Амрико мехоҳад ҳузури нерӯҳояш пас аз 31-уми август, ки поёни муҳлати будубошаш дар Афғонистон аст, тамдид кунад, аммо Толибон мегӯяд, ҳузури нерӯҳои хориҷӣ дар ин кишварро як рӯзи дигар ҳам таҳаммул нахоҳанд кард.
Пентагон ба президенти Амрико Ҷо Байден тавсия карда, ки дар бораи тамдиди муҳлати берункашии нерӯҳои ин кишвар аз Афғонистон то баъди 31-уми август тасмим бигирад ва ихроҷи 5800 сарбози амрикоӣ аз Афғонистон аз ин муҳлат сӯрат бигирад.
Кохи Сафед мегӯяд, дар 12 сотаи ахир 11 ҳазор нафарро аз Афғонистон берун кашидаанд ва акунун адади тамоми берунбурдаҳо наздики 53 ҳазор нафарро ташкил дода аст.
Амрико уҳдадор аст, ки то охири моҳи ҷорӣ (август) нерӯҳояшро комилан аз Афғонистон хориҷ кунад. Мушовири амнияти миллии ИМА Ҷейк Салливан мегӯяд кишвараш пойбанди ӯҳдадориҳояш ҳаст ва қайд карда, ки Вашингтон дар бораи ҳама чизҳое, ки дар пойтахти Афғонистон рух медиҳанд, бо Толибон машварат мекунад.
Вазири дифоъи Бритониё Бен Уоллес мегӯяд, сарвазир Борис Ҷонсон саъй хоҳад кард, то президенти ИМА -ро барои тамдиди маъмурияти нерӯҳои амрикоӣ дар Афғонистон қонеъ бисозад.
Дар навбати худ Вазорати корҳои хориҷии Фаронса низ гуфта, тамдиди маъмруияти нерӯҳои армикоӣ дар Афғонистонро зарур медонад.
Аммо Толибон аз пеш эълон кардаанд, ки тамдиди будубуоши неруҳои амрикоиро пас аз ин моҳ як рӯзи даигар дар Афғонистон қабул нахоҳанд кард.
Шурӯъ аз имрӯз, 24-уми август бонкҳои Русия дар шуъбаҳои худ барои дастрасӣ ба хидматрасониҳои бонкӣ аз шаҳрвандони хориҷӣ корти муҳоҷиратиро талаб намекунанд.
Дар ин бора агентии иттилоотии иқтисодии “Прайм” хабар дода менависад, агар қаблан аз муҳоҷирон корти муҳоҷиратӣ ё ҳуҷҷате, ки ҳуқуқи шаҳрванди хориҷӣ ва ё шахси бешаҳрвандро барои будубош дар Федератсияи Русия тасдиқ мекард, талаб карда мешуд, ҳоло дигар бо як ҳуҷҷати будубош ё худ истиқоматӣ кофист, ки аз хидматрасониҳои бонкӣ баҳраманд шаванд.
Ҳамин тариқ, аз як тараф коғазбозии (бюрократизатсия) Хадамоти муҳоҷират коҳиш меёбад ва аз тарафи дигар, шаҳодатномаи муваққатии ивазкунандаи корти муҳоҷират, ки ҳоло ҳам тавассути он давлат ва мақомоти дахлдор метавонанд ин шартҳоро назорат кунанд, озод мешаванд,- мегӯяд Лариса Крушанова, дотсенти кафедраи фанҳои ҳуқуқии Донишгоҳи “Синергия”.
Ба гуфтаи вай, дар ҳоли ҳозир муҳоҷирон аз кортҳои пластикии бонкҳои Русия истифода мекунанд, онҳо ба оилаҳои худ озодона пул интиқол медиҳанд ва аз хидматрасониҳои қарзии бонкӣ низ истифода мекунанд.
“Имрӯз шиносномаи шаҳрванди хориҷӣ (шиносномаи хориҷӣ), иҷозати иқомаи доимӣ ва иҷозати иқомаи муваққатӣ дар ҷои будубош, патент ё иҷозатномаи кории муваққатӣ дар якҷоягӣ бо қонуни мубориза бо шустушӯи пул ба давлат имкон медиҳанд, ки аз корти муҳоҷират даст кашад,” – хулоса мекунад коршинос.
