӣ ба Яман пас аз 17-уми январи соли ҷорӣ шиддат гирифт. Он ҳам замоне, ки пас аз ҳушдорҳо, таҳдидҳо ва ҳамла кардани нерӯҳои Ансоруллоҳ ба фурӯдгоҳҳои байналмилалии Дубай ва Абузабӣ дар чанд нуктаи ҳассоси дигар, ки тибқи иттилооти расмӣ 3 кушта ва 6 захмӣ ҳам дар пай дошатанд.
Шиддати таъсири ҳамлаҳои Ансоруллоҳи Яман ба Амороти Муттаҳидаи Араб натанҳо падофандҳои зиддиҳовои он кишварро зери суол бурд, балки ҳампаймонони онро ба навъе дар ҳолати ногувор қарор додааст. Мақомоти Амрико ҳам эълон кардаанд, ки бо гузашти беш аз 48 соат то кунун маълум накардаанд, ки аз чӣ силлоҳҳое Ҳусиҳо дар ин ҳамлаҳои худ истифода кардаанд.
Ҳамзамон Ҷо Бойдан президенти Амрико эълон карда, ки бо дархости Амороти Муттаҳидаи Араб парвандаи Ансоруллоҳи Яманро ба хотири ворид кардани исми он ба феҳристи созмонҳои террористӣ дубора мавриди баррасӣ қарор хоҳад дод.
Эътилофи низомии кишварҳои арабӣ аз марти соли 2015 бо дархости Абдулмансур Раббиҳи Ҳодӣ, президенти фирории Яман аз Санъо ба Риёз, пойтахти Саудӣ шакл гирифтааст ва ба хотири наҷот ва дубора Ҳодиро ба сари қудрат овардан 7 сол боз бо ҷамоати Ансоруллоҳи мансуб ба Ҳусиҳои Яман, қи қудратро дар даст дорад, меҷанганд ва ҳосили он ба гуфати ББС беш аз 100 ҳазор кушта, садҳо ҳазор маҷрӯҳ ва миллионҳо каси дигар фирорӣ шудан будааст.
