Хона блог саҳифа 482

Эмомалӣ Раҳмон ба Маскав сафар кард

Аз ҷониби
firuzihait
-
0

Эмомалӣ Раҳмон, раисҷумҳури Тоҷикистон субҳи 16-уми май бо як сафари корӣ ба Маскав сафар кард.

Бино ба иттилои дафтари матбуоти Президент, Эмомали Раҳмонро дар ин сафар вазири корҳои хориҷӣ ва дигар шахсони расмӣ ҳамроҳӣ мекунанд.

Гуфта мешавад, Раҳмон дар пойтахти Русия дар нишасти сарони кишварҳои узви Созмони Паймони Амнияти Дастаҷамъӣ, ки ба 30-умин солгарди имзои қарордоди амнияти дастаҷамъӣ ва 20-умин солгарди таъсиси СПАД бахшида шудааст, ширкат хоҳад кард.

Дмитрий Песков, сухангӯи Президенти Русия ба расонаҳо хабар дод, ки дар нишасти сарони кишварҳои СПАД, ки 16-уми май баргузор мешавад, аз таҳаввулоти минтақа ва масъулияти кишварҳои узви СПАД гуфта хоҳад шуд. ва ҳамчунин вазъи кишварҳои узви СПАД ва дурнамои ҳамкориҳо баррасӣ мешаванд.

Дар ин нишаст ба ғайр аз Раҳмон, Содир Ҷабборов, раисҷумҳури Қирғизистон, Қосим-Ҷомарт Тоқаев, раисҷумҳури Қазоқистон, Александр Лукашенко, раисҷумҳури Белорус, Владимир Путин, раисҷумҳури Русия ва Никол Пашинян, нахуствазири Арманистон ширкат хоҳанд кард.

Гуфтанист, ин аввалин нишасти раҳбарони кишварҳои СПАД пас аз ҳамлаи низомии Русия ба Украина мебошад.

Соли ҷорӣ раёсати СПАД-ро Ҷумҳурии Арманистон бар уҳда дорад.

Сафар намояндагони парлумони Тоҷикистон ба Боку

Аз ҷониби
AZDA TV
-
0

Субҳи 16-уми май Маҳмадтоир Зокирзода, Раиси Маҷлиси намояндагони Маҷлиси Олии Тоҷикистон дар раъси як ҳайат аз вакилони парлумони кишвар ба шаҳри Боку сафар кард.

Бино ба иттилои дафтари матбуоти Маҷлиси намояндагон, ҳайати вакилони парлумони кишват бо ҳадафи иштирок дар кори Конфронси 3-юми генералии Ассамблеяи Парлумонии Созмони Ҳамкориҳои Иқтисодӣ, ки рӯзҳои 17 ва 18-уми май дар шаҳри Боку пойтахти Озарбойҷон баргузор мешавад, сафар кардаанд.

Санаду созишномаҳое, ки дар доираи Ассамблеяи Парлумонии Созмони Ҳамкориҳои Иқтисодӣ ба имзо мерасанд, “аз ҷумла Созишнома дар бораи тиҷорати транзитӣ, Созишнома дар бораи боркашонии транзитӣ дар минтақа ва Созишномаи тиҷоратии Созмони Ҳамкориҳои Иқтисодӣ барои рушди тиҷорат, ҳамчун унсури асосии ҳамкориҳои минтақавӣ дар кишвари мо ниҳоят муҳим” арзёбӣ мешаванд.

Ҷарима барои огоҳ накардани масъули танзими маҳалла

Аз ҷониби
AZDA TV
-
0

Мақомоти шаҳри Ваҳдат Холов Иззатулло, сокини деҳаи Бакарони ин шаҳрро барои риоя накардани қонуни Тоҷикистон дар бораи танзими анъана ва ҷашну маросим 3200 ҷарима баст.

Акс як аз Интернет

Додситони кулли кишвар бо нашри ин хабар менависад, ки “сокини шаҳри Ваҳдат, Ҷамоати деҳоти Симиганҷ, деҳаи Бакарон Холов И.Х., бе гирифтани тавсиянома аз комиссияи доимии танзими анъана ва ҷашну маросимҳо, санаи 06 марти соли 2022 аз соати 9.00 дар рӯзи корӣ, дар хонаи истиқоматиаш, бо омода намудани таъом, маросими соли додарашро баргузор намудааст.”