Қаблан хабар дода будем, ки камбуди муҳоҷирон дар Русия боиси афзоиши музди меҳнат ва талабот ба нерӯи кории ғайрикасбӣ низ афзудааст.
Ба гуфтаи ӯ таҳвилгарон дастрасии мустақим ба корхонаҳои коркарди газро дар Қазоқистон надоранд, аз ин рӯ газро аз миёнаравон бо нархи қимматар мехаранд.
Сабаби дигари болоравии нархи ин навъи сӯзишворӣ дар яктарафа баста будани марз бо Қирғизистон будааст, ки як қисми гази моеъ аз ҳамин кишвар ворид мешудааст.
Абдуллозода зикр кард, ки 93% аз ҳаҷми умумии гази моеъ нимсолаи аввал аз Қазоқистон, 6% – аз Ӯзбекистон ва қисмати боқимонда – аз Русия ва дигар кишварҳо ба ҷумҳурӣ ворид карда шуд.
“Asia-plus” аз қавли Абдуллозода менависад, ки барои ба эътидол овардани вазъ дар бозори дохилии сӯзишворӣ, ҳукумат роҳандозии воридоти гази моеъ аз Туркманистон ва афзоиши ҳаҷми интиқоли ин навъи маҳсулот аз Ӯзбекистонро баррасӣ дорад.
Толибон қасд доранд ба хотири раҳбарии Афғонистон бо шумули Аҳмад Масъуд, як шӯрои 12-нафарӣ таъсис диҳанд.
Ба навиштаи “Foreign Policy“,интизор меравад дар ин шӯро аз роҳбарони намоёни Толибон мулло Абдулғанӣ Бародар, мулло Муҳаммад Яъқуб, писари асосгузори ин ҳаракат мулло Муҳаммад Умар ва инчунин Халил Ҳаққонӣ аъзо бошанд.
Ин нашрия меафзояд, ҳаракати Толибон аз таъсиси мансабҳои бузург ба мисли президент ва ҳатто мақоми амир канорагирӣ карда, саъй дорад шӯрои роҳбарикунандаро бо эътирофи ҷомеъаи байналмилалӣ таъсис бидиҳад.
Пеш аз ин Ваҳидуллоҳ Ҳошимӣ, яке аз аъзои баландпояи Толибон ба хабаргузории “Ройтерз” гуфта буд, мумкин аст Афғонистонро дар оянад як шӯро раҳбарӣ кунад ва эҳтимол дорад ин шӯро аз сӯи Мулло Ҳайбаттулоҳ Охундзода, раҳбари Толибон идора шавад.
Бо ин вуҷуд, то замони омодашавии хабар ҳанӯз Толибон расман эълон накардаанд, ки ин шӯро аз чанд нафар ва бо раҳбарии кӣ идора мешавад.
15-уми августи соли 2021 ҳукумати Афғонистон бо раҳбарии Муҳаммад Ашраф Ғанӣ пас аз 11 рӯзи ҷанг дар шаҳрҳо ба дасти Толибон суқут кард ва президенти пешини ин кишвар аз Кобул ба Абу Забии Амороти Мутаҳидаи Араб фирор кард.
Муаллифони китоб мегӯянд, бо заҳмат китоб таълиф мекунем, вале харидор пайдо намекунем. Аммо коршиносон китоб нахаридани сокинони кишварро ба чанд омил рабт медиҳанд.
Ба назари онҳо, вазъияти сахти иқтисодии кишвар, ки дар натиҷа сокинон корҳои муносиб пайдо на мекунанд ва даромади хубе ҳам на доранд аз иллатҳои асосии харидор пайдо накардани китобҳост. Аммо аксари онҳое, ки дар раъси қудрат қарор доранд ва ё ба тиҷорат машғул ҳастанду даромади фаровонтаре доранд, ба китобхонӣ ва хариди китобҳо камтар таваҷҷуҳ мекунанд.
