Дар ин ҷаласа баҳси асосӣ дар бораи ҳамлаҳои Русия ба Украина, зарарҳои он ба мардум ва ҳамсояҳои он, таъсиси кумитаи ҳақиқатёбе, ки хисороти ин ҷангҳоро ҳисобу китоб карда, сипас ҷуброни онро аз Русия талаб кунад, арзёбӣ шудааст.
Инчунин раиси Ассамблеяи парлумонии САҲА Маргарета Седерфелт гуфтааст: “Мо наметавонем беҷазоиро таҳаммул кунем. Шӯрои вазирони САҲА бояд барои таъсиси як ниҳоди баландпояи таҳқиқи хисороти аз ҷониби Федератсияи Русия ба Украина расонидашуда ва арзёбии ҷуброни зарар ва ҷубронпулие, ки Русия бояд барои он масъул бошад, чораҳо андешад. Русия ин ҷангро оғоз кард ва бояд маблағи онро пардохт кунад.”
Гуфта мешавад, дар кори ин ҷаласа мақомоти олии Лаҳистон ҳам иштирок ва суханронӣ карданд. Ҷаласаи Шӯрои вазирони сиёсатҳои хориҷии кишварҳои узви САҲА дар бораи ҳамлаҳои Русия ба Украина ва паёмадҳои он суҳбат мекунанд, ки шахси вазири корҳои хориҷии Русия Сергей Лавров ба он даъват нашудааст.
Расонаҳое, ки ин хабарро нашр ва ё бознашр кардаанд, иддао мекунанд, ки ин гурӯҳ “Оли Сауд”, оилаи ҳукмрон дар Арабистони Саудиро ба дахолат дар умури кишварҳои исломӣ, аз он ҷумла кишварҳои Осиёи Марказӣ муттаҳам карда, дар баёнияи худ дархост кардааст: “эътилоферо барои кашондани ҷанг ба хиёбонҳои Риёз ташкил диҳанд.”
Ин хабар дар ҳоле тайи ду рӯзи ахир ба касрат тавассути расонаҳои эронӣ нашр мешавад, ки ҳеч кадоми онҳо манбаи асосии хабарро нагуфтаанд. Инчунин ҷустуҷӯгарҳои “Гугл” ва “Яндекс” ҳам дар бахши тоҷикии Интернет аз вуҷуди чунин гурӯҳе ва ахбори он ҳеч иттилоеро рӯи даст надоранд.
Ин ҳам дар ҳолест, бархе коршиносоне, ки аҳвол ва ахбори Эронро бештар пайгирӣ мекунанд, бидуни зикри ном дар суҳбат ба Azda tv ин “ҳамла”-ро як ҷанги равонӣ хонда, гуфтанд, “эҳтимол ин ҷанги равониро бархе ироқиҳои тарафдори Эрон роҳандозӣ кардаанд.”
Бобоҷон Қайюмзод, cухангӯи Ҳизби наҳзати исломии Тоҷикистон бо таъкид бар ин ки ин хабар фейк асту ҳеч нукоти муътамаде дар он вуҷуд надорад, дар суҳбат ба Azda tv гуфт: “Фикр намекунам, ки ин як воқеият дошта бошад, ин як сӯиистифода кардан аз номи тоҷик ва миллати тоҷик аст.”
Ин фаъоли сиёсии тоҷик ва сухангӯи Ҳизби наҳзати исломии Тоҷикистон таъкид кард: “Мутаассифона, Эмомалӣ Раҳмон бо ин амалиётҳо, бо ин барномаҳо, бо ин корҳое, ки кард, тавонист миллати тоҷикро дар дунё ҳамчун як миллати террорист муаррифӣ кунад. Имрӯз ҳар гурӯҳе, ки дар дунё пайдо шавад, метавонад аз номи тоҷик ба нафъи худаш бо ҳамин шакл истифода кунад.”
Гуфта мешавад, расонаҳои эронӣ дар ҳоле аз вуҷуди чунин гурӯҳе бо номи “Муқовимати исломии Тоҷикистон” ва он ҳам бо мавзеъгерӣ алайҳи кишвари Арабистони Саудӣ хабар медиҳанд, ки Теҳрон тайи чанд моҳи ахир даргири ҷангҳои шадиди иттилоотӣ бо Риёз аст.
Ҳар ду кишвар, ки як замоне даъвои пешво будан ба ҷаҳони исломро дар сар доштанд ва дар ин роҳ хеле сарфу харҷҳои зиёдеро анҷом доданд, вале на танҳо касе аз онҳо то ҳол ба ин кор муваффақ нашудааст, балки ихтилофоти сиёсиашон ҳам дар даҳ соли ахир ба маротиб зиёдтар шудааст.
Эрон Арабистони Саудиро ба дахолат кардан дар умури дохилиаш аз тариқи расонаҳо, ва минбарҳои сиёсӣ муттаҳам мекунад ва аз сӯи дигар Риёз ҳам Теҳронро ба дахолат кардан дар умури кишварҳои арабӣ, ба хусус Сурия, Яман, Баҳрайн ва Лубнон айбдор медонад.