Дар хабар гуфта мешавад, барои он ки Холов бе гирифтани тавсинома аз масъули танзим маросими соли бародарашро гузарондааст, додгоҳи шаҳри Ваҳдат ӯро ба андозаи 50 нишондиҳанда барои ҳисобҳо, баробар ба 3200 сомонӣ ҷарима бадст.

Ин дар ҳолест, ки дар бештари шаҳру ноҳияҳо маъмул шудааст, сокиноне, ки тӯй ва ё маросими дигаре мегузаронанд, рафта ба масъули танзими ҷамоат чанд маблағи муайяне медиҳанд ва ҳар нафаре, ки маблағи бештар бидиҳад ва ё он масъул аз шиносону наздиконаш бошад, соатҳои тӯлонитару бо меҳмонони бештар маросимашро мегузаронад. Дар баробари ин мансабдорони шаҳру ноҳияҳо бошанд, барои гирифтани чунин тавсияномае ниёз надоранд. Бе гирифтани он ҳам маросимҳои дабдабаноке мегузаронанд ва касе ҳам онҳоро ҷарима намекунад.

Даргирии Толибон бо марзбонони Тоҷикистон

Аз ҷониби
AZDA TV
-
0

Байни нерӯҳои Толибон ва марзбонони тоҷик дар шимоли Афғонистон дар нуқтаи марзии Шерхон-Бандар даргирии мусаллаҳона сурат гирифтааст.

Расонаи “Афғонистонинтернешл” бо такя ба манобеаш хабар дод, ки даргирӣ пас аз танишҳои лафӣ байни нерӯҳои Толибон ва марзбонони Тоҷикистон рӯй дода, аввал Толибон тир кушодаанд.

Гуфта мешавад, ин даргиӣ чаҳор соат идома ифта, аз талафоти ҷонӣ ва ё захмиёни он маълумоти дақиқе нашр нашудааст.

То ҳол ин хабар аз ҷиҳатҳои расмӣ тасдиқи худро наёфтааст ва мақомоти ду кишвар ҳам расман дар ин бора чизе нагуфтаанд.

Ин дар ҳолест, ки 7-уми майи соли ҷорӣ аз Афғонистон ба хоки Тоҷикистон 4 мушаки BM-1 партоб шуд, ки баъдан масъулияти онро ДИИШ ба дӯш гирифт. Аммо нерӯҳои марзбонии Тоҷикистон 9-май хабар доданд, ки ин мушакҳо аз кишвари ҳамсоя дар натиҷаи даргирӣ байни нерӯҳои Толибон ва ДИИШ дар ноҳияи Хоҷағори вилояти Тахор тасодуфан ба хоки Тоҷикистон партоб шудааст.

Аммо шохаи Хуросони гурӯҳи террористии ДИИШ бо интишори паёме таъкид кард, ки нерӯҳояш манотиқи марзии Тоҷикистонро бо 7 мушаки (Катюша) мавриди ҳамла қарор додаанд.

Дар Бадахшон чӣ мегузарад?

Аз ҷониби
firuzihait
-
0

14-уми майи соли ҷорӣ беш аз ҳазор сокини Вилояти Мухтори Кӯҳистони Бадахшон (ВМКБ) дар Бархоруғ барои муҳокимаи вазъияти имрӯзаи вилоят ҷамъ омада, баъзе қарорҳо қабул карданд.

Дар натиҷаи ин гирдиҳамоӣ сокинон аз ҳукумат талаб кардаанд, ки раиси ВМКБ Алишер Мирзонаботов фавран ба истеъфо равад ва нафароне, ки дар пайи гирдиҳамоии моҳи ноябри соли 2021 боздошт шудаанд, озод шаванд. Дар ғайри ин сурат аз рӯзи 16-уми майи соли ҷорӣ дар сартосари ВМКБ тазоҳуроти оммавии мардум шуруъ мешавад ва он то дами иҷро шудани талаботи сокинон идома хоҳад кард.

Эмомалӣ Раҳмон ва Алишер Мирзонаботов

Бино ба иттилои Pamir Daily News, дар пайи ин гирдиҳамоии сокинон раиси ВМКБ Алишер Мирзонаботов бо вакилони маҷлиси шаҳрӣ ҷаласа баргузор карда, аз онҳо хостааст, ки дар ҳар як минтақаи вилоят нишастҳо баргузор намоянд ва аз иштироки мардум дар тазоҳурот пешгирӣ кунанд.

