Абдулобеков 29 сол дошта, зодаи шаҳри Хоруғ мебошад. То ҳол сабаби аслии боздошт ва дар куҷо нигоҳдорӣ шудани ӯ маълум нест.
Ёдовар мешавем, ки дар охирҳои моҳи июли соли ҷорӣ Рамзӣ ва Ораз Вазирбековҳо, фаъолони помирӣ аз Маскав рабуда шуда буданд ва чанде баъд дар наворе хабар доданд, ки дар Тоҷикистон назди кормандони интизомии кишвар қарор доранд.
Пештар аз ин, бо қарори додгоҳҳои Русия Руслан Пӯлодбеков, Ҷонибек Чоршанбиев, Муслим Наврӯзов, Чоршанбе Чоршанбеев ва чанд тани дигар ба Тоҷикистон ихроҷ шуда буданд. Ва қабл аз онҳо Амриддин Аловатшоев аз қаламрави Русия рабуда шуда буд.
Ҳамаи ин афрод зодагони ВМКБ буда, дар Русия кору фаъолият мекарданд ва қисме фаъолони диаспораи помирӣ буда, бар зидди саркӯби мақомоти тоҷик алайҳи аҳолии Бадахшон садо баланд карда буданд.
Дар фурудгоҳи Красноярски Русия аз ҷомадони як муҳоҷири меҳнатии шаҳрвнади Тоҷикистон силоҳи сарди таппончаи беҳискунанда (электрошокер) ёфт ва мусодира шудааст.
Ба гуфтаи мақомоти фурӯдгоҳ, ин ҷавони 22-солаи тоҷик, ки аз Красноярск ба самти Душанбе парвоз мекард, силоҳи сард будани онро намедонистааст. Ӯ онро як асбоби равшанидиҳанда (фонари)-и оддӣ фикр карда, бо худ гирифтааст.
“Пас аз мусодираи моли мамнӯъ аз ҷониби кормандони гумрук, он барои ташхис фиристода шуд, дар натиҷаи тафтиш маълум гардид, ки асбоби тафтишшуда силоҳи сард будааст. Дар навбати худ мусофири ҳавопаймо шарҳ дод, ки ин дастгоҳро чароғаки оддӣ гумон кардааст ва аз вазифаҳои иловагии он хабар надорад.”, омадааст дар хабар.
Бо вуҷуди ин, гуфта мешавад, ки нисбати ин ҷавони тоҷик парвандаи ҳуқуқвайронкунии маъмурӣ бо моддаи 16.3 Кодекси ҳуқуқвайронкунии маъмурии Федератсияи Русия тартиб дода шудааст. Мувофиқи ин банди қонун боздоштшуда бо пардохти ҷарима то 2,5 ҳазор рубли русӣ озод мешавад.
Тоҷикистони Шӯравӣ пеш аз устод Нурӣ (р) ҳамзамон бо ӯ ва баъди вай, толибилмоне (муллобачча), ки ҳар кадом, риштае аз риштаҳои ин улумро аз худ кардаанд, хеле зиёд дошт ва ҳоло ҳам кам нестанд, вале устоди зиндаёд ба куллӣ аз домуллоҳои ҳамнавъи худ, фарқ мекунад.
Таърих шоҳиди намунаи шахсиятҳои зиёде ҳаст, ки дар ташаккули миллатҳо, рафъи мушкилот ва шинохти мардуми худ саҳми бузург доранд. Маҳз устод Нурӣ (р) аз ҷумлаи чунин шахсиятҳо ба ҳисоб меравад, ки дар саҳифаи таърихи маънавӣ ва ҳаракии миллат ва мардуми тоҷик дурахшид ва боқӣ мемонад.
Устод Нурӣ (р) яке аз бузургтарин уламо дар Осиёи Марказӣ ба ҳисоб меравад, ки шурӯъ аз даҳаи ҳафтодуми қарни ХХ назари умумро дар минтақа ва қаламрави собиқ Шӯравӣ нисбати Ислом ва муслимин, ки аз хеле қаблҳо як назари ба худ хоссеро ихтисос дода буд, ба куллӣ тағйир дод.
