“Вақте мебинанд, ки Шерхон то ба ҳол намурдааст, боз ба ӯ наздик мешаванд ва ин бор ӯро дар оғӯши фарзандони ноболиғаш як тири дигар ба пешонияш мезананд, ки хун ва мағзи сараш ба чеҳраву сару либоси фарзандонаш пош мехӯрад.”
БОЗНАШР АЗ САҲИФАИ ФЕЙСБУКИИ ҶАННАТУЛЛОҲИ КОМИЛ
Ба қатл расондани Мирзоев Шерхон
Ҳарду қотили ваҳшии бераҳм, яке Саидов Маҳманазар ва дигаре Сайфуллоев Зайнулло (ҳарду мансуб ба Фронти халқи буданд) баъд аз оне, ки Мулло Ширинро бераҳмона ва бо ваҳшоният ба қатл мерасонанд, боз ҳам эҳсоси хунхорияшон қокеъ нашуда, ба тарафи хонаи Мирзоев Шерхон мераванд.
Мирзоев Шерхон аслан хабар надошт, ки моҷаро чӣ аст ва низ намедонист, ки каме пештар як дӯсти наздики ӯро бидуни ҳеҷ гуноҳе ба қатл расонидаанд. Зеро деҳаи Себистон ҳам калон асту ҳам он замон телфонҳои дастӣ вуҷуд надошт, то он хабари шумро барояш расонанд, то ӯ худро аз дасти қотилон раҳонад.
Қотилон тақрибан то як соат баъди ба қатл расонидани Мулло Ширин ба назди хонаи Мирзоев Шерхон мерасанд. Бидуни пурсиш ва огоҳ кардан, чун ваҳшиёни муғулӣ дарро зада мехоҳанд, ки дохили ҳавлии ӯ шаванд. Аммо қуфли дарро боз карда наметонанд. Дар ин ҳангом Шерхони бечора, ки аслан намедонист чӣ гап асту чӣ ҳодисае рух медиҳад, садои сахти дарро шунида, ба берун мебарояд ва дарро боз мекунад. Ҳамроҳ бо ӯ кӯдакони ноболиғаш ҳам ба берун мебароянд. Ҳамин ки дарро боз мекунад, ин ду ваҳшии силоҳбадастро рӯ ба рӯйи худ мебинад. Ӯ аслан тасаввур надошт, ки ин ҳамдеҳагонаш, нафароне, ки ба онҳо саду як некӣ кардааст, ӯро ба қатл мерасонанд.
Ба онҳо мегӯяд: чӣ мехоҳед ва барои чӣ ин вақти шаб бо силоҳ ба хонаи ман омадед? Қотилони хунхор ӯро ба қафо тела дода ва бо дастаи силоҳ мезананд ва дохили ҳавлияш мешаванд. Шерхони бечора ин амали зишти онҳоро дида, садо баланд мекунад, ки накунед! Назанед! Онҳо ӯро бо силоҳ зада-зада ба қафо меронанд. Шерхон худро аз зарби онҳо қадри имкон ҳимоят карда, оста – оста ба қафо рафта, дар кате, ки байни ҳавлияш буд, мешинад.
Як корманди зиндон бо шарти ифшо нашудани номаш ба Аздо тв хабар дод, ки дар яке аз зиндонҳои Тоҷикистон маъмурони он маҳбусонро ҷамъ намуда, ба онҳо гуфтаанд, ки аз ин ба баъд танҳо дар 10 рӯз як маротиба ҳақ доранд, ки бо хонаводаҳояшон суҳбати телефонӣ анҷом диҳанд.
Нақшаи даъват ба артишро қомиссариати ҳарбии ВМКБ 100 %, шаҳри Душанбе 100 %, вилояти Суғд 77,3%, вилояти Хатлон 75% ва ноҳияҳои тобеи ҷумҳурӣ 96% иҷро карданд.
То имрӯз нақшаи даъвати ҷавонон ба артишро комиссариатҳои ҳарбии 30 шаҳру вилояти кишвар иҷро намуда, он дар умум ба 83,1% расидааст.
Даъвати тирамоҳӣ ба сафи Қувваҳои мусаллаҳи Тоҷикистон аз 1-уми октябр оғоз шуда, то 30-юми ноябр идома хоҳад кард ва ба он ҷавонони аз 18-сола боло даъват карда мешаванд.
Имсол даъват ба артиш тибқи қонуни нав сурат мегирад, ки он ба даъватшавандагон иҷозат медиҳад бо пардохти 25 000 сомонӣ ва хидмати 1 моҳа, аз хидмат дар артиш озод шаванд.