Инчунин додситони ВМКБ Парвиз Орифзода дар телевизиони Бадахшон суханронӣ намуда, нафаронеро, ки дар гирдиҳамоӣ ширкат мекунанд, бо муҷозот таҳдид кардааст.

Парвиз Орифзода

Дар суханронияш Орифзода, Мамадбоқир Мамадбокировро ташкилкунандаи ҷамъомади рӯзи 14-умай дар Хоруғ ном бурда, ӯро ба ҳамдастӣ бо раҳбари Паймони миллии Тоҷикистон Муҳиддин Кабирӣ ва Алим Шерзамонов муовини раҳбари ПМТ муттаҳам кардааст.

Додситони вилоят амали Мамадбоқировро ба терроризм баробар карда, тамоми сокинонеро, ки дар гирдиҳамоии рӯзи 16-уми май ширкат мекунанд, ба муҷозот таҳдид кардааст.

То ҳол назари Мамадбоқир Мамадбоқиров, яке аз раҳбарони мардумии Бадахшон дастраси расонаҳо нест.

Pamir Daily News, ки бештар ахбори ВМКБ-ро пӯшиш медиҳад, аз афзоиши нерӯҳои низомӣ ва таҳдиди мақомот барои истифодаи зӯр алайҳи мардуме, ки ба тазоҳурот мебароянд, хабар медиҳад.

Ба назар мерасад, ки мақомот талабҳои эътирозгаронро иҷро карданӣ нест ва мехоҳад бо таҳдид пеши тазоҳуротро бигирад.

Вазъ дар Бадахшон рӯзи 25-уми ноябри соли гузашта баъди кушта шудани Гулбиддин Зиёбеков, сокини ноҳияи Роштқалъа дар як амалиёти нерӯҳои қудратӣ бад шуд. Баъди бераҳмона кушта шудани Гулбиддин аз ҷониби мақомоти қудратӣ, сокинони маҳаллӣ дар назди бинои ҳукумати вилоят ҷамъ омада, чаҳор рӯз дар Хоруғ эътироз карданд. Дар пайи ин эътирозҳо аз ҷониби кормандони ҳифзи ҳуқуқ сокинони ВМКБ Тутишо Амиршоев ва Гулназар Муродбеков кушта ва чанд тани дигар захмӣ шуданд. Баъди ин эътирозҳо чанд тан аз сокинони ин вилоят боздошт шуда ва таъқибу фишорҳои мақомот болои фаъолон бештар гардидааст.

Даргузашти Раиси давлати Амороти Муттаҳидаи Араб

Аз ҷониби
amrullokhi
-
0

Хабаргузории расмии

Акс аз сомонаи шабакаи “Арабия”

Ба гузориши ББС, имрӯз, 13-уми майи соли 2022 Халифа бин Зоид Оли Наҳаён, раиси Амороти Муттаҳидаи Араб ва ҳокими Абузабӣ дар синнӣ 73-солагӣ даргузашт.

Халифа бин Зоид Оли Наҳаён аз замони таъсиси давлати Амороти Муттаҳидаи Араб дар соли 1971 дувумин президенти ин кишвари арабӣ буд.

Шайх Халифа, писари бузурги Шайх Зоид буд, ки соли 2004 дар пайи марги падараш ба қудрат расид.

Ба дунболи даргузашти Шайх Халифа дар Имороти Муттаҳидаи Араб 40 рӯз мотами оммавӣ ва се рӯзи таътил эълон карда шуд.

Дар замони раҳбарии Шайх Халифа бин Зоид Оли Наҳаён Амороти Муттаҳидаи Араб пешрафтҳои қобили мулоҳизае дошт, вале бо ин вуҷуд ба яке аз кишварҳои “ғайри дӯст” низ нисбат ба хеле аз кишварҳои исломӣ табдил ёфта буд, зеро ин кишвар дар саркӯби эътирозгарону озодихоҳони кишварҳои Мисру Сурия, Судону Яман, Либияву Тунис муттаҳам мешуд.

Пирӯзии Шоира ва Руҳафзо ба ҳарифони худ дар Чемпионати ҷаҳонии бокс

Аз ҷониби
firuzihait
-
0

Варзишгарони тоҷик Шоира Зулқайнарова ва Руҳафзо Ҳақназарова дар даври аввали муҳорибаашон дар Чемпионати ҷаҳонии бокс байни бонувон ҳарифони худро шикаст дода, ба даври дуюм роҳ ёфтанд.