Дар дигар қаламрави паҳновари мусулмонӣ, шахсиятҳо, донишмандон ва шоъирон бо назарияҳои наву “пешрафта”, бо таълифот ва ашъори ҳамосаофарини худ ва аҳёнан ҳаракатҳое мушоҳида мешавад, вале дар билоди Мовароуннаҳр – Осиёи Маркзӣ ё набуданд ва ё ҷуз гурӯҳҳои камтаъсир ва дар ҳавошии таърих, мисли Эшони Дукчӣ, ки дар муқобили истилои Руси истиъморгар бо муридони худ ба номи ислом қиём карда буд, нестанд.
Устод Нурӣ (р) сиёсатмадор ҳастанд. Дар асл як сиёсатмадори исломӣ. Муассиси ҳаракати исломӣ дар Иттиҳоди Шӯравӣ дар авҷи қудрати султаи ҳизби яккатози комунист. Дар овони ҷавонӣ ва ҳанӯз аз замони таъсиси Ҳаракати Наҳзати Ҷавонони Исломии Тоҷикистон (НАҶОТ) мӯътақид буданд, ки: “Ислом, ҳам дин асту ҳам давлат, ҳам ибодат асту ҳам сиёсат”.
Сиёсат истилои як қавм, артишкашӣ ва кишваркушоӣ нест мегуфтанд. Ҳамчунин устод Нурӣ (р) бар ин назар буданд:
* Ислом дини ҳаётӣ аст. Танҳо ибодат байни чордевории масҷид ва анҷоми расму русуми мурдагон, тоқивору хайрот нест.
* Русҳо (болшевикҳо) мутаҷовиз ва иҳтилолгаранд. (Мӯътақид буданд, ки Рус бо ҳама истибдодаш, натавонист исломро аз дили мардуми мусулмони дар манотиқи зери султааш маҳв кунад.)
* Эҳтимом ба фарҳанги миллӣ ва арзиш ба муқаддасоти қавмӣ. (Мегуфт, ман худшиносии миллиро аз китоби тоҷикони шодравон, профессор Бобоҷон Ғафуров омӯхтам ва таъкид мекарад, ки дар бедории ҳуввияти миллӣ саҳми китоби тоҷикон хеле муассир аст ва мегуфт: ғайри инсоф мебуд агар инро қабул надошта бошем..)
Воқеъан ин шахсиятҳо ҳастанд, ки шерозаҳои таърихро бо хатҳои заррин зиннат медиҳанд. Ёдат бахайр устоди зиндаёд, вориси ҳақиқии Паёмбарат (а.с) ва ходими дину миллатат. Ҳар андоза аз риҳлатат фосила зиёд шавад ба ҳамон андоза, арзиши шаъну мақомат боло меравад. Ин нишонаи садоқат ва муҳаббати як роҳбари содиқи ватандусту миллатдӯст аст.
Руҳат шод, ҷоят ҷаннати Фирдавс ҳамроҳ бо анбиё, сиддиқин, шуҳадо ва солиҳин бошад. Ва дуъо мекунем Аллоҳ сулҳу салоҳро дар кишварат пойдор ва ин миллатро ҳар чи сареътар аз зулми золими аср, раҳоӣ ва саъодату сарбалндӣ бидиҳад.
Тавре мақомоти Русия хабар доданд, дар семоҳаи дуюми соли ҷорӣ дар маҷмуъ 4,16 миллион нафар шаҳрвандони хориҷӣ дар қайди муҳоҷират дар ҷои будубош сабти ном шудаанд, ки аз онҳо 3,12 миллион нафар (75%) ҳадафи сафари худро муҳоҷирати корӣ гфтаанд.
Гуфта мешавад, шумораи бештари муҳоҷирони кориро шаҳрвандони Узбекистон ва Тоҷикистон ташкил медиҳанд. Ин муҳоҷирони корӣ бештар дар шаҳри Маскав, вилояти Маскав, Санкт-Петербург ва вилояти Ленинград, Краснодар, вилояти Иркутск, вилояти Свердловск, Приморск, вилояти Амур, вилояти Самара ва Красноярск ҷойгир шудаанд.
Аз душнабе то ҷумъа рӯзона 4/5 соат кор дар студияи AZDA TV.
Хоҳишмандон метавонанд таҷрибаи корӣ (резюмеи) худро ба имейли мо: azda.tv@gmail.com фиристанд ва баъд аз ошноӣ ба он бо онҳо тамос гирифта мешавад ва ба мусоҳиба дават хоҳанд шуд.
Муҳлати кор: 1 сол (08-2022 то 07-2023) бо қарордоди расмӣ.
