Бори аввал бо даъвати расмии Тоҷикистон ҳайате аз Украина иборат аз муаллимон аз донишгоҳҳои ин кишвар бо сарварии вазири маориф Сергей Шкарлет ба Тоҷикистон ташриф меоранд.
Тибқи хабари “Азия плюс” дар ин ҳайат, ки 30 март ба Душанбе меояд, беш аз 80 нафар аз ректорони донишгоҳҳо аз манотики мухталифи ин кишвар шомиланд.
Мақсади ин сафар баргузории форуми таълимӣ “Дар Украина мехонем” (Study in Ukraine) мебошад.
“Доктор Зариф барои мулоқот бо мақомоти Тоҷикистон ва иштирок дар нишасти вазирони корҳои хориҷии кишварҳои узви ҳамоиши “Қалби Осиё – Раванди Истанбул” дар бораи Афғонистон, ки 29-30 март доир мешавад, озими Душанбе хоҳад шуд.”
Давраи нуҳуми нишасти вазирони хориҷии ҳамоиши “Қалби Осиё — Раванди Истанбул”, ки ба мавзӯъи субот ва пешрафти Афғонистон бахшида шудааст, қарор аст рӯзи 30-юми март дар Душанбе оғоз бишавад. Дар ин ҳамоиш вазирони корҳои хориҷии 15 кишвар ва президентҳои Тоҷикистону Афғонистон иштирок мекунанд.
Ҳамоиши аз соли 2011 инҷониб ҳама сола дар ҳар кишваре баргузор мешавад. Илова бар ҳузури вазирони хориҷии 15 кишвар боз намояндагони кишварҳо ва созмонҳои минтақавӣ ва байналмилалӣ иштирок мекунанд ва масъалаҳои сулҳу амният ва рушди иқтисодии Афғонистонро баррасӣ мекунанд.
Сарвазири Арманистон Никол Пашинян 28 март дар мулоқот бо сокинони минтақаи Армавири Арманистон эълом дошт, ки моҳи апрел аз мақомаш эстеъфо медиҳад.
Аммо ӯ гуфт, истеъфояш на ба хотири ба куллӣ аз сиёсат рафтан аст, балки барои баргузории интихоботи пеш аз муҳлати парлумонӣ ӯ бояд истеъфо бидиҳад.
“Ман дар моҳи апрел истеъфо медиҳам, аммо на барои он ки мехоҳам биравам, балки барои баргузории интихоботи пеш аз муҳлат. Дар ин муддат ман вазифаи сарвазирро иҷро хоҳам кард”, – гуфт Пашинян.
Акс аз: “verelq.am”
Тавре хабаргузории “Verelq” иттилоъ меидҳад, Сарвазир дар мулоқот бо сокинон муроҷиат карда, гуфта, ки дар сурати дастгирӣ ёфтан аз ҷониби интихобкунандагон, ба кишвар аз пештара ҳам беҳтару хубтар хидмат хоҳад кард. Ба гуфтаи худи ӯ, агар шаҳрвандон аз тими ӯ пуштибонӣ накунанд, дар он сурат қудратро ба дигаре интиқол хоҳад дод.
Интихоботи ғайринавбатии парлумонӣ дар Арманистон қарор аст рӯзи 20 июни соли ҷорӣ баргузор шавад. То он вақт Пашинян ҳамчун сарвазири ҳукумат кор хоҳад кард.
Пас аз даргириҳои қувваҳои низомии Арманистон ва Озарбойҷон дар Қарабоғи Кӯҳӣ бо миёнҷигарии Русия Арманистон Қарабоғро ба Озарбойҷон супорид ва сокинони арманиро аз онҷо берун овард. Аммо ин кори ӯ мардуми арманро ба хашм овард ва онҳо даст ба тазоҳурот зада истеъфои Пашинянро талаб карданд. Мардум ӯро дар ин қарордод бо Озарбойҷону Русия шикастхӯрда дониста, аз қударат канор рафтанашро талаб карданд.
Бино ба иттилои маркази матбуоти Президенти Тоҷикистон қарор аст имрӯз дар Қасри миллат президентҳои ду кишвар Афғонистон ва Тоҷикистон бо ҳам дидору мулоқот хоҳанд дошт.
Ҳамчунин гуфта мешавад, ки давоми имрӯз мулоқоти Президенти Ҷумҳурии Исломии Афғонистон Ашраф Ғанӣ бо Сарвазири Тоҷикистон Қоҳир Расулзода, Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ва омӯзгорону донишҷӯёни Донишгоҳи миллии Тоҷикистон дар назар аст.