Руҳафзо Ҳақназарова 12-уми майи соли ҷорӣ дар даври аввали ин мусобиқа дар вазни 50 кг намояндаи Боливия Айда Санталларо шикаст дод.

Шоира Зулқайнарова варзишгари дигари тоҷик, 11-уми май  дар даври аввал бар намояндаи Қувайт Ҷ. Ноура пирӯз гардида буд.

Дар даври дуюми ин мусобиқаи ҷаҳонӣ Руҳафзо Ҳақназарова бо варзишгар аз Колумбия Ингрит Лорена Викториа ва Шоира Зулқайнарова бо Ҳадунг Ҷионг аз Корея рӯзи 15-уми май қувваозмоӣ хоҳанд кард.

Чемпионати ҷаҳонии бокс байни бонувон рӯзи 6-уми май дар шаҳри Истанбули Туркия оғоз ёфта, то 21-уми май идома меёбад. Дар ин мусобиқа 419 варзишгар аз 93 кишвари дунё дар 11 вазн қувваозмоӣ хоҳанд кард.

Тоҷикистонро дар ин мусобиқаи ҷаҳонӣ 4 варзишгар: Сумая Қосимова (то 48 кг), Руҳафзо Ҳақназарова (то 50 кг), Миҷгона Самадова (то 57 кг) ва Шоира Зулқайнарова (то 63 кг) намояндагӣ мекунанд.

Ду варзишгари дигари тоҷик, Сумая Қосимова (48 кг) дар даври аввал аз Севда Асенова (Булғористон) ва Миҷгона Самадова (57 кг), ки дар даври аввал озод буд, дар даври дуюм аз Йу Тинг-Линг (Тайван) мағлуб шуда, аз идомаи муҳорибаҳо маҳрум гардиданд.

Гуфта мешавад, фонди ҷоизавии мусобиқа 2,4 миллион долларро ташкил медиҳад.

Барои ҷои аввал $100 ҳазор мукофоти пулӣ пешбинӣ шуда, варзишгароне, ки ҷойҳои дуюм ва сеюмро мегиранд, $50 ҳазор ва $25 ҳазор долларӣ дода мешавад.

Раҳбарони пешини Афғонистон хостори таҳқиқи қатлҳои ом шуданд

Аз ҷониби
amrullokhi
-
0

Абдуллоҳ Абдуллоҳ ва  Муҳаммад Ҳаниф Атмар аз раҳаброни ҳукумати пешини Афғонистон хостори таҳқиқ ва муҷозоти қатлҳои гурӯҳии афғонҳо дар вилоятҳои шимолии ин кишвар шуданд.

Имрӯз, 13-уми майи соли 2022 доктар

Гуфтанист, тибқи гузоришҳои расонаҳои муътабар ва наворҳои нашршуда дар шабакаҳои иҷтимоӣ дар даргириҳои ахир байни нерӯҳои Аморати исломӣ ва Ҷабҳаи муқовимати миллӣ дар вилоятҳои Панҷшеру Бағлон ва Тахор даҳҳо нафар аз сарбозони Толибон куштаву захмӣ ва асир гирифта шудаанд.

Бар асоси гузориши расонаҳо ва фаъолони ҷомеаи мадании Афғонистон нерӯҳои Аморати исломӣ чунин зарбаи сангинеро дар муддати 9 моҳи гузашта, ки қудратро дар даст дорад, то ҳол аз ҷониби нерӯҳои зиддитолибонӣ дар Афғонистон таҷриба накарда буд. Ба ҳамин хотир, бо ирсоли нерӯҳои бештар ва анҷоми қатлҳои дастаҷамъӣ мехоҳад фарҳанги тарсу ваҳшатро дар ин се вилояти умдатан тоҷикнишин зиёдтар кунанд.

Муҳокимаи як муҳоҷири тоҷик дар Русия бо иттиҳоми куштор

Аз ҷониби
AZDA TV
-
0

Имрӯз 13-уми май додгоҳе дар ноҳияи Дятковои вилояти Брянски Русия парвандаи як муҳоҷири тоҷикро бо иттиҳоми куштор дар ҳолати мастӣ муҳокима мекунад.

Дар хабар гуфта мешавад, ин шаҳрванди 56-солаи Тоҷикистон барои дар ҳолати мастӣ қоидаҳои роҳро дағалона вайрон кардан ва дар натиҷа ду нафарро ба ҳалокат расондан гумонбар дониста мешавад.

Тавре расонаи “Новости Брянска” 13-уми май дар шарҳи ин қазия аз қавли муфаттишони парванда менависад:

“Рӯзи 28 августи соли 2021 дар роҳи Дятково-Битош-Будочки як мард дар ҳолати мастӣ мошини “Шевролет Круз”-ро аз суръати муайяншуда бештар ронда, ба хатти муқобил мебарояд ва бо мошини “Мазда 6” бармехӯрд, ки дар натиҷа ронандаи 22-сола ҳамроҳ бо мусофири 20-солаи “Мазда 6″ ба ҳалокат мерасанд.”

Гуфта мешавад, дар ин садама худи ронандаи 56-сола тоҷик низ аз косахонаи сар ва қафаси сина осеб дида, дар бемористон бистарӣ шуда буд.

Ба гуфтаи муфаттишон, шаҳрванди Тоҷикистонро, ки дар ҳолати мастӣ рондани мошину ба ҳалокат расондани ду нафари дигар гумонбар аст, то 15 соли зиндон таҳдид мекунад.

Аммо назари худи гумонбар дар мавриди ин ҳодиса маълум нест ва инчунин дар бораи аз кадом минтақаи Тоҷикистон буданаш низ чизе гуфта намешавад.

Шарҳи коршинос дар бораи болоравии қурби рубли русӣ

Аз ҷониби
amrullokhi
-
0

Сабаби боло рафтани қурби рубли русӣ дар баробари дигар арзҳои хориҷӣ, аз ҷумла доллару евро дар кам будани талабот ба он дар дохили Русия унвон шудааст.

Акс аз саҳфаи фейсбукии коршиноси масоили иқтисодӣ Абдуманнон Шералиев

13-уми майи соли 2022 Абдуманнон Шералиев, коршиноси масоили иқтисодӣ дар пасманзари боло рафтани қурби рубли русӣ дар баробари дигар азҳои хориҷӣ навиштааст, ки “сабаби асосӣ ин аст, ки таҳримҳои зиёд алайҳи Русия эъмол шудаанд ва ин кишвар аз ворид кардани маҳсулоти зиёде маҳрум шудааст.”

Ин коршиноси тоҷики масоили иқтисодӣ дар бораи дигар омилҳои боло рафтани қурби рубли русӣ дар муқобили арзҳои хориҷӣ меафзояд:

“Аз тарафи дигар Аврупо натавонистааст хариди газу нефти Русияро кам кунаду бар замми ин Чину Ҳинд нафти Русияро бинобар тахфифҳои зиёд бебаркаш мехаранд. Ин боси шудааст содирот аз воридот хеле бештар шавад, ки дар натиҷа ҳаҷми доллару евроро дар Русия хеле бештар аз ҳаҷми дархост кардааст.”

Вай дар робата ба ин ҷаҳиши камсобиқаи рубли русӣ дар чанд соли ахир таъкид мекунад, ки “дар асл қурби воқеии рубл аз 100 рубл барои 1 доллар камтар нест. Инро метавон дар қимати маҳсулот дар дохили Русия низ мушоҳида кард.”

Имрӯз, 13-уми майи соли 2022 қурби рубли русӣ дар биржаҳои байналмилалии пул ба ҳадде боло рафтааст, ки дар чанд соли ахир онро таҷриба накарда буд.

Қурби рубли русӣ дар баробари доллари амрикоӣ ҳам ба сурати рекордӣ боло рафта, дар ин биржаҳо қимати 1000 доллари амрикоӣ баробар ба 64 ҳазору 560/583 рубли русӣ таъйин шудааст.

Арзиши евро ҳам дар муқобили рубли русӣ ба сурати рекордӣ дар ин чанд соли ахир суқут карда, имрӯз қурби 1000 евро дар баробар ба 67 ҳазору 114/123 рубли русӣ таъйин шудааст.

Гуфтанист, қурби рубли русӣ дар баробари арзҳои хориҷӣ дар ҳоле ба ин ҳад боло рафтааст, ки пас аз оғози ҳамлаҳои Русия ба Украина кишварҳои ғарбӣ ва аксари муттаҳидони онҳо таҳримҳои зиёдеро алайҳи Русия ҷорӣ карда, то ҳадди тавон вобастагии иқтисодӣ ва тиҷоратии худ бо ин кишварро кам карданд ва дар натиҷа ҳаҷми содирот нисбат ба воридот дар ин кишвар ба маротиб зиёдтар шудааст.

1...481482483...802саҳифаи 482 аз 802